,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

နှစ်ရက်ခြားတစ်ကြိမ်သာ လျှပ်စစ်မီးရသော ပူတာအိုတွင် ယခင်လထက် မီတာကြေး ပိုမိုကုန်ကျနေ

ကချင်ပြည်နယ် ပူတာအိုမြို့ ယခုမတ်လအတွင်း လျှပ်စစ်မီး နှစ်ရက်ခြားတစ်ကြိမ်သာ ရရှိသော်လည်း လျှပ်စစ်မီး အသုံးပြုခမှာ ယခင်လများထက် ပိုများနေကြောင်း ဒေသခံများပြောသည်။

ယခင်က တစ်ရက်လျှင် နံနက် ၉ နာရီ မှ ည‌‌နေ ၅နာရီထိ တစ်ကြိမ် ည ၈ နာရီခွဲမှ နံနက် ၅နာရီတစ်ကြိမ် အချိန်ပိုင်းအားဖြင့် ပုံမှန် လျှပ်စစ်မီးရရှိခဲ့သော်လည်း မတ်လ ၃ရက်နေ့မှ စတင်ပြီး ၂ ရက်ခြားတစ်ကြိမ်သာ လျှပ်စစ်မီးရရှိခဲ့သည်။

သို့သော်လည်း ယခုလ လျှပ်စစ်မီတာအသုံးပြုခမှာ ယခင်လများထက်ပိုများနေကြောင်း ပူတာအိုမြို့ ကောင်ကထောင်ရပ်ကွက်နေသူ အမျိုးသားတစ်ဦးက KNG သတင်းဌာနသို့ ပြောသည်။

”အရင်လ တွေက ဆိုရင် နေ့တိုင်းမီးပုံမှန်လာတယ်။ အဲ့ချိန်ကတော့ တစ်လတစ်လကို မီတာခက ၇၀၀၀ ကနေ ၈၀၀၀ အထိအများဆုံးပဲ ပုံမှန်အ့လောက်ပဲကျတယ်။ ဒီလ​က နှစ်ရက်ကိုတကြိမ်ပဲမီးပေးတယ် အလေ့ကျစနစ်နဲ့ပေးပေမယ့် မီတာခက အရင်ကထက်များနေတယ် ဒီလက တစ်သောင်းကျော်ကျတယ် တခါမှအ့လောက်မကျဖူးဘူး ၈၀၀၀ အများဆုံးပဲ” ဟု ယင်းအမျိုးသားက ပြောသည်။

ပူတာအိုတစ်မြို့နယ်လုံးကို အထက်နမ့်ထွမ်ရေအားလျှပ်စစ်စက်ရုံမှ လျှပ်စစ်မီးဖြန့်ဖြူးပေးလျက်ရှိသည်။

လက်ရှိ အထက်နမ့်ထွမ် ရေခမ်းခြောက်လာသောကြောင့် ယခင်က စက်နှစ်လုံး လည်ပတ်နိုင်ရာမှ ယခုလတွင် ရေအားကြောင့် စက်တစ်လုံးသာ လည်ပတ်နိုင်​ပြီး ပူတာအိုမြို့ပေါ်နှင့် ကျေးရွာများကို နှစ်ရက်ခြားတစ်ကြိမ်သာ လျှပ်စစ်မီးပေးနေရကြောင်း မြို့နယ် EPC မှ သိရသည်။

ပူတာအိုမြို့ လေယာဥ်ကွင်းရပ်ကွက်နေ အမျိုးသမီးတစ်ဦးကလည်း “ကျွန်မတို့က မီးလည်းအဲလောက်မသုံးဘူး အိမ်မှာ မီးသီးသုံး လုံးပဲ တပ်ထားတာကျန်တာလည်းမသုံးဘူး။ အရင် မီးနေ့တိုင်းလာတုန်းကတောင်အဲလောက်မပေးဘူး အခုကနှစ်ရက်ခြား တစ်ခါမီးပေးတာတောင်မီတာခက တစ်သောင်းနှစ်ထောင်ကျတယ်”ဟု ပြောသည်။

ပူတာအိုမြို့နှင့် အနောက်ဘက် ၇ မိုင်ခန့်အကွာတွင် တည်ရှိသည့် အထက်နမ့်ထွမ်ရေအားလျှပ်စစ်စက်ရုံသည် NLD အစိုးရလက်ထက် ၂၀၁၈ ခုနှစ်တွင် ဆောက်လုပ်ပြီးစီးခဲ့ပြီး ပူတာအို၊ မချမ်းဘော့မြို့နှင့် ကျေးရွာပေါင်း ၂၅ ရွာ မှ အိမ်ထောင် စုစုပေါင်း ခြောက်ထောင်ကျော်ကို လျှပ်စစ်မီးပေးနေကြောင်း သိရသည်။

မြန်မာပြည်တွင် မတ်လ ၁၂ ရက်နေ့မှ ၁၈ ရက်နေ့အထိ ၂၄ နာရီလျှပ်စစ်မီးပြတ်တောက်မည်ဟု စစ်ကောင်စီလက်အောက်ခံ လျှပ်စစ်ဝန်ကြီးဌာနမှ မတ်လ ​၆ ရက်နေ့တွင် ကြေငြာခဲ့ပြီး ကချင်ပြည်နယ်အတွင်း မြစ်ကြီးနား၊ ဗန်းမော်နှင့်အခြားမြို့ကြီးများတွင်လည်း ယခုလအတွင်းမကြာခဏ လျှပ်စစ်မီးပြတ်တောက်မှုများဖြင့် ဖြစ်ပွားနေပါသည်။

Read Previous

တရုတ်ဘက်ခြမ်း အိုမီခရွန် ပိုးတွေ့ နှုန်းမြင့်နေသောကြောင့် လွယ်ဂျယ် ကုန်သွယ်ရေးဂိတ်ကို တရုတ်ဘက်က ရက်အကန့်သတ်မရှိ ပိတ်ထား

Read Next

တောထဲထွက်ပြေးနေရသော ဆွမ်ပီယန်နှင့် အင်စီးယန် ဒေသခံ များ နေရပ်ပြန်