,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

စစ်ကောင်စီ ပစ်ခတ်သည့် လက်နက်ကြီးထိမှန်ခဲ့သူ ပြည်သူ ၇ ဦးအနက်တစ်ဦး သေဆုံး၊ ၆ ဦး ဆေးကုသခံယူနေရဆဲ

ဖားကန့်တွင် လက်နက်ကြီးထိမှန်မှုကြောင့် ပြည်သူ ၇ ဦးလက်နက်ကြီးထိမှန်

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု ဆန်ခါကျေးရွာတွင် စစ်ကောင်စီတပ် ရမ်းသမ်းပစ်ခတ်မှုကြောင့် ထိမှန်ခဲ့သည့် ပြည်သူ ၇ ဦးအနက်အနက် ၁ ဦး သေဆုံးသွားပြီး ကျန် ၆ ဦးမှာ ဒဏ်ရာများဖြင့်ဆေးကုသမှု ခံယူနေရဆဲဖြစ်ကြောင်း သိရသည်။

ဒီဇင်ဘာ ၃၀ ရက်နေ့ မွန်းလွဲ ၂ နာရီအချိန်တွင် မဇွပ်ယန်ထောင်မှ ပစ်ခတ်လိုက်သည့် လက်နက်ကြီး နှစ်လုံးသည် ဆန်ခါကျေးရွာအတွင်းသို့ ကျရောက်ပေါက်ကွဲခဲ့ပြီး အမျိုးသမီး ၄ ဦး၊ ကလေးငယ် ၂ ဦးနှင့်အမျိုးသားတစ်ဦးတို့ထိမှန်ခဲ့ပြီး ယင်းအနက် အသက် ၅၂ နှစ်အရွယ် ဦးကွန်ရန်ဂျာနော် မှာသေဆုံးသွားကြောင်း နီးစပ်သူတစ်ဦးက KNG ကို ပြောသည်။

ဆုံးသွားတာက တစ်ယောက်ပါပဲ ဦးကွန်ရန်ဂျာနော်ဟုတ်တယ်။ သူက ခေါင်းမှာထိတာ ဒဏ်ရာကပြင်းတော့ အဲ့နေ့ ညမှာပဲ ဆုံးသွားတယ် ကျန်တဲ့သူတွေကတော့ ဆေးကုသမှုခံယူနေတုန်း လုံခြုံတဲ့နေရာမှာ အရမ်းကြီးစိုးရိမ်ရမယ့်သူတော့ မရှိတော့ဘူး အဆင်ပြေအောင်တတ်နိုင်သလောက်ကုပေးနေပါတယ်ဟု နာရေးကူညီပေးနေသည့် အမျိုးသားတစ်ဦးက ပြောသည်။

လက်ရှိဆေးကုသမှု ခံယူနေဆဲ ၆ ဦးမှာ မလှဟန် အသက် ၂၈ နှစ်၊ မောင်မျိုးဂျတ်နော် အသက် ၁၃ နှစ်၊ မူကြိုဆရာမဒေါ်မဂျီခေါန် အသက် ၁၉ နှစ်၊ ဒေါ်ဘောက်ဂျာ အသက် ၄၀ နှစ်၊ မူကြိုဆရာမဒေါ်ဆိုင်းမိုင်နှင့် တူမဖြစ်သူ မထွယ်ဆန် အသက် ၅ နှစ်တို့ဖြစ်ကြောင်း သိရသည်။

စစ်ကောင်စီ ပစ်ခတ်လိုက်သည့် လက်နက်ကြီး ၂ လုံးအနက် ပထမဆုံးကျရောက်ပေါက်ကွဲသည့်တစ်လုံးသည် လူနေအိမ်အနီး ကျရောက်ခဲ့ရာ အမျိုးသမီးတစ်ဦးထိမှန်ခဲ့ပြီး ဒုတိယအကြိမ်ကျသည့်တစ်လုံးမှာ ဆန်ခါ ခရစ်ယာန်ဘုရားကျောင်းဝင်း၌ ပေါက်ကွဲသောကြောင့် ၆ ဦးအထိ ထိမှန်ခဲ့ကြောင်း သိရသည်။

စစ်ကောင်စီသည် မဇွပ်ယန်ထောင်မှ ဖားကန့်မြို့နယ်၏ အရပ်လေးမျက်နှာတွင် လက်နက် ကြီးများပစ်ခတ်မှုပုံမှန်ပြုလုပ်နေပြီး ဇန်နဝါရီလ ၁ ရက်နေ့တွင်လည်း မော်ဘုံနှင့် ဆန်ခါကျေးရွာအနီးသို့ လေးလုံး ထပ်မံပစ်ခတ်ခဲ့ရာ အများပြည်သူထိခိုက်မှုမရှိခဲ့ပေ။.

Read Previous

ကောက်လှိုင်းပုံထဲတွင် စစ်ကောင်စီထောင်ထားသည့်မိုင်းပေါက်ကွဲ၍ စပါးချွေနေသည့်ပြည်သူတစ်ဦး မိုင်းစထိမှန်

Read Next

အင်းတော်နယ်တွင် အသက် ၇၀ ကျော် အမျိုးသား ၄ ဦး ဖမ်းဆီးခံထားရ