,

Breaking News :

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

သတင်းထောက် နောင်ရိုး အပါအဝင် နိုင်ငံရေးလှုပ်ရှားသူ ၁၂ ဦး လွတ်မြောက်လာ

အကျဉ်းထောင်မှ လွတ်မြောက်လာသည့် သတင်းထောက် ကိုနောင်ရိုး

အာဏာသိမ်းစစ်တပ် မတရားဖမ်းဆီးခဲ့သော ဖားကန့်မြို့ အခြေစိုက် သတင်းထောက် ကိုနောင်ရိုးအပါဝင် နိုင်ငံရေးလှုပ်ရှားမှုကြောင့် ဖမ်းဆီးခံခဲ့ရသူ ၁၂ ဦး ယနေ့နံနက်ပိုင်း ၈ နာရီဝန်းကျင်တွင် ဖားကန့် လုံးခင်းအုပ်စု မဇွပ်ယာန်အကျဉ်းထောင်မှ လွတ်မြောက်လာပြီဖြစ်ကြောင်း သိရသည်။

ယနေ့ လွတ်မြောက်လာသည့် ၁၂ ဦးသည် ရာဇသတ်ကြီး ပုဒ်မ ၅၀၅(က)ဖြင့် တရားစွဲဆို ဖမ်းဆီးခံရသူများဖြစ်ကြပြီး ပြစ်ဒဏ်ကာလရက်ပြည့်သဖြင့် လွတ်မြောက်လာခြင်းဖြစ်သည်ဟု လွတ်မြောက်လာသူ ကိုနောင်ရိုးက KNG ကိုပြောသည်။

ကျနော်အပါ အားလုံး ၅၀၅(က)တွေကြီးပဲ လွတ်လာတယ်။ အမျိုးသား ၁၁ ယောက် အမျိုးသမီး ၁ ယေက်ပါ။ ကျနော်တို့ အားလုံးက ပြစ်ဒဏ်ကာလ တစ်ခွဲစီချမှတ်ခံရတဲ့သူတွေဟုတ်တယ်။ အခုလွတ်လာမြောက်လာတာလည်း ပြစ်ဒဏ်ကာလ ရပ်စေ့ပြီး လွတ်လာကြတာပါ” ဟု ပြောဆိုသည်။

လက်ရှိ ဖားကန့်အကျဉ်းထောင်တွင် ပုဒ်မ ၅၀၅(က)ဖြင့် တရားစွဲဆို ဖမ်းဆီးခံထားရသည့် သူများကိုလည်း အမြန်ဆုံး လွတ်မြောက်ပေးရန် သတင်းထောက်ကို နောင်ရိုးက တောင်းဆိုသည်။

ယနေ့ အကျဉ်းထောင်မှ လွတ်မြောက်လာသည့် ၁၂ ဦးမှာ ကိုနောက်ရိုးအပါအဝင် မမုံကျေးရွာတွင် ညလုံခြုံရေးဂိတ်ထားရှိမှုကြောင့် ဖမ်းဆီးခံရသည့် အမျိုးသား ၁၀ ဦး၊ လုံးခင်းရွာမှ ရာစုသစ် လက်ဖက်ရည်ဆိုင်မှ အမျိုးသမီးတစ်ဦး တို့ဖြစ်ကြသည်။

လွတ်မြောက်လာသည့် ၁၂ ဦးကို အမှုစစ်ဆေးသည့် ၁နှစ်ခန့်အကြာ ဖားကန့်အချုပ်ထဲတွင် ထားရှိပြီး ယခုနှစ် မတ်လတွင် ပြစ်ဒဏ်ကာလ တစ်နှစ်ခွဲချမှတ်လိုက်သည့်နောက်ပိုင်း မဇွပ်ယာန် အကျဉ်းထောင်တွင် ၅လခန့် အကြာ အကျဉ်းကျခံရပြီး လွတ်မြောက်လာခြင်းဖြစ်သည်။

သတင်းထောက် ကိုနောင်ရိုးကို စစ်ကောင်စီမှ ၂၀၂၁ ခုနှစ် မတ်လ ၉ ရက်နေ့တွင် သတင်းသွားယူနေစဉ်တွင် ဖမ်းဆီးခဲ့ပြီးနောက် ပုဒ်မ ၅၀၅(က)ဖြင့် တရားစွဲဆိုသည့်အပြင် သူစီးနင်းသည့် ဆိုင်ကယ်သည် လိုင်စင်မဲ့ဖြစ်ကြောင်း ပုဒ်မ ၂ခုဖြင့် တရာစွဲဆိုခံခဲ့ရခြင်းဖြစ်သည်ဟု ဆိုသည်။

လက်ရှိ မဇွပ်ယာန်အကျဉ်းထောင်အတွင်း နိုင်ငံရေးလှုပ်ရှားမှုကြောင့် ဖမ်းဆီးခံရသူ ၂၀ ဦးခန့် ကျန်ရှိနေသေးပြီး ၎င်းတို့မှာ မကြာခင် လွတ်မြောက်လာဖွယ်ရှိသည်ဟု သိရသည်။

ပြီးခဲ့သော စက်တင်ဘာလ ၂၈ရက်နေ့တွင် ၃ဦး၊ ၃၀ ရက်နေ့တွင် ၈ဦး နှင့် ယနေ့ အောက်တိုဘာလ ၃ရက်နေ့တွင် ၁၂ ဦး လက်ရှိတွင် နိုင်ငံရေးလှုပ်ရှားမှုကြောင့် ဖမ်းဆီးခံရသည့် စုစုပေါင်း ၂၃ဦးလွတ်မြောက်လာပြီဖြစ်သည်။

Read Previous

ဟောင်ပါးရောက် ဆယ်ဇင်းစစ်ရှောင်များအတွက် စားနပ်ရိက္ခာ ကူညီမှုများ လိုအပ်နေ

Read Next

ကင်းလှည့်သော စစ်ကောင်စီတပ်မှ လူငယ်တစ်ဦးကို အကြောင်းမဲ့ ပစ်သတ်