,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

စစ်ကောင်စီအောက် ပြည်သူ့စစ်အဖွဲ့ကို KIA နှင့် PDF တိုက်ခိုက်ပြီး လက်နက်များသိမ်းဆည်း

ကချင်လွတ်လပ်ရေးတပ်မတော် KIA တပ်ရင်း ၄၆ နယ်မြေ ဆော့လော်မြို့နယ်တွင် ယမန်နေ့က စစ်ကောင်စီတပ်အောက် ပြည်သူ့စစ်အဖွဲ့ကို ပြည်သူ့ကာကွယ်ရေးတပ်ဖွဲ့ PDF မှ တိုက်ခိုက်ပြီး လက်နက်အချို့ သိမ်းဆည်းရမိကြောင်း သိရသည်။

ဧပြီလ ၁၂ ရက်ညနေပိုင်း ဆော့လော်မြို့ အရှေ့တောင်ဘက် ၅ မိုင်ခန့်အကွာ ဗစ်ရှိန့် ကျေးရွာတွင် ပြည်သူ့စစ် တပ်ဖွဲ့ကို PDF အဖွဲ့က တိုက်ခိုက်ခဲ့ခြင်း ဖြစ်သည်ဟု ဆော့လော်ဒေသခံတစ်ဦးက KNG ကို ယခုလိုပြောသည်။

“မနေ့ ညနေပိုင်းက ဟုတ်တယ်။ PDF တွေနဲ့ ပြည်သူ့စစ်တွေရဲ့ တိုက်ပွဲဖြစ်တယ်။ ပြည်သူ့စစ်ဘက်က ၆ ယောက်ဖမ်းမိတယ်။” ဟု ပြောသည်။

ပြည်သူ့စစ်အဖွဲ့ အင်အား ၁၀ ယောက်ကျော်ပါသော ယာဉ်တစ်စီးကို PDF အဖွဲ့က တိုက်ခိုက်ခဲ့ပြီး လက်နက် ၁၀ လက်ကိုလည်း သိမ်းဆည်းရမိကာ ပြည်သူ့စစ်ဘက် သေဆုံးသူလည်းရှိသည်ဟု သူက ဆက်လက်ပြောဆိုသည်။

ယခု ပစ်ခတ်မှုမှာ KIA တပ်မဟာ ၇ အောက် တပ်ရင်း ၄၆ နယ်မြေဖြစ်သော ချီဖွေ နှင့် ဆော့လော်ဒေသတွင် ၂၀၂၀ မှ ၂၀၂၂ အတွင်း ပထမအကြိမ် ပစ်ခတ်မှု ဖြစ်ပွားခဲ့ခြင်း ဖြစ်သည်။

ထိုဒေသတွင် စစ်ကောင်စီတပ် ဝိုင်းမော်အခြေစိုက် ခလရ ၅၈ အောက် စစ်ကြောင်းများ အခြေချထားပြီး ၎င်းတို့ကို ပန်ဝါဗျူဟာမှ ကြီးကြပ်သည်ဟု သိသည်။

စစ်ကောင်စီတပ်အပြင် ဌာနေပြည်သူ့စစ်အဖွဲ့နှင့် နယ်ခြားစောင့်တပ်တို့ စုစုပေါင်း အင်အား ၂၀၀ ကျော်ရှိသည်ဟုလည်း သိရသည်။

ယမန်နေ့ ပစ်ခတ်မှုကြောင့် လက်ရှိ ချီဖွေ ဆော့လော်ဒေသတွင် နှစ်ဖက်တပ်ကြား စစ်ရေးအရ သတိထားရမည့် အခြေအနေရောက်နေသည်ဟု ဒေသခံများထံမှ သိရပါသည်။

Read Previous

ဘုရားစင် ဖယောင်းတိုင် မီးကြောင့် လူနေအိမ်နှစ်လုံး မီးလောင်

Read Next

မြေရှားတူးဖော်ရေးအစီစဉ် ကန့်ကွက်သူကို ပြည်သူ့စစ်အဖွဲ့ ဖမ်းဆီးထား