,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

ကောက်လှိုင်းပုံထဲတွင် စစ်ကောင်စီထောင်ထားသည့်မိုင်းပေါက်ကွဲ၍ စပါးချွေနေသည့်ပြည်သူတစ်ဦး မိုင်းစထိမှန်

အင်းတော်မြို့နယ် အလယ်ဆိပ် ကျေးရွာတွင်ကောက်လှိုင်းပုံထဲ မိုင်းပေါက်ကွဲမှုကြောင့် အမျိုးသားတစ်ဦး ထိမှန်

အင်းတော်မြို့နယ် အလယ်ဆိပ်ကျေးရွာတွင် စစ်ကောင်စီတပ်က ကောက်လှိုင်းပုံထဲ၌ မိုင်းတစ်လုံးထောင်ထားခဲ့ရာ ယင်းမိုင်းပေါက်ကွဲမှုကြောင့် စပါးချွေနေသည့် ဒေသခံတစ်ဦး မိုင်းစထိမှန်ခဲ့ကြောင်း သိရသည်။

ကချင်ပြည်နယ် နမ့်စီးအောင်ဘက်မှ ဝင်လာသည့် အင်အား ၁၀၀ ကျော်ပါ စစ်ကောင်စီ စစ်ကြောင်းသည် ဒီဇင်ဘာလ ၃၁ ရက်နေ့ နံနက်ပိုင်းက အင်းတော် တောင်ပိုင်းရှိ အလယ်ဆိပ်ကျေးရွာအတွင်းသို့ ဝင်ရောက်လာပြီး ဇန်နဝါရီလ ၁ ရက်နေ့ နံနက်ပိုင်း ကျေးရွာအတွင်းမှ ပြန်ထွက်စဥ် အလယ်ဆိပ်ဒေသခံတစ်ဦးရှိ လယ်ကွင်းအတွင်းက ကောက်လိုင်းပုံတစ်ခုထဲ၌ မိုင်းတစ်လုံး ထောင်ထားခဲ့ရာ ပေါက်ကွဲမှုကြောင့် ပြည်သူတစ်ဦးမိုင်းစ ထိမှန်ခဲ့ကြောင်း အင်းတော် PDF မှ တာဝန်ရှိသူတစ်ဦးက KNG ကို ပြောသည်။

”သူတို့အလယ်ဆိပ်ရွာက ကောက်လိုင်းပုံတွေကိုမီးရှို့တုန်းက အကုန်လုံးကိုမီးရှို့ပြီး အဲ့တစ်ပုံထဲကိုပဲကျန်ထားတာ အဲ့ကျန်ခဲ့တဲ့တစ်ပုံကိုရွာသားတွေမနေ့တုန်းက ဝင်ပြီးတော့စပါးချွေကြတာ အဲ့စပါးချွေနေတဲ့ချိန်ထပေါက်ကွဲတာ အဲ့မှာ လူတစ်ယောက်ကတော့ လွင့်ထွက်သွားတာပေါ့ အသက်ကတော့ မစိုးရိမ်ရဘူး ဒဏ်ရာတော့ရထားတယ်”ဟုပြောသည်။

ပေါက်ကွဲမှုသည် မွန်းလွဲ ၁ နာရီတွင်ဖြစ်ပွားခဲ့ပြီး အလယ်ဆိပ်ကျေးရွာမှ အသက် ၂၁ နှစ်အရွယ် အမျိုးသားတစ်ဦး မိုင်းစထိမှန်ပြီး စပါးချွေလှည့်စက်တစ်လုံး မီးလောင်ပျက်စီးသွားကြောင်းသိရသည်။

ယင်းစစ်ကြောင်းသည် လက်ရှိ သံဘိုကျေးရွာအတွင်း ဝင်ရောက်တပ်စွဲနေပြီး ဒေသခံအများပိုင်း ထွက်ပြေး တိမ်းရှောင် နေရကြောင်း အင်းတော် PDF မှ သိရသည်။

အဆိုပါ မိုင်းထောင်ခဲ့သည့် စစ်ကြောင်းသည် ဒီဇင်ဘာ ၂၇ ရက်နေ့ နံနက်ပိုင်းက အလယ်ဆိပ်ကျေးရွာနဲ့ မဲဇာကျေးရွာကြားတွင် KIA ၊ PDF တို့က ခြုံခိုတိုက်ခိုက်ခဲ့ရာစစ်သား ၂၀ နီးပါးသေဆုံးခဲ့ပြီး အထိနာခဲ့သောကြောင့် အလယ်ဆိပ်ရွာကို မြေပြင်ဖြင့်မီးရှို့ခြင်း၊ လေယာဥ်ဖြင့် ဗုံးကျဲတိုက်ခိုက်ခြင်းတို့ ပြုလုပ်ခဲ့သည်။

ကချင် စစ်ကိုင်း နယ်စပ် အင်းတော်မြို့နယ်တွင် ဒီဇင်ဘာလအတွင်း စစ်ကောင်စီ မှ မီးရှို့ဖျက်ဆီးခဲ့သည့် အိမ်ခြေ ၁၀၀ ကျော်အထိရှိလာပြီဟု ဒေသတွင်း သတင်းအရင်းမြစ် များထံမှ သိရသည်။

Read Previous

ဖားကန့်တွင် လူမဲ့သပိတ်ပြုလုပ်မှုအပြီး စစ်ကောင်စီက လက်နက်ကြီးများ ရမ်းသမ်းပစ်ခတ်

Read Next

စစ်ကောင်စီ ပစ်ခတ်သည့် လက်နက်ကြီးထိမှန်ခဲ့သူ ပြည်သူ ၇ ဦးအနက်တစ်ဦး သေဆုံး၊ ၆ ဦး ဆေးကုသခံယူနေရဆဲ