,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ဖားကန့် နယ်အစပ်ရှိ ညောင်ထောက်ကုန်းတွင် တိုက်ပွဲပြင်းထန်ခဲ့ပြီး စစ်ကောင်စီဘက်ထိခိုက်သေဆုံးမှုများပြား

မိုးညှင်းမြို့နယ်မှ KIA စစ်သားများ

မိုးညှင်း နှင့် ဖားကန့် မြို့နယ် ၂ခုစပ်ကြားတွင်ရှိ ညောင်ထောက်ကုန်းအနီးတဝိုက်တွင် ယနေ့ မွန်းလွှဲ ၁ နာရီဝန်းကျင်ခန့်က စ်ကောင်စီတပ်နှင့် KIA PDF တို့ကြား ထိတွေ့တိုက်ပွဲဖြစ်ပွားခဲ့ပြီး စစ်ကောင်စီဘက်မှ ၂၀ ဦးထက်မနည်းထိခိုက်သေဆုံးမှုရှိခဲ့ကြောင်း သိရသည်။

စစ်အင်အား ၁၀၀ ကျော်ခန့်ပါရှိသည့် စစ်ကောင်စီ စစ်ကြောင်းသည် အင်းတော်ဘက်မှ ဖားကန့်ဝှေခါဘက်သို့ တက်လာခဲ့ရာတွင် KIA နှင့် PDF အဖွဲ့ တို့ ကြားဖြတ်တိုက်ခိုက်ခဲ့သောကြောင့် ၃ နာရီခန့်အကြာ တိုက်ပွဲဖြစ်ပွားခဲ့သည်ဟု  KIA ရှေ့တန်း သတင်းအရင်းအမြစ်တစ်ဦးက KNG သတင်းဌာနကိုပြောဆိုသည်။

ဒီကနေ့ ၁ နာရီလောက်ကနေ တိုက်ပွဲဖြစ်ကြတယ် ၃နာရီလောက်အထိပစ်ကြတာ။ အခုက ဗမာစစ်သားတွေဘက်က နောက်ဆုတ်ထားလို့ ခဏပြန်ငြိမ်နေတယ်။ စစ်သားတွေက KIA တပ်စခန်းရှိတဲ့ ဘက်ကိုတက်လာတာ ကြားဖြတ်တိုက်ခိုက်ခံရတာဟုတ်တယ်။ သိရသလောက်က ဗမာစစ်သားဘက်က ထိခိုက်မှုများတယ်လို့ပြောလာတယ်ဟုပြောဆိုသည်။

တိုက်ပွဲဖြစ်ပွားသည့် နေရာတွင် ၂ ဖက်တပ် ၃ နာရီဝန်းကျင်အကြာ အပြန်အလှန် ပစ်ခတ်မှုဖြစ်ပွားခဲ့ပြီးနောက် စစ်ကောင်စီဘက်မှ ထိခိုက်မှုရှိသည့်အတွက် ဆုတ်ခွာသွားကြောင်းသိရသည်။

လက်ရှိတိုက်ပွဲဖြစ်ပွားနေသည့်နေရာသည် KIA တပ်မဟာ ၉ နယ်မြေ တပ်ရင်း ၂၆ နှင့် တပ်ရင်း ၆ နယ်မြေဖြစ်ပြီး တိုက်ခိုက်ခံရသည့် စစ်ကောင်စီအဖွဲ့သည် တပ်မ ၁၁ လက်အောက်ခံ ခလရ ၄၂ အဖွဲ့တို့ဖြစ်ကြောင်းသိရသည်။

တိုက်ပွဲဖြစ်ပွားမှုတွင် စစ်ကောင်စီဘက်မှ ထိခိုက်သေဆုံးမှုရှိသည့်အတွက် ၂ ဖက်တပ်စောင့်ကြည့်နေသည့် အနေအထားတွင်ရှိနေပြီး ဆက်လက်တိုက်ပွားနိုင်ကြောင်း သတင်းအရင်းအမြစ်ကပြောသည်။

ထို့နောက် KIA တပ်ရင်း ၂၆ နေရာဟောင်းဖြစ်သည့် သုန်ပျဉ်ကျေးရွာ ဘက်တွင်လည်း ယနေ့နံနက်ပိုင်း ၁ နာရီဝန်းကျင်ခန့်တွင် စစ်ကောင်စီတပ်မှ ဂျက်လေယာဉ် ၂ စီးဖြင့် လာရောက်ဗုံးကျဲတိုက်ခိုက်ခဲ့ကြောင်း သိရသည်။

ထိုနေရာတွင် လေကြောင်းလိုင်းဖြင့် ဗုံးကျဲတိုက်ခိုက်ခံရသော်လည်း ထိခိုက်မှုတစ်စုံတစ်ရာမျှမရှိခဲ့ကြောင်း KIA တပ်ရင်း ၂၆ နယ်မြေဘက်မှ KIA သတင်းအရင်းအမြစ်များထံမှ စုံစမ်းသိရှိရသည်။

Read Previous

မှော်မောင်းလျှံကျေးရွာအနီး အမျိုးသားတစ်ဦး ဓားဒဏ်ရာများဖြင့် သေဆုံးနေ

Read Next

အင်းတော် ၂ ရက်တာ တိုက်ပွဲအတွင်း စစ်ကောင်စီ စစ်သား ၂၀ ကျော်သေဆုံး