,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

စစ်ကိုင်းနယ်ရှိ ကျေးရွာ ၂ခု မီးရှို့ဖျက်ဆီးခံရပြီး လူငယ်တစ်ဦး သတ်ဖြတ်ခံရ

စစ်ကိုင်းဒေသ တောင်မြို့ကျေးရွာတွင် မီးရှို့ဖျက်ဆီးခံရသည့် လူနေအိမ်များ

စစ်ကိုင်းတိုင်းဒေသရှိ တောင်မြို့နှင့်တောင်ကြား ကျေးရွာ ၂ခုကို စစ်ကောင်စီတပ်နှင့်ပျူစောထီးအဖွဲ့များက လူနေအိမ်များကို ဝင်ရောက်မီးရှို့ဖျက်ဆီးခဲ့ပြီး  ပြည်သူ့ကာကွယ်ရေးတပ်ဖွဲ့ ဝင် လူငယ်တစ်ဦးကိုလည်း သတ်ဖြတ်သွားကြောင်း ဒေသခံများထံမှသိရသည်။

ဩဂုတ်လ ၂၉ရက်နေ့ နံနက်ပိုင်း ၆နာရီဝန်းကျင်ခန့်တွင် ကြွယ်ပုံကျေးရွာဘက်မှ စစ်အင်အား ၇၀ ဝန်းကျင်ပါရှိသည့် စစ်ကောင်စီတပ်နှင့်ပျူစောထီးအဖွဲ့တို့ တောင်မြို့ကျေးရွာဘက်သို့ လက်နက်ကြီး လက်နက်ငယ်များ ပစ်ခတ်ကာ ကျေးရွာအတွင်း ဝင်ရောက်မီးရှို့ဖျက်ဆီးမှုများ ပြုလုပ်သွားသည်ဟု လုံခြုံရေးအရ အမည်မဖော်လိုသူ ဒေသခံတစ်ဦး KNG ကို ပြောသည်။

ကြွယ်ပုံက ပျူတွေနဲ့စကစတွေက သေနတ်ဖောက်ပြီးဝင်လာတယ် နယ်မြေခံပျူ ၃ယောက်လောက်လည်းပါတယ်။ အိမ်ကောင်းတွေ‌ရွေးပြီးရှို့သွားတာ။ ပြီးရင်လူငယ်တစ်ယောက်ကိုလည်း ပစ်သတ်သွားတယ်။ သတ်ခံရတဲ့ လူငယ်က ရွာမှာကျန်နေတဲ့ သူတွေကို သွားကယ်ရင်းနဲ့ သတ်ခံလိုက်ရတယ်ဟုပြောသည်။

ပစ်သတ်ခံရသည့် လူငယ်တစ်ဦးသည် အသက် ၂၀ ဝန်းကျင်ရှိသူဖြစ်ပြီး စစ်ကောင်စီတပ်နှင့် ပျူစောထီးအဖွဲ့ တို့ ကျေးရွာအတွင်း အကြမ်းဖက်ဝင်ရောက်လာသဖြင့် ပြည်သူတစ်ချို့ကို ကယ်ထုတ်ရန် ပြန်လှည့်ခဲ့ရာမှ ပစ်သတ်ခံလိုက်ရကြောင်းသိရသည်။

အဆိုပါ တောင်မြို့ကျေးရွာကို မီးရှို့ဖျက်ဆီးခံရမှုတွင် လူနေအိမ်များ ၅၀ ဝန်းကျင် မီးလောင်ပျက်စီးသွားပြီး ညနေပိုင်း ၃နာရီဝန်းကျင်တွင် တောင်ကြားကျေးရွာကို ထက်မံမီးရှို့ဖျက်ဆီးခဲ့ကြပြီး တောင်ကြားကျေးရွာ၏ လူနေအိမ်ပျက်စီးမှုအခြေအနေကို အသေးစိတ်မသိရသေးကြောင်း သတင်းအရင်းအမြစ်က ဆိုသည်။

လက်ရှိ မီးရှို့ဖျက်ဆီးခံရသည့် တောင်မြို့နှင့် တောင်ကြား ကျေးရွာ ၂ခုတွင် စစ်ကောင်စီတပ်နှင့် ပျူစောထီးအဖွဲ့တို့ တပ်စွဲနေထိုင်လျက်ရှိနေသောကြောင့် ကျေးရွာနေပြည်သူများ နီးစပ်ရာသို့ တိမ်းရှောင်နေရဆဲဖြစ်ကြောင်း ဆက်သိရသည်။

Read Previous

မှော်ပုံရွာကို အကြမ်းဖက်ဝင်ရောက်ရှင်းလင်းမည်ဟု သတင်းကြောင့် ဒေသခံတစ်ချို့ထွက်ပြေးတိမ်းရှောင်နေ

Read Next

မြစ်ကြီးနား ၄၂မိုင်ကျေးရွာ ဘုန်းကြီးကျောင်းတွင် ၂လောင်းပြိုင် လူသတ်မှုဖြစ်ပွား