,

Breaking News :

မြစ်ကြီးနားတွင် အမျိုသား ၂ ဦး အကြမ်းဖက် ဖမ်ဆီးခံရဟုဆို

မိုးကောင်းတွင် SNA ခေါင်းဆောင်အပါအဝင် အဖွဲ့ ၉ ဦးကို ဖမ်းဆီးရမိကြောင်း မိုးကောင်း PDF ထုတ်ပြန်

လုံးခင်း စစ်တပ်ဂိတ်တိုက်ခိုက်ခံရပြီး  စစ်ကောင်စီအထိနာ

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

ဖမ်းဆီးခံရသည့် သာယာကုန်း ဒေသခံ ၅၀ ကျော် ရိုက်နက်ခံရပြီး ပြန်လည်လွတ်လာ

Shwe Gu

ရွှေကူမြို့အဝင်ဆိုင်းဘုတ်

ကချင်ပြည်နယ် ရွှေကူမြို့နယ် သာယာကုန်းကျေးရွာမှ လူသားဒိုင်းအသုံးပြုရန် စစ်ကောင်စီတပ် ဖမ်းဆီးခေါ်ဆောင်သွားသည့် အရပ်သားပြည်သူ ၅၀ ကျော်ခန့် ရိုက်နက်ခံရပြီး စက်တင်ဘာလ ၈ရက်နေ့ လွတ်မြောက်လာကြောင်း ဒေသခံများထံမှသိရသည်။

စက်တင်ဘာလ ၆ရက်နေ့ ဒေသခံပြည်သူ ၅၀ ကျော်ခန့်ကို စစ်ကောင်စီတပ်၏ စစ်ကြောင်းထဲ ဖမ်းဆီးခေါ်ဆောင်သွားခဲ့ပြီး ၃ရက်ခန့်အကြာမှ  ပြန်လည်လွတ်လာခဲ့ရာတွင် တစ်ချို့မှာ ပြင်းထန်စွာ ရိုက်နက်ခံရသူများပါရှိသည်ဟု လုံခြုံရေးအရ အမည်မဖော်လိုသူ ဒေသခံ အမျိုးသားတစ်ဦးက KNG ကိုပြောသည်။

သူတို့ကို ဖမ်းသွားတဲ့အချိန်မှာ စစ်သားတွေက အိမ်မီးရှို့တာတွေလုပ်တယ်။ အိမ်တွေမီးလောင်တော့ နောက်ပြန်လှည့်ကြည့်တဲ့အခါမှာ စစ်သားတွေက သူတိုပရဲ့ စစ်ဖိနပ်တွေနဲ့ မျက်နှာတွေမှာ ကန်ပေးတယ်တဲ့။ တစ်ချို့က မျက်ကွင်းတွေညိုနေတာ။ တစ်ချို့က နှိပ်စက်ခံရလို့ ဒဏ်ရာရတဲ့သူတွေလည်းပါတယ်ဟုပြောသည်။

ဖမ်ဆီးခံရသည့် ၅၀ ကျော်အနက်တွင် စစ်ကောင်စီတပ်သားများ ရိုက်နက်မှုကြောင့် ၆ဦးခန့်က ဒဏ်ရာပြင်းထန်စွာဖြင့် လွတ်မြောက်လာသည်ဟုသိရသည်။

စစ်ကောင်စီ စစ်ကြောင်းထဲ ဖမ်းဆီးခေါ်ဆောင်သွားသည့် ဒေသခံ ၅၀ ကျော်တွင် အမျိုးသမီးများလည်းပါဝင်ကြောင်းသိရသည်။

အဆိုပါ ဖမ်းဆီးခံရသူများသည် ကျေးရွာအနီးတဝိုက် ဟင်းသီးဟင်းရွက်လိုက်ရှာသူများ၊ လယ်လုပ်ကိုနေစဉ်အတွင်း စစ်ကြောင်းအတွင်းသို့ ဖမ်းဆီးခေါ်ဆောင်သွားခြင်းဖြစ်သည်။

စစ်ကောင်စီတပ်မှ ဖမ်းဆီးခေါ်ဆောင်သူများကို ၎င်းတို့၏ အထုပ်အပိုးများ ထမ်းခိုင်းခြင်း နှင့် စစ်ကြောင်းရှေ့တွင် သွားခိုင်းခြင်းများပြုလုပ်ခဲ့ပြီး ကျေက်ကြီးရွာအနီးတွင် ပြန်လည်လွတ်ပေးခဲ့သည်ဟု လွတ်မြောက်လာသူများနှင့်နီးစပ်သူ ဒေသခံများပြောဆိုချက်မှသိရသည်။

ထို့နောက် စစ်ကောင်စီတပ်သည် စစ်တင်ဘာ ၆ရက်နေ့ သာယာကုန်းကျေးရွာအတွင်းသို့ ဝင်ရောက်လာချိန် လူနေအိမ် ၃လုံးကိုလည်း မီးရှို့ဖျက်ဆီးသွားခဲ့သည်ဟုလည်း ဆက်သိရသည်။

သာယာကုန်းကျေးရွာသည် အိမ်ခြေ ၂၀၀ ဝန်းကျင်ဖြင့် ရွှေကူမြို့မှ ၇မိုင်ခန့်အကွာ ဧရာဝတီမြစ်ကမ်းအနီးတွင် တည်ရှိသော ကျေးရွာတစ်ခုလည်းဖြစ်ပါသည်။

Read Previous

ချီဖွေဘက်သို့ စစ်ရိက္ခာတင်ဆောင်လာသည့် စစ်ကောင်စီ စစ်ကား ၄စီးတိုက်ခိုက်ခံရ

Read Next

နောင်မွန်တွင် ရေကြီးရေလျှံဖြစ်မှုကြောင့် ပျက်ဆီးသွားသည့် လယ်ယာမြေတစ်ချို့ကို မြေစာရင်းမှ ပယ်ဖျက်