,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

ဖားကန့်လမ်းမှာ ကျဆုံးသွားတဲ့ စစ်ကောင်စီတပ် ရုပ်အလောင်းတွေကို ယနေ့ ထုတ်ယူ

ရှေ့တန်းတစ်နေရာတွင် မြင်တွေ့ရသည့် စစ်ကောင်စီတပ်သားများ(ပုံဟောင်းအသုံးပြုထားသည်)

ဖားကန့် လမ်းမပေါ်မှာ စစ်ကောင်စီတပ် နဲ့ ကချင်လွတ်လပ်ရေးတပ်မတော် KIA တို့ တိုက်ပွဲဖြစ်ပွားနေတာ ၄ ရက်လောက်ကြာတဲ့ ဒီနေ့ မနက်ပိုင်းမှာတော့ စစ်ကောင်စီက ဖားကန့်လမ်းကိုပိတ်ပြီးတော့ တိုက်ပွဲမှာ သေဆုံးသွားတဲ့ အလာင်းတွေကို လာရောက်ထုတ်ယူနေတယ်လို့ သိရပါတယ်။

ဖေဖော်ဝါရီလ ၂ရက်နေ့ကနေ ၅ရက်နေ့အထိ ဆိုင်းဖရာကျေးရွာ မြောက်ဘက် မာနော့မှော်အနီး လယ်တောတစ်နေရာမှာ ကားမိုင်းဘက်က တက်လာတဲ့ စစ်ကောင်စီတပ်သား ၈၀ ခန့်ကို KIA က ပိတ်ဆို့ တိုက်ခိုက်ခဲ့တာကြောင့် တိုက်ပွဲ ပြင်းထန်ခဲ့တာဖြစ်ပါတယ်။

၄ ရက်ကြာ တိုက်ပွဲဖြစ်ပွားခဲ့တဲ့နောက် KIA တပ်ရင်း ၄၄ ဘက်ကလည်း မနေ့က နောက်ဆုတ်သွားတဲ့အတွက် စစ်ကောင်စီတပ်က ပြီးခဲ့တိုက်ပွဲမှာ ကျဆုံးသွာတဲ့ အလောင်း ၄၀ ကျော်ကို ဒီကနေ့မှာ လမ်းပိတ်ပြီး အလောင်းထုတ်ယူနေတာဖြစ်တယ်လို့ နမ့်ယာဒေသခံတစ်ဦးက KNG ကို ပြောပါတယ်။

“စစ်ကောင်စီဘက်က တိုက်ပွဲမှာကျသွားတဲ့ သူတွေရဲ့အလောင်းတွေသယ်ထုတ်နေတယ်။ ဒီမနက် ၉နာရီလောက်ကနေ နန့်ယားရွာအထက်မှာ အသွားအလာလမ်းတွေပိတ်ပြီး သယ်ထုတ်နေတယ်ပေါ့လေ။ အခုပြန်ကြားရသလောက်ဆိုရင် အလောင်းက ၂၀လောက်ကျော်လောက်လာကောက်သွားပြီ သူတို့လာကောက်တဲ့ထဲမှာ ပြောရရင် အရေးပါတဲ့သူတွေရဲ့အလောင်းလောက်ဘဲပါတယ်လို့ကြားတယ်။ သေသွားတဲ့သူတွေရဲ့အလောင်း လာကောက်တဲ့အချိန်မှာတောင် မသေဘဲ ပြန်လွတ်လာတဲ့ စစ်သား ၅၀ ဝန်းကျင်လောက်ရှိသေးတယ်လို့ မျက်မြင်သက်သေတစ်ဦးက ပြောပြတယ်” ဟု ပြောဆိုသည်။

ပြီးခဲ့တဲ့ မာနော့မှော်တိုက်ပွဲမှာ စစ်ကောင်စီတပ်ဘက်က ဂျက်လေယာဉ် ၂ စီး၊ ရဟတ်ယာဉ် ၁ စီးအသုံးပြုပြီးတော့ ၄ ရက်အတွင်း ၁၀ ကြိမ်ထက်မနည်း ဗုံးကြဲတိုက်ခိုက်ခဲ့တာကြောင့်  နန့်ယားကျေးရွာအနီး ကပ်မှော်ကျေးရွာက လူနေအိမ်အများအပြား ထိခိုက်ပြီး ပြည်သူ ၂ ဦးသေဆုံးပြီး ၄ ဦး ဒဏ်ရာပြင်းထန်စွာ ရရှိခဲ့ပါတယ်။

သေဆုံးသွားသူ ၂ ဦးကတော့ အသက် ၈၇နှစ်အရွယ် ဒေါ် ပေါင်ထွမ်းခေါ်န် နှင့် အသက် ၈၂ နှစ်အရွယ် သင်းထောက် မဂျီဘရန်နန် ဖြစ်ပါတယ်။  ထိခိုက်ဒဏ်ရာ ရခဲ့သူတွေကတော့ အသက် ၅၂နှစ်အရွယ် ဝါ့ဂျေထုရာ၊ အသက် ၈၄ နှစ်အရွယ် အင်ဒေါင် ခေါန်တွမ် ၊ အသက် ၂၀ အရွယ် မရူဆိုင်းနန် နှင့် အသက် ၅၈ နှစ်အရွယ် ဦးခမ်းအောင်တို့ဖြစ်ပါတယ်။

ဒါ့အပြင် ၄ ရက်တာ တိုက်ပွဲအတွင်းမှာ PDF တပ်သား ၂ဦး နဲ့ KIA တပ်သားတစ်ဦး စုစုပေါင်း ၃ဦး ကျဆုံးသွားတယ်လို့ သိရပါတယ်။

တိုက်ပွဲဖြစ်ပွားခဲ့တဲ့နေရာကတော့ KIA တပ်မဟာ ၉ လက်အောက် တပ်ရင်း ၄၄ နယ်မြေဖြစ်ပြီးတော့ စစ်ကောင်စီဘက်က ထိခိုက်သေဆုံးမှုများခဲ့တဲ့အတွက် ရဟတ်ယာဉ် ၄စီးနဲ့ နန့်ယားကျေးရွာလယ်တော တစ်နေရာမှာ စစ်အင်အားလာချရတဲ့အဆင့်ထိရှိခဲ့တယ်လို့  ဒေသခံတွေက ပြောပါတယ်။

Read Previous

ဗန်းမော်မြို့တွင် စစ်ကောင်စီနှင့် ဆက်စပ်သော နေရာများ ဖောက်ခွဲခံရမှု ပိုများလာ

Read Next

မိုင်းယော် KIA တပ်မဟာ ၁၀ နယ်မြေမှာ တိုက်ပွဲဖြစ်ပွား