,

Breaking News :

အောင်ဟိန်းမင်း ဦးဆောင်သည့် PDF အဖွဲ့မှ ပိုက်ဆံလုယက်သည် ဆိုပြီး သတင်းအမှားဖြန့်

KIO နယ်မြေမှာဖွင့်လှစ်တဲ့ Kachin State Comprehensive University (KSCU)

မိုးညှင်း နှင့် မော်ဟန်ကြားတွင် စစ်ကောင်စီတပ်မှ ခရီးသွားယာဉ်များကို စစ်ဆေးနေ

ဗန်းမော်တွင် မီတာကြေးမဆောင်သည့် နေအိမ်များမှ မီတာဘောက်များ စစ်ကောင်စီအဖွဲ့ လိုက်လံဖြုတ်သိမ်းနေ

စစ်ကောင်စီတပ်၏ စက်လှေ ၄စီးပစ်ခံရပြီး မိုးစစ်ရွာမှ ကလေးငယ် ၅ဦးခန့် ထိခိုက် သေဆုံးမှုရှိ

ထီးချိုင့်နယ် ငွေကြေးကောက်ခံနေသည့် စစ်တပ်ဂိတ်တစ်ခု မိုင်းဆွဲတိုက်ခိုက်ခံရပြီး တပ်သား ၃ဦးခန့်သေဆုံးဟုဆို

မင်းကင်းနယ်ရှိ စစ်တပ်ဂိတ်စခန်းတစ်ခုတိုက်ခိုက်ခံရပြီး သေဆုံးမှုရှိ၊ လက်နက်ခဲယမ်းတစ်ချို့သိမ်းဆည်းရရှိ

နန့်ယား ပြည်သူ့စစ်ခေါင်းဆောင် သတ်ခံရပြီးနောက် နန့်ယားကျေးရွာတွင် စစ်ဆေးရေးပိုမိုတင်းကြပ်ထား

မြစ်ကြီးနားတွင် စစ်ကောင်စီအဖွဲ့ ကင်းပုန်းချ ဖမ်းဆီးမှုလုပ်ဆောင်နေ၊ တစ်ရက်အတွင်း လူငယ် ၂ဦး ဖမ်းဆီးခံရ

ငွေသာကျေးရွာ မီးရှို့ခဲ့သည့် စစ်ကောင်စီတပ်ကို ဒေသကာကွယ်ရေးတပ်များ တိုက်ခိုက်

ရေဦး ပြည်သူ ၁၀ ဦးကျော်ကို လက်နောက်ပြန်ကြိုးသုပ်၍ ဖမ်းခေါ်သွား၊ လူနေအိမ် ၁၀၀ ကျော်ကိုလည်း မီးရှို့ခဲ့

ရေဦးမြို့အဝင်ဆိုင်းဘုတ် Photo – Crd

စစ်ကိုင်းတိုင်းဒေသကြီး တန့်ဆည်မြို့နယ်အစပ် ရေဦးမြို့နယ် စည်သာ​မြေကျေးရွာမှ အရပ်သားပြည်သူ ၁၀ဦး ကျော်ကို စစ်ကောင်စီတပ် ဇူလိုင်လ ၁၂ရက်နေ့တွင် လက်​နောက်ပြန်ကြိုးတုတ်ကာ ဖမ်းဆီးခေါ်ဆောင်ပြီး ယနေ့အထိ အဆက်အသွယ်မရရှိသေးကြောင်း ဒေသခံများထံမှသိရသည်။

စည်သာမြေကျေးရွာအတွင်း ၂ရက်ခန့်အကြာ တပ်စွဲနေထိုင်ခဲ့သော စစ်ကောင်စီတပ်သည် ဇူလိုင် ၁၂ရက်နေ့တွင် ၎င်းတို့ စစ်ကြောင်း ကျေးရွာအတွင်းမှ ပြန်ထွက်လာစဉ် အရပ်သားပြည်သူ ၁၀ ဦးကျော်ခန့်ကို လက်ပြန်ကြိုးတုတ်ပြီး စစ်ကြောင်းထဲ ဖမ်းဆီခေါ်ဆောင်သွားသည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦး KNG သတင်းဌာနကိုပြောဆိုသည်။

“သူတို့က အင်အား၆၀ လောက်ကို စည်သာမြေရွာ နားမှာလာချသွားပြီး စည်သာမြေကို ဝင်စည်းလိုက်တာ။ အဲ့မှာ အမျိုးသမီး တွေနဲ့ကလေးတွေကိုတော့ ပြန်လွတ်ပေးလိုက်ပြီးတော့ အမျိုးသားတွေကိုတော့ လက်နောက်ပြန်ကြိုးသုပ်ပြီး တော့သူတို့စစ်ကြောင်းတစ်လျှောက်ကိုခေါ်သွားတာ ဒီနေ့ထိပြန်မလွတ်သေးဘူး ဆယ်ယောက်ကျော်လောက် ဖမ်းခေါ်သွားတယ်”ဟုပြောဆိုသည်။

စစ်ကောင်စီ ဖမ်းဆီခေါ်ဆောင်သွားသည့် စည်သာမြေကျေးရွာမှ အရပ်သားပြည်သူ ၁၀ ဦးကျော်နှင့်ပတ်သက်ပြီး သတင်းအချက်အလက် အသေးစိတ်ရရှိရန် အခက်အခဲရှိနေကြောင်း သူကဆက်ဆိုထားသည်။

အဆိုပါ စစ်ကောင်စီတပ်သည် အရပ်သား ပြည်သူ ၁၀ ဦးကျော်ခန့်ကို ဖမ်းဆီးခေါ်ဆောင်သွားသည့်အပြင် ဇူလိုင် ၁၂ရက်နေ့က အူဖြူကျေးရွာဘက်သို့ ထပ်မံ စစ်ကြောင်းထိုးဝင်ရောက်လာပြီး အူဖြူကျေးရွာတစ်ခုလုံး ရွာလုံးကျွတ် မီးတင်ရှို့ခဲ့​သည်ဟု ဒေသခံတစ်ဦးက ယခုလိုပြောဆိုသည်။

“အူဖြူရွာက အိမ်ခြေ လေးဆယ်ကျော် ငါးဆယ်လောက် ပဲရှိတာ အကုန်ရှို့သွားတယ်။ ရွားသားတွေကတော့ စည်သာမြေရောက်ပြီဆိုကတည်းက ထွက်ပြေးကြပြီဆိုတော့ ဖမ်းဆီးမိတာမရှိခဲ့ဘူး။ အိမ်တွေကတော့အကုန်ပြောင်သွားတယ် ရွာသားတွေလည်း ခုထိပြန်မကပ်နိုင်သေးဘူး”ဟုပြောဆိုသည်။

ထိုစစ်ကြောင်းသည် ဇူလိုင် ၁၀ ရက်နေ့မှ ယနေ့အထိ တန့်ဆည်မြို့နယ်နှင့်ရေဦးမြို့နယ်အတွင်းလှည့်လှည် စစ်ကြောင်းထိုးလျက်ရှိနေပြီး ထိုဒေသတွင်ရှိသော စည်သာမြေ၊ အူဖြူ၊ ဝက်သဲ၊ မင်းမောင်းကုန်း၊ ဒူမောင်း၊ ချောင်းဆုံ၊ ချမ်းသာကျေးရွာအနီးဝန်းကျင်ရှိသော စုစုပေါင်း ၁၅ ရွာခန့်က ထွက်ပြေးတိန်းရှောင်နေရဆဲ ဖြစ်​ကြောင်း သိရသည်။

လတ်တလောတွင် ရေဦးနယ်အတွင်းစစ်ကြောင်းထိုးနေသည့် စစ်ကောင်စီတပ်နှင့် နယ်မြေခံဒေသကာကွယ်ရေးတပ်ဖွဲ့တို့ကြား ဇူလိုင်လ ၁၀ ရက်နေ့တွင် စည်သာမြေကျေးရွာအနီး ထိတွေ့တိုက်ပွဲတစ်ကြိမ်သာ ဖြစ်ပွားခဲ့ပြီးနောက် စစ်ကောင်စီဘက်မှ သေဆုံးနဲ့ဒဏ်ရာရသူ ၁၀ ဦးထက်မနည်ရှိခဲ့သောကြောင့် လူနေအိမ်များ မီးရှို့ဖျက်ဆီးသည့် လုပ်ရပ်များ လုပ်ဆောင်နေဆဲဖြစ်သည်ဟု ဒေသခံပြည်သူများ ပြောဆိုချက်မှသိရသည်။

လက်ရှိ စည်သာမြေကျေးရွာမှ အရပ်သား ပြည်သူ ၁၀ ဦးကျော်ခန့်ကို ဖမ်းဆီးခေါ်ဆောင်သွားသည့် စစ်ကောင်စီတပ်ဖွဲ့သည် စစ်အင်အား ၆၀ ကျော်ခန့်ပါရှိပြီး ဇူလိုင်လ ၁၀ရက်နေ့တွင် ရေဦးမြို့ဘက်မှ လေယာဉ်ဖြင့် စည်သာမြေကျေးရွာအနီးတဝိုက် လာရောက်ပို့ချထားသောအဖွဲ့ဖြစ်ကြောင်းလည်း ဆက်လက်သိရသည်။

Read Previous

မုံရွာ-ချောင်းဦးလမ်းတွင် စစ်ကောင်စီတပ်ဖွဲ့များမိုင်းဆွဲခံရကာ ၁၂ဦးသေဆုံး

Read Next

အင်းတော်တွင် ဖမ်းဆီးခံ အရပ်သား ၁၅ ဦး မလွတ်သေးသည့်အပြင် နောက်ထပ် ၁၀ ဦးပါ စစ်ကောင်စီ ဖမ်းဆီး

Leave a Reply

Your email address will not be published.