,

Breaking News :

အင်းတော် ကျေးရွာနေအိမ်အချို့ကို စစ်ကောင်စီတပ်မီးရှို့၊ ထွက်မပြေးနိုင်သည့် သက်ကြီးရွယ်အိုများကို ဖမ်းဆီးထား

‘Kachin News Group (official)’ YouTube အတု နှင့် ‘Kachin News Group’ YouTube အစစ် ခွဲခြား သိရှိစေရန်

နန်းမားတွင် လင်မယားနှစ်ဦးဖမ်းဆီးခံရပြီး အမျိုးသားဖြစ်သူကို သတ်ဖြတ်ထား

ကသာမြို့မှ လူငယ် ၆ ယောက်အား စစ်ကောင်စီတပ်မှ ဖမ်းဆီးကာ ထောင်ဒဏ် ၁လစီချမှတ်

KIA ၊ PDF အဖွဲ့မှ ဒေသခံလူငယ်များကို ဖမ်းဆီးခေါ်ဆောင်သည်ဟူသော သတင်းအမှား ထပ်ဖြန့်

အင်းတော်တွင် စစ်ကောင်စီ စစ်ကြောင်း နှစ်ကြိမ်တိုက်ခိုက်ခံရပြီး  စစ်သား ၆ ဦးသေဆုံး၊ အရပ်သား ၂၀ ဦးကို လူသားဒိုင်းပြုလုပ် ရန် စစ်ကောင်စီဖမ်းဆီးထား

နောင်မွန်တွင် ကိုဗစ်ကူးစက်ခံရသူ ၂၀၀ ကျော်ရှိနေပြီး Mask နှင့် ဆေးဝါးအကူအညီတွေ အရေးပေါ်လိုအပ်နေ

စိတ်ဝင်စားဖွယ် သတင်းခေါင်းစဉ်ဖြင့် ဝင်ငွေရှာနေသည့် Youtube ချန်နယ်

စစ်တပ်ပြုလုပ်မည့် ရွေးကောက်ပွဲနှင့် ပတ်သက်ပြီး NUG အစိုးရ၏ လျှို့ဝှက် ညွန်ကြားစာ အတု ပြန့်နှံ့နေ

အင်းတော်နယ်တွင် စစ်ကောင်စီတပ် စစ်အင်အား ၄၀၀ ကျော်တိုးချဲ့ထား၊ ကျေးရွာ ၇ခု ထွက်ပြေးတိမ်းရှောင်နေရ

လိုင်ဇာ ကိုဗစ်-၁၉ ကူးစက်ခံရသူများတွင် အိုမီခရွန်အများဆုံးဖြစ်

ကချင်လွတ်လပ်ရေးအဖွဲ့ KIO ဌာနချုပ် လိုင်ဇာမြို့တွင် covid-19 ကူးစက်ခံရသူများတွင် အိုမီခရွန် – Omicron အမျိုးအစား ကူးစက်ခံရသူမှာ ၇၀ ရာခိုင်နှုန်းထိ ပါဝင်နေကြောင်း လိုင်ဇာကိုဗစ်ကာကွယ်ရေးကော်မတီမှ သိရသည်။

“ ကျနော်တို့ ကိုဗစ် စတုတ္ထလိုင်းမှာ Positive ဖြစ်တဲ့သူ ၃ ပုံမှာ ၂ ပုံ ၊ ၇၀ % လောက်က အိုမီခရွန်ရောဂါ လက္ခဏာ ဖြစ်နေတာဆိုတော့ အရင်ကထက်ပိုပြီး ဂရုစိုက်ရမယ်။ ကိုဗစ်ကာကွယ်ဆေးထိုးထားတဲ့သူတွေလည်း အိုမီခရွန်ကို သိပ်မကာကွယ်ပေးနိုင်ဘူး။ ကူးစက်ခံရရင်လည်း အရမ်းကြီးမဆိုးဘူးပေါ့ ၊သေဆုံးမှုနှုန်းကိုလည်း လျော့ကျစေတယ်။ ဒီ ၂ ချက်က ဆေးထိုးထားတဲ့ အကျိုးဆက်ပေါ့။ ကာကွယ်ဆေးက ရိုးရိုးကိုဗစ်ရောဂါ Data အတွက်ပဲဆိုတော့ အိုမီခရွန်အတွက် ပိုပြီးဂရုစိုက်မှရမယ်။” KIO ကိုဗစ်ကာကွယ်ရေးဗဟိုအတွင်းရေးမှူး ဗိုလ်မှူးကြီးဟိန်းဝမ် က KNG ကို ပြောသည်။

လက်ရှိ လိုင်ဇာမြို့တွင် ကိုဗစ်-၁၉ ရောဂါပိုးကူးစက်ခံရသူ တစ်နေ့လျှင် ၃ ဦးနှုန်း ရှိနေပြီး စာသင်ကျောင်းများမှ ဆရာမများထံလည်း covid-19 ပိုး စစ်ဆေးတွေ့ရှိခဲ့သောကြောင့် ကိုဗစ်ကော်မတီမှ ချမှတ်ထားသည့် စည်းမျဉ်း စည်းကမ်းများကို ယခင်ထက် လိုက်နာကြရန် တိုက်တွန်းထားသည်။

ကိုဗစ် Positive ဖြစ်သည့် လူနာများနှင့် ဆက်စပ်လူနာများအား Swab စစ်ဆေးသွားမည်ဖြစ်ပြီး ကျန်းမာရေး အခြေအနေဆိုးသည့် လူနာများကို မုန်လိုင်ခက် ကိုဗစ် Quarantine Center သို့ ပို့ဆောင်မည်ဖြစ်ကာ ကျန်းမာရေး ကောင်းမွန်သည့် လူနာများကို Home Care အနေဖြင့် စောင့်ကြည့်ကုသမှု လုပ်ဆောင်နေကြောင်း ၎င်းက ဆက်ဆိုသည်။

“ အရင်နေ့က အလယ်တန်းကျောင်းက ဆရာမ ၄ ယောက်မှာ ရောဂါတွေ့တယ်။ အခုတစ်လောက ကျနော်တို့ဒေသမှာ အိုမီခရွန်က ပျံ့နေပြီဆိုတော့ မိမိကိုယ်ကို ကာကွယ်ရမယ်။ Positive လူနာ အရမ်းကြီးဖျားနာလာတဲ့သူတွေကိုတော့ မုန်လိုင်ခက်ဆေးရုံကို ပို့ပြီးဆေးကုသပေးတယ်။ သိပ်အဆိုးကြီး မဟုတ်ရင်တော့ အိမ်မှာ Home Care လုပ်ပြီ စောင့်ကြည့် ကုသပေးနေတယ်။ အခုတော့ အများစုက မုန်လိုင်ခက် Quarantine Center ကို ပို့တာများတယ်။” ဟု KIO ကိုဗစ်ကာကွယ်ရေးဗဟိုအတွင်းရေးမှူး ဗိုလ်မှူးကြီးဟိန်းဝမ် က ပြောသည်။

ပြီးခဲ့သည့် ဇန်နဝါရီလ ၃ ရက်နေ့က လိုင်ဇာမြို့တွင် ကိုဗစ်-၁၉ ကူးစက်မှု မရှိသောကြောင့် Lockdown ဖြည်လျော့ခဲ့သော်လည်း ဖေဖော်ဝါရီလ ၁၀ ရက်နေ့ မှစ၍ ယနေ့အထိ အိုမီခရွန် – Omicron အမျိုးအစား covid-19 ပိုး ကူးစက်ခံရသူများ ထပ်တိုး လျက်ရှိနေသည်။

လိုင်ဇာမြို့တွင် ကိုဗစ်-၁၉ ကာကွယ်ဆေးထိုးနှံပေးနေသည့်အပြင် အကြိမ်ပြည့်ထိုးပြီးသူ ဦးရေ ၂ သောင်း ဝန်းကျင်ခန့်ရှိပြီး ကိုဗစ် Quarantine Center များတွင် ကွာရန်တင်း ခံယူနေသူစုစုပေါင်း ၅၀ ဝန်းကျင် ရှိနေပြီး ဖြစ်ကြောင်း သိရသည်။

Read Previous

ကျင်စန်းကျော့ တရုတ်- မြန်မာ နယ်စပ်ကုန်သွယ်‌ရေးဂိတ် ယာယီပိတ်

Read Next

ရုပ်ရှင်ဒါရိုက်တာ JZ ဒေါင်လွမ်း ကချင်အနုပညာရှင်အသင်းချုပ် ဥက္ကဋ္ဌ အဖြစ် ရွေးချယ်ခံရ

Leave a Reply

Your email address will not be published.