,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ဖားကန့်တွင် ပစ်သတ်ခံလိုက်ရသည့် အခွန် ဒုဦးစီးမှုး၏ ရုပ်အလောင်းတွေ့ရှိ

ဖားကန့်မြို့တွင်းပုံ

ကချင်ပြည်နယ် ဖားကန့်မြို့နယ် အခွန်ဦးစီးဌာနမှ ဒုဦးစီးမှူး နှင့် စသုံးလုံးမှ အရာရှိတစ်ဦးတို့  ပစ်သတ်ခံရမှုတွင် အခွန် ဒုဦးစီးမှူး၏ ရုပ်အလောင်းကို အောက်တိုဘာလ ၁၆ ရက်နေ့ တွေ့ရှိခဲ့သည်ဟု ဒေသခံများပြောသည်။

အောက်တိုဘာလ ၁၄ ရက်နေ့ ၄နာရီအချိန်တွင် အခွန် ဒုဦးစီးမှူးနှင့် စသုံးလုံး အရာရှိ ၂ဦးသည် ဖားပြင်ကျေးရွာ အနှိပ်ခန်းတစ်ခုအတွင်း ရှိနေစဉ် အမည်မသိအဖွဲ့အစည်းတစ်ခုက လာရောက်ဖမ်းဆီးခေါ်ဆောင်သွားပြီး ဆန်ခါအုပ်စု ဆွတ်အောင်ရွာအရောက်တွင် ပစ်သတ်လိုက်သည်ဟုသိရသော်လည်း ဒုအခွန်ဦးစီးမှူး၏ ရုပ်အလောင်းသာတွေ့ရှိရကြောင်း ဖားကန့်ဒေသခံတစ်ဦး KNG ကိုပြောသည်။

သူတို့ ၂ယောက်စလုံးကို ဖားပြင်အနှိပ်ခန်းကနေ ခေါ်သွားပြီးတော့ ဆန်ခါအတက် ဆွတ်အောင်ရွာအရောက်မှာ ပစ်သတ်လိုက်တယ်။ ဒါပေမယ့် စသုံးလုံးအရာရှိတစ်ယောက်က မသေဘူးလို့ပြန်သိရတယ်။ သူတို့က ၂ယောက်စလုံးကိုသေပြီ ဆိုပြီး အလောင်းကို အဲ့နေရာမှာပဲ ပစ်ထားခဲ့တာ။ ဒေသခံတွေပြန်တွေ့တဲ့အခါမှာ အလောင်းက တစ်ခုထဲပဲပြန်တွေ့ကြတယ်။ အဲ့တစ်လောင်းက အခွန် ဦးစီးမှူးရဲ့ အလောင်းဖြစ်နေတယ်ဟုပြောဆိုသည်။

လက်ရှိတွင် သေဆုံးမှုမရှိဘဲ လွတ်မြောက်နေသည့် စသုံးလုံးမှ အရာရှိမှာ မည်သည့်နေရာတွင် ဆေးကုသမှုခံယူနေရသည်ကို အသေးစိတ်မသိရသေးကြောင်း သူကဆက်ဆိုသည်။

မသေပဲ လွတ်သွားတဲ့ သူကို ဆေးရုံတွေမှာ လိုက်စုံစမ်းကြည့်တာမရှိဘူး လုံခြုံတဲ့နေရာ ဗျူဟာတို့မှာပဲ ဆေးကုပေးနေတယ်လို့ထင်ကြတယ်။ သူတို့ ၂ယောက်ရဲ့ နာမည်ကတော့ သေချာမသိရသေးဘူး။ သေဆုံးသွားတဲ့ အခွန် ဦးစီးမှူးကတော့ မိုးကောင်းဘက်က ပြောင်းလာတာ ဟုတ်တယ်ဟုဆိုသည်။

ဖားကန့်မြို့နယ်တွင် ယခုနှောက်ပိုင်း စစ်ကောင်စီရဲများ ဖမ်းဆီး ပစ်သတ်ခံရမှု ပိုမိုများပြားလာသည်နှင့်အမျှ စစ်ကောင်စီစစ်သားများနှင့် ရဲဘက်မှလည်း အရပ်ဝတ်များဖြင့် ပြည်သူများကြား သွားလာလှုပ်ရှားမှုများ လုပ်ဆောင်နေကြောင်း ဒေသခံများပြောဆိုချက်မှသိရသည်။

Read Previous

မန်တုံတွင် စစ်ကောင်စီ နှင့် KIA တိုက်ပွဲဆက်လက်ဖြစ်ပွား

Read Next

ထီးချိုင့် ၂ ရက်သာတိုက်ပွဲတွင် ပြည်သူ့ကာကွယ်ရေးတပ်ဖွဲ့မှ တောင်ကုန်းတစ်ခု လက်လွှတ်လိုက်ရပြီး ထိခိုက်ကျဆုံးမှုရှိ