,

Breaking News :

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူ၊ ဇော်ချောင်းကျေးရွာကို စစ်ကောင်စီက ဝင်ရောက်မီးရှို့သဖြင့် ပြည်သူ ၅ ထောင်ကျော် ထွက်ပြေးနေရ

ကန့်ဘလူ ဇော်ချောင်းကျေးရွာ ပြည်သူများ ထွက်ပြေးတိမ်းရှောင်နေ မြင်ကွင်း

ကန့်ဘလူမြို့နယ် ဇော်ချောင်းကျေးရွာ အရှေ့ဘက်ကို စစ်ကြောင်းထိုးနေသော စစ်ကောင်စီတပ်သည် နေအိမ်များ မီးရှို့နေသည့်အတွက် ဇော်ချောင်းကျေးရွာနှင့် အနီးပတ်ဝန်းကျင် ရွာ ၄ ရွာမှ ဒေသခံပြည်သူ ၅ထောင်ကျော် ဘေးလွှတ်ရာသို့ တိမ်းရှောင်နေရသည်ဟု သိရသည်။

ကိုးတောင်ဘို့နယ် အခြေစိုက် စစ်ကောင်စီတပ်သည် အောက်တိုဘာလ ၃ ရက်နေ့ အင်အား ၇ ၀ကျော်ဖြင့် ချပ်ကုန်းကျေးရွာတွင် ညအိပ်တပ်စွဲခဲ့ပြီး‌နောက် ယနေ့နံနက် ၆ နာရီဝန်းကျင်တွင် ဇော်ချောင်းကျေးရွာကို လက်နက်ကြီးလက်နက်ငယ်များဖြင့် ပစ်ခတ်ဝင်ရောက်ကာ မီးရှိုခဲ့သည်ဟု အမည်မဖော်လိုသူ ဒေသခံတစ်ဦးက KNG ကို ပြောသည်။

မနက်မလင်းခင်ကတည်းက စစ်ဘေးရှောင်လူဦးရေ ၅ ထောင်လောက်ကတော့ တိမ်းရှောင်နေရပါတယ်။ ဒီနေ့ မနက် ၆ နာရီမှာတော့ ဇော်ချောင်းကျေးရွာကို ဦးတည်ပြီး လက်နက်ကြီးလက်နက်ငယ်တွေနဲ့ပစ်ခတ်ပြီးဝင်လာတယ်။ ၈နာရီလောက်မှာ ဇော်ချောင်းကျေးရွာအရှေ့ဘက်ခြမ်းကိုစပြီးမီးရှို့တယ်။ ဘယ်နှစ်အိမ် မီးရှို့တယ်ဆိုတာအတည်မပြုနိုင်သေးပါဘူး။ ဒါပေမဲ့ မီးခိုးလုံးကြီးတွေကတော့ တော်တော်ကြီးကြီးကို နှစ်ကြိမ်တွေ့ရတဲ့အနေအထားပါ ဟု ဆိုသည်။

ထို့အပြင် နောက်ထပ် မည်သည့်ရွာကို ထပ်မံ မီးရှိုမည်ကို မသိရသောကြောင့် ဇော်ချောင်းကျေးရွာနှင့်အနီးတစ်ဝှိုက် ကျေးရွာများအနေဖြင့် သတိထားနေထိုင်သင့်သည်ဟု ဒေသခံကာကွယ်ရေးရဲဘော်တစ်ဦးက သုံးသပ်သည်။

ဇော်ချောင်းကျေးရွာကို စစ်ကောင်စီမှ မီးရှိုမှုမှာ သုံးကြိမ်မြောက်ရှိပြီဖြစ်ပြီး ပထမအကြိမ်မီးရှို့မူတွင် နေအိမ်တစ်လုံး၊ ဒုတိယအကြိမ်တွင် နေအိမ် ၉၀‌ကျော်မီးလောင်ဆုံးရှုံးခဲ့ရသည်ဟု သိရသည်။

ဇော်ချောင်းကျေးရွာသည် ကန့်ဘလူမြို့နယ် မြောက်ဘက်ခြမ်းတွင်တည်ရှိပြီး အိမ်ခြေ ၁၈၀ ခန့်ရှိသည်ဟု ဒေသခံများကဆိုသည်။

Read Previous

ပင်လည်ဘူးတိုက်ပွဲတွင် စစ်ကောင်စီဘက်မှ ၃ ဦးကျဆုံးကာ ဒေသခံကာကွယ်ရေးတပ်ဘက်က ၅ဦးဒဏ်ရာရရှိခဲ့

Read Next

ဖားကန့်တွင် ည ၈ နာရီနောက်ပိုင်း အပြင်ထွက်သူများကို ပစ်ခတ်ရန် ညွန်ကြားချက်ရရှိထားဟုဆို