,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

အင်ဝမ်းကောင့် စစ်ပြေးဒုက္ခသည်များ ဆဒုံးမြို့သို့ ရောက်ရှိ

ဆဒုံးမြို့သို့ ရောက်ရှိလာသော အင်ဝမ်းကောင့် စစ်ရှောင်များ

ဝိုင်းမော်မြို့နယ် ကန်ပိုင်တည် လမ်းမပေါ် အင်ဝမ်းကောင့် (N’Wan Kawng) ကျေးရွာတိုက်ပွဲကြောင့် ထွက်ပြေးသွားသော ဒေသခံ ၁၀၀ ဝန်းကျင် ယနေ့ နံနက် ဆဒုံး နှစ်ခြင်းခရစ်ယာန်ဘုရားကျောင်းဝင်းသို့ ရောက်ရှိ လာပြီဟု သိရသည်။

လက်ရှိ ထွက်ပြေးလာသော စစ်ရှောင်များအတွက် အစားအသောက်နှင့် အသုံးအဆောင်ပစ္စည်းများ အရေးပေါ် လိုအပ်နေကြောင်း သိရသည်။

“အင်၀မ်းကောင် စစ်တပ်၊ ပြည်သူ့စစ် စခန်း ၄ ခု အနီးမှာရှိတဲ့ အိမ်ခြေတွေဖြစ်တယ်။ အခုဆဒုံးကို ရောက်နေပြီဆိုတော့ ယောကျာ်း၊ မိန်းမခွဲပြီး နေရာချပေးဖို့ ခက်နေတယ်။ အခုက ၁၀၀ ခန့် သူ့ဟာသူတော့ ရှိနေသေးတယ်။ ဒါပေမဲ့ ဆဒုံးမှာလည်း စစ်တပ်နှင့် အတူရှိနေတာကြောင့် တရွာလုံး ဆဒုံးဘုရားကျောင်းဝင်းပဲ စုပြုံလာနိုင်ခြေရှိတယ်။ ဘယ်မှပြေးလို့ မရဆိုတော့။ အခုအစားအသောက်နှင့် ဆေးဝါး၊ အသုံးအဆောင်ပစ္စည်း တွေ အကူအညီ လိုအပ်နေတယ်။” ဟု ၄င်းက ပြောသည်။

ထွက်ပြေးတိမ်းရှောင်လာသော စစ်ရှောင်များထဲတွင် အမျိုးသမီးများနှင့် ကလေးငယ်အများဆုံးဖြစ်ပြီး ခန့်မှန်းခြေ အိမ်ထောင်စု ၃၀ ခန့်နှင့် လူဦးရေ ၁၀၀ ဝန်းကျင်ခန့်ရှိသည်ဟု ဆိုသည်။

ကန်ပိုင်တည်လမ်းမပေါ်  ဆနားကျေးရွာအုပ်စု အင်ဝမ်းကောင့်တွင် စစ်ကောင်စီ နှင့် ပြည်သူ့စစ်တပ်ဖွဲ့ စခန်းချထားသောနေရာကို ကချင်လွတ်လပ်ရေးတပ်မတော် KIA မှ ယမန်နေ့ ဩဂုတ်လ ၂ ရက်နေ့ သွားရောက်တိုက်ခိုက်ခဲ့သောကြောင့် ဒေသခံရွာသားများ ထွက်ပြေးတိမ်းရှောင်ခဲ့ရပြီး ယနေ့ နံနက် ၁၁ နာရီခန့်မှသာ ဆဒုံးမြို့သို့ ရောက်ရှိလာသည်ဟု အင်ဝမ်းကောင့် စစ်ရှောင်ပြည်သူတစ်ဦး KNG ကိုပြောသည်။

“မနေ့ကနဲ့ မနေ့ညတော့ ရွာအပြင် တောထဲမှာ အိမ်ကို မပစ်ထားရက်လို့ ပြန်သွားလိုက်၊ စောင့်ကြည့်လိုက်နဲ့ သေနတ်သံတွေက မြည်နေ အိပ်လို့မရ၊ ဆဒုံးဘက်ကလည်း အမြန်လာမကြိုနိုင်ဖြစ်တယ်။ ဒါမဲ့ ဒီမနက်ပဲ ကား ၅ စီးလောက်နဲ့ ဆတုံးအသင်းတော်က လာကြိုပြီး အခုဘုရားကျောင်းဝင်းထဲရောက်နေပြီ။” ဟု စစ်ရှောင်ပြည်သူတစ်ဦးက ပြောသည်။

ဩဂုတ်လ ၂ ရက်နေ့ ဘွမ်တောင် ပြည်သူ့စစ် စခန်းကို ကချင်လွတ်လပ်ရေးတပ်မတော် KIA တပ်ရင်း ၃ မှ တိုက်ခိုက် သိမ်းပိုက်ထားပြီး ဆဒုံးရေတံခွန် တံတားတွင်လည်း တပ်စွဲထားပြီဖြစ်ဟု ဆက်လက်သိရသည်။

ဝိုင်မော်မြို့နယ် KIA  တပ်ရင်း ၃ နယ်မြေတွင် ပြီးခဲ့သည့် ဇူလိုင် ၁၀ ရက်နေ့မှစပြီး စစ်ကောင်စီ၊ ပြည်သူ့စစ် ပူးပေါင်းတပ်များနှင့် KIA တပ်ဖွဲ့တို့ တိုက်ပွဲ ပြင်းထန်နေခြင်းဖြစ်သည်။

Read Previous

ဆိပ်မူ KBZ ဘဏ်ရှေ့တွင် ရဲမှူးတစ်ဦး သေနတ်ဖြင့် ပစ်သတ်ခံရ

Read Next

ချောင်းဦးတွင် စစ်ကောင်စီယာဉ်တန်း တစ်ရက်အတွင်း ၂ကြိမ် မိုင်းဆွဲတိုက်ခိုက်ခံရကာ ၂၄ ဦး ထက်မနည်းသေဆုံးမှုရှိဟုဆို