,

Breaking News :

ပူတာအိုတွင် အရေပြားရောဂါတစ်မျိုးကြောင့် နွား ကူးစက်သေဆုံးမှု များလာ

အဝေးပြေး ယာဥ်စီးခနှုန်းထား ကျပ် ၇၀၀၀ ထပ်မံ တိုးမြင့်ကောက်ခံမည်

ရှမ်းမြောက်တွင် ကြက်သွန်ဖြူကုန်တင်ကား တိမ်းမှောက်ပြီး ၁ ဦးသေဆုံး၊ ၁ ဦး ဒဏ်ရာရ

ဗန်းမောက်နယ် ကျောက်အိုင်ကျေးရွာမှ ဒေသခံ ပြည်သူ ၃၀ ကျော် ဖမ်းဆီးခံထားရ

အင်းတော် လူနေအိမ်အလုံး ၁၀၀ ကျော်ကို စစ်ကောင်စီတပ် မွှေနှောက်ဖျက်ဆီးခဲ့

ဖားကန့်မြို့တွင်း နေရာအချို့တွင် ယခုရက်ပိုင်း Mytel အင်တာနက်လိုင်း ပြန်ရနေ

နမ့်တောင်းအနီး စစ်ကောင်စီတပ်နှင့် ကိုးကန့် MNDAA တို့ တိုက်ပွဲဖြစ်ပွားခဲ့

မြစ်ကြီးနားတွင် ဒလန်ဟု ဆိုရသော အမျိုးသားတစ်ဦး ပစ်သတ်ခံရ

ရှဒူးဇွပ် ပြည်သူ့စစ်အဖွဲ့ ထောင်ထားသော မိုင်းနင်းမိသဖြင့် ပြည်သူ ၂ ဦး ဒဏ်ရာရ

သတ်ဖြတ်မှုမကြာခဏ ဖြစ်ပွားနေသော ဖားကန့်ဒေသအကြောင်း လွှတ်တော်ကိုယ်စားလှယ်ဖြင့် မေးမြန်းခြင်း

ဖားကန့်မြို့တွင်း စစ်ကောင်စီတပ်သားများ မိုင်းခွဲခံရသဖြင့် ထိခိုက်မှုရှိနိုင်

ဖားကန့်မြို့တွင်းပုံ Photo – C J

ဖားကန့်မြို့ အေးမြသာယာ ကျောက်ဝိုင်းအနီးတွင် မတ် ၁၆ ရက်နေ့ညက စစ်ကောင်စီတပ်သားများ လမ်းလျှောက် လှည့်လှည်စဉ် မိုင်းပေါက်ကွဲခဲ့ပြီး ထိခိုက်မှုရှိနိုင်ကြောင်း ဒေသခံများထံမှ သိရသည်။

ယင်းပေါက်ကွဲမှုမှာ ယမန်နေ့ ည ၉ နာရီ မိနစ်လေးဆယ်ခန့်တွင် ဖြစ်ပွားခဲ့ပြီး စစ်ကောင်စီတပ် အင်အား ၆၀ ခန့်သည် မြို့တွင်း လမ်းလျှောက်ကင်းလှည့်ပြီးအပြန်တွင် အေးမြသာယာကျောက်ဝိုင်းအကျော် ကုန်းတက်နေရာတွင် မိုင်းတစ်လုံးပေါက်ကွဲခဲ့ပြီး ယင်းပေါက်ကွဲမှုကြောင့် ထိခိုက်မှုရှိနိုင်ကြောင်း ယင်းကျောက်ဝိုင်းအနီးနေထိုင်သူ တစ်ဦးက KNG သတင်းဌာနသို့ပြောသည်။

“သူတို့က ည ၇နာရီခွဲလောက်မှာ သူတို့ကုန်းပေါ်စစ်တပ်ကုန်းကနေဆင်းလာပြီးမှ အေးမြသာယာရပ်ကွက်ဘက်ကို သွားတာ။ သွားပြီးမှ အပြန်မှာ သူတို့စစ်တပ်ကုန်းနား ရောက်ခါနီးမှာကွဲတာ ထိတာတော့ ထိတယ်လို့ပြောတယ်။ ထိရင်လည်း ဖားကန့်ဆေးရုံတော့သွားမှာမဟုတ်ဘူး။ သူတို့စစ်တပ်ထဲကဆရာဝန်တွေနဲ့ပဲကုမှာ ထိတာတော့ထိတယ်တဲ့။ ဘယ်သူဘယ်ဝါဘယ်လောက်ထိတယ်ဆိုတာတော့မသိရဘူး”ဟု ၎င်းအမျိူးသားက ပြောသည်။

ယင်းပေါက်ကွဲမှုကြောင့် စစ်တပ်ဘက်မှ လက်နက်ငယ်များ ဆက်တိုက်ပစ်ခတ်မှုလည်း ပြုလုပ်ခဲ့ပြီး ပေါက်ကွဲမှုအနီးတဝိုက်တွင်လည်း စစ်ဆေးမှု ကြမ်းတမ်းခဲ့ကြောင်း သိရသည်။

ဖားကန့်မြို့တွင်း ယခုကဲ့သို့ပေါက်ကွဲမှုမျိုး မကြာခဏဖြစ်ပွားလျက်ရှိပြီး ဧပြီလ ၆ ရက်နေ့ကလည်း ကျောက်စိမ်းလုပ်ကွက်တစ်ခုတွင် ပေါက်ကွဲမှုဖြစ်ခဲ့ရာ အမျိုးသား ၅ ဦး ထိခိုက်ဒဏ်ရာရခဲ့သည်။

Read Previous

စစ်ကောင်စီ ယာဉ်တန်းကို KIA ကြားဖြတ် တိုက်ခိုက်ခဲ့ရာ စစ်ကားအချို့ ပျက်စီး

Read Next

ခင်ဦးနယ်တွင် နေအိမ် ၂၃ လုံးကို စစ်ကောင်စီ မီရှို့ခဲ့ပြီး အမျိုးသားနှစ်ဦးကိုလည်း မီးရှို့သတ်ဖြတ်

Leave a Reply

Your email address will not be published.