,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

မိုးမောက်မြို့နယ်တွင် စစ်ကောင်စီတပ် အင်အား ၂၀၀ ကျော်ဖြင့် ထပ်တိုးလာသဖြင့် တိုက်ပွဲပြင်းထန်မည်ကို ဒေသခံများစိုးရိမ်နေ

စစ်ကောင်စီ တပ်သားများ- ပုံဟောင်းအသုံးပြုထားသည်

မိုးမောက်မြို့နယ်တွင် စစ်ကောင်စီတပ် အင်အား ၂၀၀ ကျော်ဖြင့်ဝင်ရောက်လာသောကြောင့် မြို့အနီးတစ်ဝိုက် တိုက်ပွဲဖြစ်ပွားလာမည်ကို စိုးရိမ်ကြောင်း ဒေသခံများ ပြောသည်။

စက်တင်ဘာ ၅ ရက်နေ့ နံနက်ပိုင်းမှ စတင်ကာ မိုးမောက်မြို့နယ် ခါနန်ရပ်ကွက်၊ မြို့သစ်ကျေးရွာနှင့် အနီးဝန်းကျင် ကျေးရွာများတွင် စစ်ကောင်စီတပ်များ ဝင်ရောက်လာကြောင်း မိုးမောက်မြို့ ခါနန်ရပ်ကွက်မှ အမျိုးသားတစ်ဦးက KNG သတင်းဌာနကို ပြောသည်။

ဗန်းမော်ကနေတော့ကားနဲ့လာပြီး မိုးမောက်ကနေတော့ဒီဘက်ကို ခြေလျှင်နဲ့တက်လာတာဟုတ်တယ်။ မိုးမောက်မြို့ထဲမှာတော့ မရှိဘူး။ မိုးမောက်နဲ့ နီးတဲ့ရွာတွေဘက်မှာ အဓိကခါနန်ဘက်ကိုထိုးနေတာ ဒီနေ့ထိသိရတာတော့ စစ်ကြောင်းနှစ်ကြောင်းထိုးနေ ခါနန်ဘက်တစ်ကြောင်း တစ်ကြောင်းကတော့တောထဲဝင်သွားတယ်။ တောထဲဝင်သွားတဲ့စစ်ကြောင်းက အင်အားများတော့ နှစ်ကြောင်းခွဲရင်လည်း ခွဲနိုင်တယ်” ဟု မိုးမောက်ဒေသခံတစ်ဦးက ပြောသည်။

ခါနန်ဘက်တွင် အင်အား ၈၀ ခန့် ဝင်ရောက်သွားပြီး ခါနန်အနီးတစ်ဝိုက်တောဘက်တွင် အင်အား ၁၂၀ ခန့် ဝင်ရောက်နေကြောင်း သိရသည်။

ခါနန်ဘက်မှာ KIA နေရာယူထားတာကြာပြီလေ။ အခုက စစ်ကောင်စီက သူတို့ဘက်ကပြန်ပြီး နယ်မြေ စိုးမိုးချင်လို့ ပြန်ဝင်လာတာပဲနေမှာ တိုက်ပွဲ ပြင်းထန်လာမှာကိုတော့ တကယ်စိုးရိမ်တယ်ဗျ။ ဒီကလူတွေကတော့ အထုပ်အပိုးအသင့် အနေထားနဲ့ သတိရှိရှိသွားလာနေကြတယ် ။ ရွာပြင်ခပ်ဝေးဝေးတောင်မသွားရဲကြဘူး ဟု ခါနန် ဒေသခံတစ်ဦးက KNG ကို ပြောသည်။

မိုးမောက်မြို့နယ် ဒေါ့ဖုန်းယန်မြို့နယ်ခွဲ စသည့်နယ်မြေများသည် ကချင်လွတ်လပ်ရေးအဖွဲ့ KIO ဗဟိုဌာနချုပ်ဖြင့် နယ်မြေချင်းဆက်နေပြီး ပြီးခဲ့သည့် ၂၀၂၁ ခုနှစ် မတ်လအတွင်းဖြစ်ပွားခဲ့သော အလော့ဘွမ်တိုက်ပွဲသည် အပြင်းထန်ဆုံးဖြစ်ခဲ့သည်ဟု သိရသည်။

ထို့နောက် မိုးမောက်မြို့နယ်အတွင်း မြို့သစ်၊ ကုန်းလော၊ စီဟက် နှင့် မိုးမောက်မြို့ပြင်အနီးတစ်ဝိုက်တွင် နှစ်ဖက် တိုက်ပွဲများ ဖြစ်ပွားခဲ့သည်။

Read Previous

ရွှေကူ သာယာကုန်းကျေးရွာကို စစ်ကောင်စီတပ်မှ ဝင်ရောက်မီးရှိုသဖြင့် ဒေသခံများ ထွက်ပြေးတိမ်း‌ရှောင်နေရ

Read Next

ကသာ ကျောက်ထုံးကြီးကျေးရွာအဝင်တွင် စစ်ကောင်စီတပ် မိုင်းဆွဲတိုက်ခိုက်ခံရ ၍ အထိနာခဲ့