,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ကသာမြို့တွင် လမ်းသွားလမ်းလာများကို တားဆီးပြီး ကိုဗစ် ကာကွယ်ဆေး ထိုးပေးနေ

ကသာမြို့တွင်း နေရာအချို့တွင် လမ်းသွား လမ်းလာ ပြည်သူများကို တားဆီးကာ စစ်ကောင်စီ၏ ကျန်းမာရေးဌာန က ကိုဗစ်ကာကွယ်ဆေး အတင်းထိုးပေး‌နေကြောင်း ဒေသခံများမှ သိရသည်။

ဧပြီလ ၂၀ ရက်နေ့မှစတင်ပြီး ကသာမြို့နယ် စည်ပင်သာယာရေး ရုံးအဖွဲ့၊ ရဲနှင့် စစ်ကောင်စီတပ်ဖွဲ့တို့ ပူးပေါင်းကာ ကသာမြို့အတွင်း သီရိ ခေမာ စျေးနှင့် အမှတ် ၁ ရဲစခန်းရှေ့၊ ကသာမြို့ပြင်ဂိတ်၊ မြို့တော်ခန်းမရှေ့ ၊ ဘူတာစျေး(ပျံကျ) ၊စက်လှေကူးတို့ဆိပ်များတွင် လမ်းဖြတ်လမ်းလာ ပြည်သူများကို တားဆီးပြီး ကိုဗစ်ကာကွယ်ဆေး အတင်း‌ထိုးပေးနေကြောင်း ဒေသခံတစ်ဦးက ပြောသည်။

“ရောဂါအခံရှိမရှိ စစ်ဆေးခြင်းလည်းမရှိ သွေးပေါင်ချိန်ပေးခြင်းတွေလည်း မလုပ်ပဲ ထိုးပေးနေတာတွေလုပ်တယ်။ ကျွန်မတို့က မထိုးချင်ဘူး ဒါပေမယ့် သူတို့က မထိုးရသေးရင် ထိုးပါဆိုပြီး ထိုးခိုင်းတယ်။ အခြားရောဂါအခံရှိသူ ဆိုရင်တော့ အဲလိုလုပ်တာအဆင်မပြေနိုင်ဘူး” ဟု အမည်မဖော်လိုသူ ဒေသခံတစ်ဦးက ဆိုသည်။

‌ပြီးခဲ့သည့် ရက်ပိုင်းအတွင်း ကသာမြို့ အမှတ် ၁ ရဲစခန်းအတွင်း၌ နိုင်ငံရေးအကျဥ်းသားများအပါအဝင် အခြားအမှုဖြင့် အချုပ်ကျနေသူများအား ကိုဗစ်ကာကွယ်ဆေးများ ထိုးနှံပေးပြီးနောက် လမ်းသွားလမ်းလာ ဆိုင်ကယ်ယာဉ်ကားများပါ ရပ်တန့်ခိုင်းကာ ကိုဗစ် ကာကွယ်ဆေးထိုးပေး‌နေကြောင်း ဒေသခံများကပြောသည်။

“သူတို့က ရဲတွေ၊ ယာဉ်ထိန်းတွေနဲ့တားပြီးလုပ်နေတာ့ထိုးပြီးသားလူက ရဲရဲတင်းတင်းပြောရဲမှာပေါ့ မထိုးထားတဲ့သူတွေက မထိုးချင်လည်း သူတို့ကိုကြောက်တော့ ထိုးရတာပေါ့” ဟု ဒေသခံတစ်ဦးကပြောသည်။

ယင်းကဲ့သို့တားဆီးကာ ထိုးနှံပေးမှုကြောင့် ဒေသခံများအနေဖြင့် မြို့တွင်သွားလာရန်ပင် ခက်ခဲလာကြောင်း သိရသည်။

အဆိုပါကိစ္စအား ကသာမြို့နယ်မှ သက်ဆိုင်ရာဌာနသို့ ဆက်သွယ်မေးမြန်းရာ ဖုန်းလက်ခံဖြေကြားခြင်း မရှိပေ။

အာဏာသိမ်းပြီးနောက်ပိုင်း ကသာမြို့တွင် ကိုဗစ်ကာကွယ်ဆေးထိုးပြီးနောက် အခြားရောဂါအခံရှိသူနှင့် သက်ကြီးရွယ်အိုအချို့ နောက်ဆက်တွဲ ရောဂါဝေဒနာများ အပြင်းအထန် ခံစားခဲ့သူများအပြင် သေဆုံးမှုများ ရှိခဲ့ကြောင်း ဒေသခံများမှ သိရသည်။

Read Previous

ဝန်းသို မြို့နယ်မှာ ကျေးရွာ ၈ ရွာ မီးရှို့ခံရပြီး ရွာပေါင်း ၄၀ ကျော် ထွက်ပြေး တိမ်းရှောင်နေရ

Read Next

၂ နှစ်ကြာရပ်နားထားသော မူးယစ်ဆေးဝါးတိုက်ဖျက်ရေးလုပ်ငန်းစဉ်များ ပြန်လည်စတင်မည်

Leave a Reply

Your email address will not be published.