,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ထီးချိုင့် ၂ ရက်သာတိုက်ပွဲတွင် ပြည်သူ့ကာကွယ်ရေးတပ်ဖွဲ့မှ တောင်ကုန်းတစ်ခု လက်လွှတ်လိုက်ရပြီး ထိခိုက်ကျဆုံးမှုရှိ

ထီးချိုင့် ဧရာဝတီမြစ်ကူးတံတား

ထီးချိုင့်မြို့တောင်ဘက် အလယ်တောရွာအနီး ၂ ရက်သာ တိုက်ပွဲတွင် ပြည်သူ့ကာကွယ်ရေးတပ် နေထိုင်သည့် တောင်ကုန်းတစ်ခု လက်လွှတ်လိုက်ရသည့်အပြင် ကာကွယ်ရေးတပ်ဖွဲ့မှ ၁ ဦး နှင့် အရပ်သား ၁ ဦး ကျဆုံးခဲ့သည်ဟု ‌ပြည်သူ့ကာကွယ်ရေးတပ်မှ သိရသည်။

အောက်တိုဘာလ ၁၆ ရက်နေ့မှစတင်ကာ စစ်အင်အား ၂၀၀ ခန့်ရှိသည့် စစ်ကောင်စီ စစ်‌ကြောင်းသည် ထီးချိုင့်မြို့တောင်ဘက်ရှိ အလယ်တော​ဘက်သို့ ခြေလျှင်စစ်​ကြောင်းထိုးလာစဥ် ပြည်သူ့ကာကွယ်ရေးတပ်များနှင့် တိုက်ပွဲပြင်းထန်ခဲ့ပြီးနောက် ဘုရားတောင်  စိုးမိုးတောင်ကုန်း) ကို လက်လွတ်ခဲ့ရသည်ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။

” အင်အားချင်းမမျှတော့ ကျွန်တော်တို့ဘက်က ဆုတ်ပေးလိုက်ရတယ်။ အခုစကစတွေ တောင်ကုန်းမှာ နေရာယူထားကြပြီ” ဟု တော်လှန်ရေးတပ်ဖွဲ့ဝင် တစ်ဦးက ပြောသည်။

တိုက်ပွဲတွင် ပြည်သူ့ကာကွယ်ရေးတပ်မှ ၁ ဦးကျဆုံးကာ ၁၅ ဦး ဒဏ်ရာရရှိခဲ့သည်။ ထို့အပြင် ပြည်သူ ၁ ဦးလည်း တိုက်ပွဲအတွင်း သေဆုံးခဲ့သည်။ စစ်ကောင်စီဘက် ထိခိုက်သေဆုံးမှုကိုမူ မသိနိုင်ကြောင်း သူက ဆက်ပြောသည်။

စစ်ကောင်စီတပ်သည် အောက်တိုဘာလဆန်းပိုင်းမှ စတင်ကာ ကသာတကြောတွင် စစ်အင်အား အလုံးအရင်း ဖြည့်တင်းလာပြီး‌ ထိုးစစ်ဆင်မှုများလည်း ဆက်တိုက်လုပ်ဆောင်လာကြောင်း သိရသည်။

အောက်တိုဘာ ၁၆ ရက် ညနေ ၄ နာရီဝန်းကျင်တွင်လည်း ထီးချို့မြို့ အလယ်တောရွာအနီး ပြည်သူ့ကာကွယ်ရေး တပ်ဖွဲ့များနှင့် စစ်ကောင်စီတပ်တို့ကြား တိုက်ပွဲတစ်ကြိမ်ဖြစ်ပွားခဲ့ပြီး ပြည်သူ့ကာကွယ်ရေးတပ်ဖွဲ့မှ ၄ ဦး ဒဏ်ရာရရှိခဲ့ကြောင်း သိရသည်။

ထို့နောက် အောက်တိုဘာလ ၁၇ ရက်နေ့ နံနက် ၆ နာရီဝန်းကျင်မှစကာ စစ်ရေးအရ အချက်ချာကျပြီး ပြည်သူ့ကာကွယ်ရေးတပ်များ နေရာယူထားသည့် ဘုရားတောင် (စိုးမိုးတောင်ကုန်း) နေရာကို စစ်တပ်မှ အင်အားအလုံးအရင်းဖြင့် စစ်ကြောင်းထိုး ဝင်ရောက်လာသည့်အတွက် နှစ်ဖက် တိုက်ပွဲ ပြင်းထန်ခဲ့ကြောင်း သိရသည်။

စစ်ကောင်စီတပ်သည် ပြီးခဲ့သည့် စက်တင်ဘာလကုန်ပိုင်းမှ စကာ စစ်ကိုင်း-ကချင် အစပ်ဒေသများဖြစ်ကြသော ကသာ၊ ထီးချိုင့်၊ အင်းတော်တစ်လျှောက် လေကြောင်းအသုံးပြုပြီး တိုက်ခိုက်မှုများ ပြုလုပ်ခဲ့သည်။

Read Previous

ဖားကန့်တွင် ပစ်သတ်ခံလိုက်ရသည့် အခွန် ဒုဦးစီးမှုး၏ ရုပ်အလောင်းတွေ့ရှိ

Read Next

ကျောက်စိမ်းလုပ်ကွက်ထဲ စစ်ကောင်စီ ဝင်စီးစဉ်ဖမ်းခံလိုက်ရသည့် ပြည်သူ ၂၀ ကျော်ပြန်မလွတ်သေး