,

Breaking News :

အင်းတော် ကျေးရွာနေအိမ်အချို့ကို စစ်ကောင်စီတပ်မီးရှို့၊ ထွက်မပြေးနိုင်သည့် သက်ကြီးရွယ်အိုများကို ဖမ်းဆီးထား

‘Kachin News Group (official)’ YouTube အတု နှင့် ‘Kachin News Group’ YouTube အစစ် ခွဲခြား သိရှိစေရန်

နန်းမားတွင် လင်မယားနှစ်ဦးဖမ်းဆီးခံရပြီး အမျိုးသားဖြစ်သူကို သတ်ဖြတ်ထား

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

နောင်မွန်တွင် ကိုဗစ်ကူးစက်ခံရသူ ၂၀၀ ကျော်ရှိနေပြီး Mask နှင့် ဆေးဝါးအကူအညီတွေ အရေးပေါ်လိုအပ်နေ

စိတ်ဝင်စားဖွယ် သတင်းခေါင်းစဉ်ဖြင့် ဝင်ငွေရှာနေသည့် Youtube ချန်နယ်

စစ်တပ်ပြုလုပ်မည့် ရွေးကောက်ပွဲနှင့် ပတ်သက်ပြီး NUG အစိုးရ၏ လျှို့ဝှက် ညွန်ကြားစာ အတု ပြန့်နှံ့နေ

အင်းတော်နယ်တွင် စစ်ကောင်စီတပ် စစ်အင်အား ၄၀၀ ကျော်တိုးချဲ့ထား၊ ကျေးရွာ ၇ခု ထွက်ပြေးတိမ်းရှောင်နေရ

ဗန်းမော်မြို့တွင် စစ်ကောင်စီနှင့် ဆက်စပ်သော နေရာများ ဖောက်ခွဲခံရမှု ပိုများလာ

ကချင်ပြည်နယ် ဗန်းမော်မြို့တွင် ယခုရက်ပိုင်း စစ်ကောင်စီတပ်၏ လက်အောက်ခံဌာနရုံးများနှင့် ဆက်စပ်နေရာများတွင် ဖောက်ခွဲခံရမှု ပိုမိုများလာကြောင်း ဒေသခံများပြောသည်။

” ဒီမနက် ဖန်ခါးကုန်းရယ်၊ ဟန်တဲ၊ မြို့အဝင်တွေမှာ လက်နက်ကြီးတွေပစ်ခံရတာရှိတယ်။ မနေ့ညလည်း ရှမ်းရိုးရာသာသနာဝင်းအတွင်းဖွင့်ထားတဲ့ လောင်းကစားဝိုင်းမှာလည်း ဗုံးခွဲခံရတယ် အခုရက်ပိုင်းဖောက်ခွဲမူတွေ ပိုစိပ်လာတယ်” ဟု ဒေသခံတစ်ဦးကပြောသည်။

ဖောက်ခွဲခံရသောနေရာများမှာ ဖေဖော်ဝါရီလ ၆ရက်နေ့မှစကာ ဗန်းမော် စည်ပင်သာယာရုံး၊ ဖေဖော်ဝါရီလ ၆ရက်ည ရှမ်းရိုးရာသာသနာဝင်းနှင့် ဖေဖော်ဝါရီလ ၇ ရက်နေ့ မြို့အဝင်ဂိတ်အပါအဝင် သုံးနေရာခန့် လက်နက်ကြီးများ ဗုံးများဖြင့် ဖောက်ခွဲခံရကြောင်း ၎င်းက ဆက်ပြောသည်။

ယင်းကဲ့သို့ ဖောက်ခွဲရသည့်အ‌ကြောင်းအရင်းနှင့် ပတ်သက်ပြီး သက်ဆိုင်ရာ Bhamaw commando Force အဖွဲ့မှ ဖေဖော်ဝါရီလ ၆ရက်ည သတိပေးစာတစ်စောင်ထုတ်ပြန်ထားသည်။

” စည်ပင်ရုံးသွားခွဲတာကျတော့ ပြည်သူတွေတိုင်ကြားတာတွေ အများကြီးရှိတယ် ပြီးတော့ လောင်းကစားဝိုင်းကို ခွဲတာကျတော့ ဒီလောင်းကစားဝိုင်းတွေက စစ်တပ်ရဲ့ဝင်‌ငွေရနေတဲ့နေရာ အဲကြောင့် သတိပေးတဲ့အနေနဲ့ ‌လုပ်လိုက်တာဖြစ်တယ်” ဟု Bhamaw commando Force အဖွဲ့မှ တာဝန်ရှိသူတစ်ဦးကပြောသည်။

ထို့ပြင် BPDF မှလည်း ဗန်းမော်မြို့မှ စစ်ကောင်စီတပ်များအား ယနေ့မှစကာ စစ်မျက်နှာ စဖွင့်လိုက်ပြီဖြစ်ကြောင်း ဖေဖော်ဝါရီလ ၇ ရက် ရက်စွဲဖြင့် ထုတ်ပြန်ချက်တစ်စောင် ထုတ်ပြန်ထားသည်။

ဗန်းမော်မြို့တွင် စစ်အာဏာသိမ်းပြီးနောက် ‌ကျေးရွာနေ ပြည်သူများကို PDF၊ NUG နှင့် ဆက်စပ်သည်ဟုစွပ်စွဲကာ စစ်ကောင်စီတပ်မှ လိုက်လံဖမ်းဆီး နေဆဲဖြစ်သည်။

ကချင်ပြည်နယ်တွင် ၂၀၂၂ ဇန်နဝါရီလမှစကာ စစ်ကောင်စီတပ်သည် ရေကြောင်း၊ ကုန်းကြောင်းများအသုံးပြုကာ စစ်အင်အား ပိုမိုဖြည့်တင်းလာသည့်အပြင် နေရာအနှံ့တိုက်ပွဲများ ပိုမိုပြင်းထန်လာနေဆဲဖြစ်သည်။

ထို့အတူ ဖေဖော်ဝါရီလ ၅ ရက်နေ့ ကချင်တော်လှန်ရေးနေ့  မိန့်ခွန်းတွင်လည်း KIO ဥက္ကဋ္ဌဗိုလ်ချုပ်ကြီး အင်ဘန်လမှ KIO သည် အမျိုးသားညီညွတ်ရေးအစိုးရ NUG၊ လက်နက်ကိုင် တော်လှန်ရေးအဖွဲ့အစည်းအများပိုင်းနှင့် ပူးပေါင်းစည်းရုံးနေပြီ ဖြစ်ကြောင်း တစ်နိုင်ငံလုံး၌ တိုက်ပွဲများပြင်းထန်လာနိုင်ကြောင်းလည်း ထည့်သွင်း ပြောကြားခဲ့သည်။

Read Previous

လုန်ရှာယန်ကျေးရွာအနီးတွင် တိုက်ပွဲဖြစ်၊ ဒေသခံများ ပူတာအိုနှင့် မြစ်ကြီးနားသို့ တိမ်းရှောင်

Read Next

ဖားကန့်လမ်းမှာ ကျဆုံးသွားတဲ့ စစ်ကောင်စီတပ် ရုပ်အလောင်းတွေကို ယနေ့ ထုတ်ယူ

Leave a Reply

Your email address will not be published.