,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

နန်းမား PDF ခေါင်းဆောင်ဟုစွပ်စွဲခံရသူ၏ နေအိမ်ကိုစစ်ကောင်စီက ဘတ်ဖိုးဖြင့်ဖြိုချဖျက်ဆီး

နန်းမားကျေးရွာအဝင် မြင်ကွင်း

ကချင်ပြည်နယ် မိုးညှင်းမြို့နယ် နန်းမားမြို့တွင် PDF ခေါင်းဆောင်ဟုစွပ်စွဲခံရသူ၏ နေအိမ်ကို စစ်ကောင်စီ တပ်သားများနှင့် ရဲ တပ်ဖွဲ့မှ ဘတ်ဖိုးတစ်စီးဖြင့် ဖြိုချဖျက်ဆီးလိုက်ကြောင်း ဒေသခံများထံမှ သိရသည်။

နန်းမားမြို့ မြို့မရပ်ကွက် ကားလမ်းမကြီးဘေးတွင်ရှိသည့် ဘကြီးမုံ() ဦးသန်းစိုး အသက် ၃၀ ကျော်၏ နေအိမ်ကို စက်တင်ဘာ ၂၈ ရက်နေ့ ည ၃နာရီခွဲအချိန်ခန့်တွင် စစ်ကောင်စီဘက်မှ ဖြိုချဖျက်ဆီးလိုက်ကြောင်း နန်းမား မြို့မရပ်ကွက်မှ အမျိုးသားတစ်ဦးက KNG ကို အတည်ပြုပြောဆိုသည်။

ဘာလို့ဖြိုချလိုက်တာလဲဆိုတော့ သူ့ကိုနန်းမား PDF ခေါင်းဆောင်ဟုတ်တယ်ဆိုပြီးမှတဲ့ လာဖြိုသွားတာ အိမ်ကတော့ တိုက်ပုပေါ့ ရှေ့မှာခေါက်ဆွဲရောင်းတယ်နောက်ဖေးမှာလူနေတယ် အားလုံးဖြိုသွားတာ အဲ့အိမ်မှာက ဘကြီးမုံရဲ့ယ္ခောမတွေနေတာ ခုတော့အမျိုးတွေအိမ်မှာပြောင်းထားတယ်။ အိမ်မှာရှိနေတဲ့သူ့ဆွေမျိုးတွေတူမတွေဖမ်းတာဆီးတာတော့မရှိဘူး ဟု ပြောသည်။

ဘကြီးမုံ() ဦးသန်းစိုးကို နန်းမားစစ်ကောင်စီ တပ်မှ PDF ခေါင်းဆောင်ဟု စွပ်စွဲနေသည်မှာ လွန်ခဲ့သည့် ၂၀၂၁ ခုနှစ်ကတည်းက ဖြစ်သည်။

သူ့ကိုအရင်ကလည်းတစ်ခါလာဝိုင်းသေးတယ် ဖမ်းဖို့ဆိုပြီး အဲ့ချိန်သူကလွတ်သွားတာ အဲ့ကတည်းက သူကတိမ်းရှောင်နေတာ ခုထိပြန်မလာသေးဘူး သူ့ကိုမဖမ်းမိတော့သူ့အိမ်ကိုခုလိုဖျက်ဆီးလိုက်တာပဲ” ဟု နန်းမားဒေသခံတစ်ဦးက ပြောသည်။

ဘကြီးမုံ() ဦးသန်းစိုးသည် PDF ခေါင်းဆောင်ဟုတ်မဟုတ်ကို အတိအကျ မသိကြောင်း ဒေသခံများ ပြောသည်။

နန်းမားမြို့တွင် စက်တင်ဘာလ ၂၆ ရက်နေ့ညကလည်း နန်းခန်းရပ်ကွက်နေ ဦးတင်ဌေးနှင့် ဒေါ်နေကြည်လင်မယားနှစ်ဦးကို အမည်မသိလူတစ်စုက လာရောက်ဖမ်းဆီးခေါ်ဆောင်သွားပြီး အမျိူးသားဖြစ်သူ ဦးတင်ဌေးမှာသတ်ဖြတ်ခံရ၍ ဒေါ်နေကြည်မှာ အဆက်အသွယ်ပြတ်နေဆဲ ဖြစ်ကြောင်းသိရသည်။

Read Previous

ဖားကန့်တွင် ဖယောင်တိုင်မီးမှတဆင့် ၂ထပ်တိုက် ၄လုံး မီးလောင်ပျက်စီး

Read Next

Telegram မှာ သတင်းအမှားဘယ်သူတွေ ဖြန့်နေတာလဲ