,

Breaking News :

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

ဖားကန့်မြို့တွင်းပုံ

ဖားကန့်မြို့နယ် မက်လင်ချောင်ကျေးရွာမှ စစ်ကောင်စီဖမ်းဆီးသွားသည့် ပြည်သူ ၂၃ ဦးအနက် သက်ကြီးရွယ်အို ၂ ဦးသာပြန်လွတ်လာပြီး ဆယ်နှစ်အောက် ကလေး ၄ ဦးအပါ ကျန်ရှိသူများကို စစ်ကြောရေးတွင်သာ ထားရှိဆဲ ဖြစ်ကြောင်း ဒေသခံများ ဒေသခံများထံမှသိရသည်။

“အသက်ကြီးဆုံးနှစ်ယောက်ကိုတော့ပြန်လွတ်ပေးလိုက်ပြီ တစ်နေ့ကပဲ လွတ်ပေးလိုက်တယ်။ သူတို့ကိုတော့ အသက် ကြီးပြီမို့လို့ပြန်လွတ်ပေးလိုက်တာတဲ့ လင်မယားတွေဟုတ်တယ်။ ကလေး လေးယောက်အပါ ကျန်လူတွေကိုတော့ ဖားကန့်ဗျူဟာကုန်းက စစ်ကြောရေးမှာပဲ ရှိသေးတယ်လို့သိရတယ်။ ဘာကြောင့်မလွတ်သေးတာလဲတော့မသိရသေးဘူး”ဟု ဒေသခံ အမျိုးသားတစ်ဦးက KNG သို့ပြောသည်။

ဖမ်းဆီးခံရသည့် ၂၃ဦးအနက် လွတ်မြောက်လာသူ ၂ဦးသည် အသက် ၇၅ အရွယ်ရှိသူ ဦးဝင်း နှင့် အသက် ၇၃နှစ်အရွယ်ရှိ သူ ဒေါ်သိန်းဌေး တို့ဖြစ်ကြပြီး ဇွန်လ ၃၀ ရက်နေ့တွင် ပြန်လွှတ်ပေးခဲ့ကြောင်းသိရသည်။

လက်ရှိ စစ်ကောင်စီ၏ ဖမ်းဆီးခံထားရသူများသည် အသက်ဆယ်နှစ်အောက်များဖြစ်သည့် မသွန်းစုရတီဝေ ၈ နှစ်၊ မောင်သုတဇော် ၈ နှစ်၊ အမေသင်းရနံ့ဇော် ၃ နှစ်၊ မောင်ကံလင်းအောင် ၄နှစ်တို့ပါဝင်ပြီး မသင်းသင်းမာ ၄၀ နှစ်၊ မရီနွယ်ထွန်း ၂၉ နှစ်၊မမြသွေးနွယ် ၄၂ နှစ်၊မောင်ဇော်ဇင်ဦး ၁၈ နှစ်၊ဦးကျော် ၃၀ နှစ်၊ ဦးမိုးညို ၃၀ နှစ်၊မောင်နန်းမင်းထွန်း ၃၀နှစ်၊ မောင်ရဲမိုးဟိန်း ၃၀ ဝန်းကျင်၊မောင်ကျော်ထူး ၃၀နှစ်၊ မောင်သောင်းဇော်ဝင်း ၃၀ နှစ်၊မောင်ထိန်လင်းအောင် ၃၀နှစ်၊ ဦးမိုးကျော် ၃၀ ဝန်းကျင်၊ ဦးကျော်သူဝင်း ၃၀နှစ်၊ မောင်သန့်မင်းပိုင် ၂၇ နှစ်၊ ဦးဝင်းသိန်း ၄၄ နှစ်၊ မောင်အုန်းကျော် ၂၈နှစ်နဲ့ မောင်ကေထာင်းကျော်ဝင်းတို့ပါဝင်ကြောင်းသိရသည်။

အဆိုပါ ဖမ်းဆီးခံရသော ၂၃ဦးကို ဇွန်လ ၁၁ရက်နေ့ နံနက်ပိုင်း ၂နာရီဝန်းကျင်တွင် စစ်ကောင်စီအဖွဲ့၏ ဝင်ရောက်ဖမ်းဆီးခံခဲ့ရခြင်းဖြစ်ပြီး လက်ရှိတွင် ဖမ်းဆီးခံရသည့် ပြည်သူ ၂၃ဦးအနက် ၂၁ ဦး စစ်ကြောရေးတွင် ဆက်လက် ဖမ်းဆီးခံထားရဆဲဖြစ်သည်။

“အဲ့ဒီကျန်နေသေးတဲ့ ၂၁ နဲ့က အခုချိန်အထိ သူတို့မိသားစုတွေ ဘာအဆက်အသွယ်မှ မရသေးဘူး။ ဘာကြောင့် ဖမ်းဆီးထိန်းသိမ်းထားတာလည်း တော့သူတို့နဲ့ချိတ်ဆက်လို့မရတော့ မသိရသေး”ဟု ယင်းအဖမ်းခံရသည့် သူများနှင့် ရင်းနှီးသည့် နောက်ထပ်ဒေသခံတစ်ဦးက ထပ်မံပြောဆိုထားသည်။

ပြည်သူ ၂၃ဦးဖမ်းဆီးခံရမှုနှင့်ပတ်သက်ပြီး အသေးစိတ်မသိရှိရသေးသော်လည်း ဒေသခံပြည်သူများ၏ သုံးသပ်ချက်အရ ဖမ်းဆီးခံထားရသူများသည် PDF များအားထောက်ပံ့သည်ဟု ယူဆသည့်အတွက် ယခုလို ဖမ်းဆီးထားခြင်းဖြစ်နိုင်ကြောင်း ‌ဒေသခံများက သုံးသပ်သည်။

မက်လင်ဂျောင်ကျေးရွာတွင် ဇွန်လ ၁ရက်နေ့ ည ၈နာရီဝန်းကျင် မက်လင်ဂျောင်အုပ်ချုပ်ရေးမှူး ဦးအုန်းကျော်နှင့် ဆွေမျိုးတော်စပ်သူ ၃ ဦး စုစုပေါင်း ၄ ဦးအား အမည်မသိအဖွဲ့မှ သတ်သွားခဲ့သည့်နောက်ပိုင်း ရွာအတွင်း စစ်ကောင်စီတပ် စစ်ဆေးမှု ပိုမိုတင်းကြပ်လာကြောင်း သိရသည်။

ထို့ပြင် လက်ရှိချိန်တွင်လည်း စစ်ကောင်စီတပ်မှ စစ်ကြောင်း ထိုးမူအပြင် ပြည်သူများအား ဖမ်းဆီးမူ ပိုမိုလုပ်ဆောင်လာသည့်အတွက် ထွက်ပြေးတိမ်းရှောင်သူ များလာနေကြောင်း သိရသည်။

Read Previous

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

Read Next

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး