,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ပူတာအိုတွင် စစ်ကောင်စီနှင့် KIA စစ်ရေးတင်းမာပြီး ဒေသခံများ တောထဲထွက်ပြေးနေရဆဲ

ပူတာအိုမြို့နယ် လုန်ရှာယန်၊ ဖတ်မာ နှင့် ဆွမ်ပီယန်ကျေးရွာများတွင် စစ်ကောင်စီတပ်နှင့် ကချင်လွတ်လပ်ရေးတပ်မတော် KIA နှင့် PDF တို့ စစ်ရေးတင်းမာနေဆဲဖြစ်သောကြောင့် ဒေသခံများမှာ နေရပ်မပြန်နိုင်ဘဲ တောထဲ ထွက်ပြေးနေရသည်ဟု သိရသည်။

ဖေဖော်ဝါရီလ ၇ ရက်နေ့ နံနက်ပိုင်းတွင် လုန်ရှာယန်နှင့် ဖတ်မာကျေးရွာ ၂ခုကြားတွင် ပူတာအိုဘက်မှ ဆင်းလာသည့် စစ်ကောင်စီတပ်ဖွဲ့ကို KIA နှင့် PDF ပူးပေါင်းတပ်တို့ ကြားဖြတ်တိုက်ခိုက်ခဲ့သောကြောင့် ၂ ဖက်တပ် တိုက်ပွဲဖြစ်ပွားခဲ့ပြီးနောက် လုန်ရှာယန်နှင့်ဖတ်မာ ဒေသခံ အိမ်ခြေ ၆၀၀ ဝန်းကျင်ခန့်မှာ နီးစပ်ရာ တောတွင်းသို့ တိမ်းရှောင်ခဲ့ရခြင်းဖြစ်သည်။

လက်ရှိ တောတွင်းတိမ်းရှောင်နေရသူများမှာ ကျေးရွာသို့ပြန်လည်နေထိုင်ချင်သော်လည်း စစ်ကောင်စီဘက်က လေကြောင်း သုံးတိုက်ခိုက်လာနိုင်သည်သာမက မချမ်းဘော စစ်တပ်ကုန်းမှ လက်နက်ကြီးများ ဆက်တိုက် ပစ်ခတ်နေသောကြောင့် တောတွင်း ဆက်လက်တိမ်းရှောင်နေရသည်ဟု လုန်ရှာယန်ဒေသခံတစ်ဦးက KNG ကို ယခုလိုပြောသည်။

“ကျနော်တို့က ရွာအတွင်းမှာ ဆက်မနေရဲသေးဘူး။ ဒါပေမယ့် ဒီထက်တိုက်ပွဲပြန်ကြီးလာပြီဆိုရင် အားလုံးထွက်ခွာသွားရမယ့် သဘောမှာရှိတယ်။ မထွက်ပြေးရင်လည်း စစ်ကောင်စီက မချမ်းဘောဘက်ကနေ လက်နက်ကြီးတွေနဲ့လှမ်းထုတဲ့အတွက် ရွာအတွင်းမှာ လက်နက်ကြီးတွေ ထိမှန်မှာဖြစ်တယ်။ ဒါကြောင့်အခုက ဆက်ရှောင်နေရမယ့်သဘောမှာရှိတယ်” ဟု ပြောဆိုသည်။

ယနေ့နံနက်အစောပိုင်းက ပူတာအိုဘက်မှ စစ်ကောင်စီတပ်က စစ်အင်အး ၁၀၀ ဝန်းကျင်ခန့်က ဖတ်မာကျေးရွာတွင် စစ်အင်အားတိုးချဲ့ထားပြီး ဒေသခံ ၃ ဦးကိုလည်း လူသားဒိုင်းအဖြစ် အသုံးပြုကာ ဖတ်မာချောင်းအထက်ဘက်သို့ ခေါ်ဆောင်သွားသည်ဟု သိရသည်။

ထို့အပြင် ဖေဖော်ဝါရီ ၃ ရက်နေ့တွင် စစ်ကောင်စီတပ်မှ ဆွမ်ပီယန်ကျေးရွာကို လေယာဉ်ဖြင့် ဗုံးကြဲတိုက်ခိုက်ခဲ့သောကြောင့် တောထဲထွက်ပြေးနေရသောပြည်သူများသည် ၁ ပတ်ခန့် ကြာမြင့်လာသည့်အတွက် စားနပ်ရိက္ခာအခက်အခဲ ကြုံတွေ့နေရသည်ဟု ဆွမ်ပီယန်ဒေသခံတစ်ဦးက KNG သတင်းဌာနကို ပြောဆိုခဲ့သည်။

“တောမှာ ရက်ရှည်နေလာတော့ နေရထိုင်ရတာက အခက်အခဲရှိလာတယ်။ အခုအဓိကလိုအပ်နေတာက စားသောက်ဖို့ ပိုပြီး လိုအပ်တယ်။ နောက်အခင်းနဲ့ စောင်တွေလည်းလိုအပ်တယ်။ လောလောဆယ်က စစ်ရှောင်တွေလို နေဖို့ကလည်း အဆင်သင့်မဖြစ်သေး ဘူး။ ကျနော်တို့ စစ်ရှောင်တွေကလည်း ဖြစ်နိုင်သလိုဘဲ တောမှာခနနေဖို့ စဉ်စားထားကြတယ်။ အဲ့ကြောင့် တတ်နိုင်တဲ့သူတွေ အနေနဲ့ အစားအသောက်နဲ့ ဆေးဝါးများကို ကူညီလှူဒါန်းပေးဖို့ တောင်းဆိုချင်ပါတယ်” ဟု ဆွမ်ပီယန်ဒေသခံတစ်ဦးက ပြောသည်။

အဆိုပါ ဆွမ့်ပီယန်ကျေးရွာတွင် စစ်ကောင်စီတပ်မှ ရဟတ်ယာဉ် ၃စီးဖြင့် လာရောက်ဗုံးကြဲ တိုက်ခိုက်ခဲ့ရာတွင် ဒေသခံ ၅ဦး ထက်မနည်းလက်နက်ကြီးထိမှန်ခဲ့ပြီး လူနေအိမ် ၃လုံးထက်မနည်း ပျက်ဆီးဆုံးရှုံးသွားခဲ့သည်။

Read Previous

လူမှုရေးနဲ့ ဒေသဖွံ့ဖြိုးရေးကြိုးစားနေသူ ရဝမ်လူငယ်ခေါင်းဆောင် ကိုဖီနန်ကို စစ်ကောင်စီမှ ထပ်မံ ဖမ်းဆီးခေါ်ဆောင်သွား

Read Next

ကချင်ပြည်နယ်တွင် စက်သုံးဆီဈေး ထပ်မံမြင့်တက်လာနိုင်

Leave a Reply

Your email address will not be published.