,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

ဗုံးကျဲတိုက်ခိုက်ခံရမှုကြောင့် ဒဏ်ရာရပြည်သူ ၁၀၀ ကျော်ကို ဆေးကုခွင့်မရအောင် စစ်တပ်က တားမြစ်ထား

ဖားကန့် ကံဆီးတံတား

ဖားကန့်မြို့နယ် KIA တပ်မဟာ ၉ နယ်မြေတွင် ယမန်နေ့ည လေယာဉ်ဖြင့် ဗုံးကျဲတိုက်ခိုက်ခံရမှုကြောင့် ထိခိုက်ဒဏ်ရာရှိထားသော ပြည်သူ ၁၀၀ ကျော်ကို ဆေးကုသခွင့်မရအောင် Ginsi ကျေးရွာ အထွက်ဂိတ်တွင် စစ်ကောင်စီက တားမြစ်းထားကြောင်း သိရသည်။

အောက်တိုဘာ ၂၃ ရက်နေ့က KIA တပ်မဟာ ၉ နယ်မြေ အနန့်ပါတွင် တံတားဦးဘက်မှ ဂျက်ဖိုက်တာ ၃ စီးတက်လာပြီး ဗုံးကျဲတိုက်ခိုက်ခဲ့ရာ ဒဏ်ရာရပြည်သူများကို ဖားကန့်၊ မြစ်ကြီးနား စသည့်ဆေးရုံကြီးများသို့ ပို့ဆောင်ကာ ဆေးကုသခွင့်ပေးချင်သော်လည်း စစ်ကောင်စီက ကံဆီးတွင် တားမြစ်ထားကြောင်း ဆေးကုသခွင့်ပေးနိုင်ရေး ဆောင်ရွက်ပေးနေသည့် အမျိုးသားတစ်ဦးက KNG ကိုပြောသည်။

လူနာတွေကထုတ်လို့မရသေးဘူးဖြစ်နေတယ် ဒီဘက်က လူမှုကူညီရေးနာရေးအသင်းတွေလည်းမနက်ကသွားညှိနှိုင်းကြတယ်။ သွားထုတ်ဖို့တာပေမယ့် ပေးမဝင်ခိုင်းဘူး။ ခုနပဲရမလားဆိုပြီး လူနာတင်ယာဥ်တွေသွားလိုက်တာ ကံစည်းကနေအားလုံးပြန်ခေါက်လာကြတယ်။ တကယ့်လို့ခွင့်ပြုခဲ့ရင်သွားဖို့ဆိုပြီး လူမူကုညီရေးအသင်းတွေကတော့အသင့်စောင့်နေကြတယ်” ဟု ယနေ့ မွန်းလွဲ ၁ နာရီခွဲခန့်တွင် ပြောသည်။

လက်ရှိတွင် ကံစည်းဂိတ်၌ လူနာများကိုထွက်လာခွင့်မပေးပဲပိတ်ထားသည့်အပြင် ဖားကန့်ဘက်မှလည်း တပ်မဟာ ၉ နယ်မြေထဲသို့ ပရဟိတ ဆရာဝန်များ၊ ဆေးဝါးများ ဝင်ရောက်ခွင့်မပေးပဲ ပိတ်ပင်ထားကြောင်းသိရသည်။

လူမှုကူညီရေးကားများ၊ ပရဟိတဆရာဝန်များသည် လက်ရှိအချိန်၌ ဖားကန့်မြို့အထွက်တွင်သာ အသင့်စောင့်ဆိုင်းနေကြောင်း သိရသည်။

အခုလောလောဆယ်ထိတော့ညှိနှိုင်းနေတုန်းပဲ ရမရ မသိသေးဘူး။ ဒီက ဖားကန့်မြို့နယ်လုံးဆိုင်ရာ  KBC  RC သင်းအုပ်ဆရာကြီးတွေကတော့သွားညှိနှိုင်းနေတယ် ရရင်တော့ကားတွေကထွက်ဖို့အသင့်ပဲ” ဟု ဖားကန့်ဒေသခံ အမျိုးသားတစ်ဦးက ပြောသည်။

လက်ရှိအချိန်တွင် စစ်ကောင်စီတပ်က ဆန်းကြွယ်တံတား၊ ပန်းတင်တံတားထိပ်များတွင် အသွားအလာများကိုစစ်ဆေးနေပြီး စစ်အင်အားလည်းဖြည့်တင်နေကြောင်းသိရသည်။

Read Previous

မိုးမောက်တွင် တပ်ရင်းမှုး မိုင်းနင်းမိသေဆုံးသဖြင့် ၃ ရက်ဆက်တိုက် လေယာဉ်ဖြင့် ဗုံးကျဲ တိုက်ခိုက်နေ

Read Next

ဖားကန့်တွင် ဒဏ်ရာပြင်းထန်ရရှိသူများ ကယ်ဆယ်ခွင့်ပိတ်ဆို့ခံထားရဆဲ၊ သေဆုံးသူ ရုပ်အလောင်းများ ၈၀ ကျော်အထိတွေ့ရှိ