,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ပူတာအိုမြို့နယ်တွင် ဘေချီဥရှာရင်းပြုတ်ကျသေဆုံးသူ ၇ဦးခန့်ရှိလာ

ဘေချီဥ ရှာဖွေရန် တောင်တက်နေသည့် ပြည်သူတစ်ဦးမြင်ကွင် Photo – Montam LW

ကချင်ပြည်နယ် ပူတာအိုမြို့နယ် ရေခဲတောင်ပေါ်တွင် ပေါက်ရောက်တတ်သော ဘေချီဥရှာဖွေရင်း ပြုတ်ကျသေဆုံးသူ တစ်နှစ်အတွင်း ၇ ဦးခန့်ရှိလာပြီဟု သိရသည်။

စက်တင်ဘာလ ပြုတ်ကျသေဆုံးခဲ့သူများသည် ပူတာအိုမြို့နယ် ဂျူဗလီကျေးရွာ၊ မလိခွမ်ကျေးရွာ၊ ခေါင်လန်ဖူးမြို့နယ် ဆန်ဒမ်းကျေးရွာများမှ ဒေသခံများဖြစ်ကြပြီး ကိုယ်ဝန်ဆောင်အမျိုးသမီးတစ်ဦးလည်းပါဝင်သည်ဟု သိရသည်။

ဆေးမြစ်ရှာရဖို့အတွက် အလုအယက်လုပ်နေကြတာပါ နှစ်စဥ်သေဆုံးသူကအတော်လေးများပါတယ်။ ဒီနှစ်ဘေဥချီဥထွက်ချိန်မှာပဲကျနော်တို့သိ‌သလောက် သေဆုံးတာကို၇ယောက်လောက်ရှိပြီ။ ကျနော်တို့မသိပဲသေဆုံးတာပဲ ဘယ်လောက်ရှိပြီလဲမသိဘူး” ဟု ဒေသခံတစ်ဦးက KNG သို့ ပြောသည်။

ဘေချီဥသည် ပင်လယ်ရေမျက်နှာပြင် ၆၀၀၀ ကျော်အထက် ကျောက်တောင်များအကြားတွင် သြဂုတ်လမှ နိုဝင်ဘာလလောက်အထိ သူ့ရာသီချိန်အတွင်းသာ ပေါက်ရောက်တတ်သည့် သစ်ဥတစ်မျိုးဖြစ်သည်ဟု သိရသည်။

ဘေချီဥက ၉လကုန်၁၀လဆန်းလောက်မှာတူးရတာဖြစ်တယ် ဘာလို့ဆိုအဲ့ဒီလအတွင်းမှာပဲ ဘေချီဥကစမှည့်တယ် အသားတွေပြည့်မယ် အဲ့လိုကို ဒါပေမဲ့ လူတွေကတော့ အသားပြည့်တဲ့အချိန်မှည့်တဲ့အချိန်လောက်ထိဘယ်သူမှမစောင့်ဘူး မမှည့်ခင်ကတည်းကကို အလုအယက်လုပ်ကြတာပေါ့” ဟု ဒေသခံတစ်ဦးက ဆိုသည်။

ဘေချီဥကို အစာအိမ်အတွက်ဆေးဖော်ရာတွင်အသုံးပြုပြီး ပူတာအိုမြို့တွင်

ဘေချီအခြောက်တစ်ပိဿာကို ကာလပေါက်စျေးကိုးသိန်းခန့်ရှိကာ ဘေချီဥကို တရုတ်ပြည်ကအဓိကဝယ်ယူသည်ဟု သိရသည်။

ထို့အပြင် ပြီးခဲ့သည့် ၂၀၂၁ ခုနှစ် ဘေချီဥရှာရင်း ပြုတ်ကျသေဆုံးသူ ၂၀ခန့်ရှိခဲ့ကြောင်း ဒေသခံများ ပြောသည်။

ပူတာအိုဒေသတွင် အာဏာသိမ်းပြီးနောက်ပိုင်း ဒေသခံများအနေဖြင့် အလုပ်အကိုင်အခွင့်အလမ်းရှားပါးမူများကြောင့် သြဂုတ်လ မှ နိုဝင်ဘာလလောက်ထိ စျေးကောင်းရသောဘေချီဥကို အသက်စွန့်ရှာဖွေနေကြသည်ဟု ဒေသခံများ ပြောပါသည်။

Read Previous

ကုန်ဈေးနူန်း မြင့်တက်မှုကြောင့် နယ်စပ်ဒေသရောက် အိမ်ထောင်ရှင်အမျိုးသမီးတွေရဲ့ နေ့စဉ် ဒုက္ခ

Read Next

စစ်ကြောင်း ထွက်ခွာသွားသည့်အတွက် မိုးစစ် စစ်ရှောင်အများပိုင်း နေရပ်ပြန်