,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

နမ်ဆန်ယန်ကျေးရွာမှာ လယ်ယာမြေ နဲ့ အိမ်ခြံမြေ မကျန် ရွှေတူးဖော်နေကြ

ကျေးရွာအတွင်း ရွှေတူးဖော်နေပုံ

ဝိုင်းမော်မြို့နယ် စစ်ဘေးရှောင်တချို့ နေရပ်ပြန်နေပြီဖြစ်တဲ့ နမ်ဆန်ယန် ကျေးရွာမှာ ကျေးရွာအုပ်ချုပ်ရေးအဖွဲ့တာဝန်ရှိသူတစ်ချို့က လယ်ယာမြေနဲ့ အိမ်ခြံမြေထိ ရွှေတူးဖော်ခွင့်ပြုနေကြောင်း ဒေသခံတွေက ပြောပါတယ်။

ဒီဇင်ဘာလ နောက်ဆုံးအပတ်က နမ်ဆန်ယန်ဒေသခံတစ်ဦးဟာ သူ့ရဲ့မြေယာတွေ ဖျက်ဆီးခံရကြောင်း ဗီဒီယိုကို လူမှုစာမျက်နှာမှာတင်ပြီး အခုလိုပြောဆိုထားပါတယ်။

“အခုမြင်ရတဲ့အတိုင်းပဲ အားလုံး တူးဆွ တူးဖော်ထားကြပြီး ရွာကို မြေပြန်ညီပေးမယ်သာ ပြောတာ ဘာတစ်ခုမှ မညီထားပေးသေးဘူး။ ကျင်း ရေအိုင်တွေအပြည့်ပဲ။ ဘေးပတ်ပတ်လည် အားလုံးတူးဖော်နေဆဲပဲ။ ရွာက အားလုံးပျက်စီးကုန်နေပြီ။ ဘယ်ချိန်မှ ရွာမြေတွေ ပြန်ညီပေးမလဲမသိဘူး။ ဘယ်သူမှ ပြန်ညီပေးနေတာလည်းမတွေ့ဘူး။” လို့ သူက ဗီဒီယိုထဲမှာ ပြောဆိုထားပါတယ်။

စစ်ရှောင်ပြည်သူ အများစု နေရပ်မပြန်နိုင်သေးတဲ့ နမ်ဆန်ယန်ကျေးရွာမှာ အခုချိန် ကျေးရွာအုပ်ချူပ်ရေးမှူးများ နဲ့ လုပ်ငန်းရှင်တွေ ပူးပေါင်းပြီး ကျေးရွာအနီးပတ်ဝန်းကျင်နဲ့ လယ်ယာမြေ၊ အိမ်ခြံမြေအတွင်းထိ စက်ယန္တရားကြီးများနဲ့ အင်တိုက်အားတိုက် ရွှေတူးဖော်နေကြတယ်လို့လည်း စစ်ရှောင်အချို့က KNG ကို ပြောပါတယ်။

လွန်ခဲ့တဲ့ နိုဝင်ဘာ ၁၁ ရက်နေ့ နမ်ဆန်ယန်ကျေးရွာဒေသခံတွေဟာ အခုလို ရွှေတူးဖော်နေမှုကို ရပ်တန့်ပေးဖို့ KIO ဌာနချူပ်ထိ လျှောက်လွှာစာ တင်ထားကြောင်း သိရပါတယ်။

အဲဒီစာထဲမှာ မတရားသောနည်းနဲ့ ရွှေတူးဖော်နေမှုကို ရပ်တန့်ပေးဖို့၊ မြေယာဆုံးရှုံးသွားနစ်နာသွားသော စစ်ရှောင်ပြည်သူများကို နစ်နာလျော်ကြေးပေးဖို့နဲ့ KIO မှ စစ်ရှောင်ပြည်သူများ၏ မြေယာတွေကို ကာကွယ်ပေးဖို့ ပါရှိပါတယ်။

ဒါ့အပြင် အဲ့ဒီလျှောက်လွှာစာထဲတွင် နမ်ဆန်ယန်ကျေးရွာ ရွှေတူးဖော်ရေးမှာ တာဝန်ရှိပြီး ဦးဆောင်နေတဲ့ လူကြီးတွေရဲ့ အမည်ကိုလည်း ဖော်ပြထားပါတယ်။

နမ်ဆန်ယန်ကျေးရွာမှာ စစ်ကောင်စီထက် KIA က ပိုမိုနီးကပ်နေတာကြောင့် အခုလို တောင်းဆိုရတာဖြစ်တယ်လို့လည်း ဒေသခံတွေက ဆိုပါတယ်။

“စစ်တပ်က ကျနော်တို့ စစ်ရှောင်တွေကို နေရပ်ပြန်ရေးပဲပြောနေတာ၊ နမ်ဆန်ယန်က အခုပြန်မယ်ဆို နေစရာ နေရာမရှိတော့ဘူး။ အရမ်းဆိုးသွားပြီ။ အာဏာသိမ်းပြီးနောက် ပိုဆိုးလာတယ်။ လမ်းတောင်မကျန်တော့ဘူး။ အာဏာမသိမ်းခင်က လယ်ကွက်တွေမှာပဲ တူးဖော်တာ။ ဒါပေမဲ့အခုတော့ အိမ်ခြံမြေကွက်မှာကို ချနေကြတာ။ တချို့က လယ်ယာကွက်မှာပဲ တူးကြတယ်ထင်နေတာ။ လယ်ယာကွက်မဟုတ်ဘူး။ အိမ်ခြံမြေကွက်မှာကို ဖြစ်တယ်။ စစ်ကောင်စီကတော့ ဘယ်လိုမှ ပြည်သူလူထုဘက် ရပ်တည်တာမဟုတ်တော့ မြေယာကာကွယ်ပေးလို့ပြောလည်း ထူးမှာမဟုတ်ဘူး။ ဒါကြောင့် အခုနေရပ်ပြန်ရေးလို့ပြောရင် အခုလို ရွှေတူးဖော်လိုက်ကြတာကြောင့် ပြန်နေစရာ နေရာမရှိတော့ဘူး၊ ပြန်တည်ဆောက်ဖို့ နေရာမရှိဘူး ပြောယုံပဲရှိတော့တယ်။ အားလုံး မြေယာတွေ ပြန်ညီပေးခြင်းလည်းမရှိ၊ လုပ်ငန်းရှင်တွေကတော့ တူးဖော်ပြီးသွားလို့ ဒီတိုင်းပစ်ထားခဲ့ပြီ။ ဒီမြေယာတွေကို ဘယ်သူပြန်တာဝန်ယူပေးမလဲဆိုတာရှိတယ်။ အခုလို ကိုဗစ်ကတစ်မောက်၊ နိုင်ငံရေးမတည်ငြိမ်တဲ့ကြား ခက်ခဲဒုက္ခရောက်နေကြတဲ့အချိန် ပိုင်ရှင်မသိပဲ ကြိုက်သလို တူးဖော်လိုက်ကြတာတွေ အရမ်းစိတ်မကောင်းဘူး။ စစ်ရှောင်ပြည်သူတွေရဲ့ မြေယာတွေကို ကြိုက်သလိုလုပ်ပေးတဲ့အပေါ် အလိုမရှိဘူး။”လို့ နေရပ်မပြန်နိုင်သေးတဲ့ နမ်ဆန်ယန် စစ်ရှောင်တစ်ဦးက KNG ကို ပြောပါတယ်။

နမ်ဆန်ယန်ကျေးရွာမှာ အရင်ကတည်းက ရွှေသတ္တုထွက်တဲ့နေရာဖြစ်ပြီး အခုနှစ် စစ်တပ်အာဏာသိမ်းပြီးနောက်ပိုင်း စက်ယန္တရားကြီးများနဲ့ ရွှေတူးဖော်မှု ပိုမိုဆိုးရွားလာတာဖြစ်တယ်လို့ ဒေသခံ စစ်ရှောင်တွေက ပြောပါတယ်။

Read Previous

စစ်ကောင်စီကို ရင်ဆိုင်တိုက်ခိုက်နေတဲ့တပ်ဖွဲ့တွေ အရပ်သားပြည်သူကို ဂရုစိုက်ဖို့ KIO ဥက္ကဋ္ဌ တိုက်တွန်း

Read Next

ပင်လည်ဘူးမြို့နယ်မှာ ပြည်သူ့ အုပ်ချုပ်ရေးယန္တရား စတင်အကောင်ထည်ဖော်ဆောင်ရွက်နေ