,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

‘ဒေါ့ဖုန်းယန်တွင် လေကြောင်းတိုက်ခိုက်မှုကြောင့် KIA စစ်သားများသေဆုံး’ ဟူသော သတင်းအမှားထပ်ဖြန့်နေကြ

သတင်းအမှား ဖြန့်ဝေနေသည့် Telegram စာမျက်နှာများ

ဒေါ့ဖုန်းယန်မြို့နယ်တွင် ‘တပ်မတော်မှ လေယာဥ်ဖြင့် ပစ်ခတ်ခဲ့ရာ KIA စစ်သားများ သေဆုံးသွား’ ဆိုသည့် စစ်ရေးနှင့်ပတ်သက်သော ဝါဒဖြန့်သတင်းအမှားတစ်ခု ထပ်မံ ပျံ့နှံ့နေသည်ကို တွေ့ရသည်။

အဆိုပါ ဝါဒဖြန့်သတင်းအမှားကို စက်တင်ဘာလ () ရက်နေ့တွင် ‘Truth Media’ Telegram အကောင့်မှ စတင်ဖြန့်ဝေခဲ့ပြီး ‘The Fighters Media (TFM)’ နှင့်အလင်္ကာစစ်စသည့် Telegram အကောင့်များတွင်လည်း ဖြန့်ဝေလာခဲ့သည်။

ရေးသားထားသောအကြောင်းအရာမှာ “ဗန်းမော်၊ ဒေါ့ဖုန်းယန်နယ်မြေကို နေ့လည် ၃ နာရီကျော်လောက်က KIA အင်အား ၂၀၀ ဝန်းကျင်ခန့်လောက် တက်လာတယ်။ t ပန်းပွင်ချိန်ရောက်နေတဲ့ကောင်တွေကို တပ်မတော်လေ A5 နဲ့ မိတ်ဆက်ပေးလိုက်တယ်၊ ၇၀ကျော်လောက် မီးသွေးဖြစ်ပြီး ၂၈ ကောင် ဒန်းစီးသွားတယ်လို့ ဆက်သွယ်ရေး အင်တာမှာ တက်လာပီဟု သတင်းအမှား ဖြန့်ဝေထားသည်။

အဆိုပါအကြောင်းအရာများကို သတင်းအမှားဖြစ်သည်ဟု ဖော်ပြရခြင်းမှာ စက်တင်ဘာလ () ရက်နေ့ မှ ယနေ့အထိ ဒေါ့ဖုန်းယန်အနီးတစ်ဝိုက်တွင် ကချင်လွတ်လပ်ရေးတပ်မတော် KIA နှင့် စစ်ကောင်စီတပ်များအကြား တိုက်ပွဲများ ဖြစ်ပွားခြင်း မရှိဟု မဖြစ်ပွားခဲ့ကြောင်း ဒေသခံများက KNG ကို ပြောသည်။

ထို့အပြင် ဒေါ့ဖုန်းယန်မြို့နယ်ခွဲသည် ဗန်းမော်မြို့နယ်မဟုတ်ဘဲ မိုးမောက်မြို့နယ် သာ ဖြစ်သည်။

ထို့ကြောင့် ‘Truth Media’ Telegram တွင်ဖော်ပြထားသော တပ်မတော်လေကြောင်းပစ်ခတ်မှုကြောင့် KIA စစ်သား ၇၀ ကျော် ကျဆုံးသည်ဟူသော အချက်မှာ သတင်းအမှားဖြစ်ပြီး စစ်တပ်ထောက်ခံသူများကို ဝမ်းသာပီတိဖြစ်စေရန် ရည်ရွယ်ချက်ရှိရှိ ဖြန့်ဝေနေခြင်းသာဖြစ်သည်။

ယခုအချိန် နေရာတိုင်းတွင် KIA PDF ပူးပေါင်းတပ် နှင့် စစ်ကောင်စီ၊ ပြည်သူ့စစ်တို့ကြား တိုက်ပွဲများဆက်လက်ဖြစ်ပွားနေချိန် စစ်တပ်ထောက်ခံသူ စစ်တပ်လော်ဘီများသည် တိုက်ပွဲသတင်းအကြောင်းအရာများသာမက အခြားသော သတ်ဖြတ်မှုနှင့် ဖမ်းဆီးခြင်းအစရှိသည့် အကြောင်းအရာများကို အခြေခံပြီး အာဏာရှင်ဆန့်ကျင်သူများကို တိုက်ခိုက်ရန် ဝါဒဖြန့်သတင်းများကို ရည်ရွယ်ချက်ရှိရှိ ရေးသားဖြန့်ဝေနေကြသည်ကို တွေ့နေရသည်။

သို့ဖြစ်ပါ၍ ပြည်သူများအနေဖြင့် နေ့စဥ်သတင်းများကို ဖတ်ရှုရာတွင် ဒေသအခြေစိုက် သတင်းမီဒီယာများတွင် ဖော်ပြထားသော သတင်းအကြောင်းအရာများကိုသာ ဖတ်ရှုသင့်ပါသည်။

Read Previous

ကသာ ကျောက်ထုံးကြီးကျေးရွာအဝင်တွင် စစ်ကောင်စီတပ် မိုင်းဆွဲတိုက်ခိုက်ခံရ ၍ အထိနာခဲ့

Read Next

ကန့်ဘလူနယ်အတွင်း ပျူစောထီးသင်တန်းပေးနေသည့် စစ်ကောင်စီနှင့်ပျူစောထီးအဖွဲ့တိုက်ခိုက်ခံရ