တိုက်ပွဲ
-
သတင်း
ဗန်းမော်မှာ စစ်တပ်ဒရုန်း ၇ လုံး KIA ပစ်ချနိုင်ခဲ့ပြီး စကခ ၂၁ မှာ တိုက်ပွဲဆက်ဖြစ်နေ
နှစ်လအကြာ မြို့သိမ်းတိုက်ပွဲဖော်ဆောင်နေတဲ့ ဗန်းမော်တိုက်ပွဲမှာ ဗန်းမော်မြို့လက်မလွတ်ရေးအတွက် စစ်ကောင်စီတပ်ဘက်ကနေ အပြင်အထန်ခုခံတိုက်ခိုက်နေတဲ့ ဒရုန်း ၇ စီး ကို ကချင်လွတ်လပ်ရေးတပ်မတော် KIA ပစ်ချပေးလိုက်တယ်လို့ KIA ရှေ့တန်းသတင်းအရင်းအမြစ်တွေဆီကနေ သိရပါတယ်။ ဗန်းမော် စကခ (၂၁) တပ်ရင်းမှာ မတ်လ ၈ ရက်နေ့စပြီး စစ်ကောင်စီတပ်နဲ့ KIA နှစ်ဖက်တပ် တိုက်ပွဲပြင်းပြင်းထန်ထန် ဆက်လက်ဖြစ်ပွားနေပြီး ၁၀ ရက်နေ့ဖြစ်တဲ့ တိုက်ပွဲမှာ စစ်ကောင်စီတပ်ရဲ့ ဒရုန်းလက်နက်ကြီးတွေကို ပစ်ချပေးနိုင်ခဲ့တယ်လို့ KIA ရှေ့တန်းသတင်းအရင်းအမြစ်တွေဆီကနေ သိရပါတယ်။ “ဟုတ်ပါတယ်။ ၆ လုံးနဲ့ ၇ လုံးကြားမှာ ပစ်ချနိုင်ခဲ့တယ်။ ကျနော်တို့ တွေ့တာကတော့ ၆ လုံးရှိတယ်”လို့ KIA ရှေ့တန်းသတင်းအရင်းအမြစ်တစ်ဦးက KNG ကိုပြောပါတယ်။ မတ်လ ၁၀ ရက်နေ့မှာ ခုခံတိုက်ခိုက်နေတဲ့ စစ်ကောင်စီတပ်ရဲ့ဒရုန်းလက်နက်ကြီး ၇ စီးကို KIA ဘက်က ပစ်ချနိုင်ခဲ့တဲ့အတွက် စကခ (၂၁) တပ်ရင်းပတ်ပတ်လည်မှာ ဒီကနေ့ ၁၁ ရက်နေ့ အထိ နှစ်ဖက်တပ် တိုက်ပွဲပြင်းထန်နေဆဲဖြစ်တယ်လို့ သိရပါတယ်။ KIA ပူးပေါင်းတပ်တွေဟာ သံချပ်ကာတပ်၊ အမြောက်တပ် ၃၆၆ ၊ လေယာဉ်ကွင်းနေရာတွေကို ဇန်နဝါရီလကုန်ပိုင်းမှာ အပြီးသတ် သိမ်းပိုက်ထားပြီးတော့ လက်ရှိမှာ စကခ (၂၁) နေရာကို ထိုးစစ်ဆင်တိုက်ခိုက်နေတာဖြစ်ပါတယ်။ ဒါ့အပြင် KIA ဘက်ကနေ ဗန်းမော်တက္ကသိုလ်ဝင်းနေရာနဲ့ ခလရ ၄၇ တပ်ရင်းနေရာရှိတဲ့ လမ်းကြောင်းတွေလည်း ပိတ်ဆို့တိုက်ခိုက်နေတယ်လို့ ဆက်သိရပါတယ်။ လက်ရှိ ဗန်းမော်တိုက်ပွဲ ပြင်းထန်နေတဲ့အခြေအနေနဲ့ ပတ်သက်ပြီး KIO သတင်းနှင့်ပြန်ကြားရေးတာဝန်ခံ ဗိုလ်မှူးကြီးနော်ဘူက အခုလိုပြောပါတယ်။ “ဒရုန်း ၇ လုံးပစ်ချနိုင်တာနဲ့ သတင်းကအသေးစိတ်မသိရသေးပါဘူး။ စကခ ၂၁ နေရာမှာ ပြင်းပြင်းထန်ထန်ပြန်ဖြစ်နေတာက ၃ ရက်လောက်ရှိလာပြီ။ ခါတိုင်းထက်ပိုပြင်းထန် တယ်လို့တော့ပြောလို့ရပါတယ်”လို့ပြောပါတယ်။ စစ်ကောင်စီဘက်ကနေ တိုက်ပွဲဖြစ်နေတဲ့ ဗန်းမော်မှာ လေကြောင်းနဲ့ မရေတွက်နိုင်လောက်အောင် ဗုံးကြဲတိုက်ခိုက်နေတယ်လို့လည်း ဗိုလ်မှူးကြီးနော်ဘူပြောပါတယ်။ မတ်လ ၁၀ ရက်နေ့ စစ်ကောင်စီတပ်ရဲ့ ဒရုန်းပစ်ချနိုင်တာနဲ့ ပတ်သက်ပြီး စစ်တပ်ထောက်ခံတဲ့ Telegram Channal တွေမှာကတော့ ‘ရန်သူဘက်က မိမိတို့ရဲ့ ဒရုန်း ၉ ခုကို ပစ်ချပေးလိုက်တယ်။ ဒရုန်းတွေ အလုပ်မဖြစ်တော့ဘူး’လို့ ရေးသားဖော်ပြထားတာကိုလည်း မြင်တွေ့ရပါတယ်။ By – နော်ထွယ့်(ဟူးကောင့်)
Read More » -
-
ဆောင်းပါး
-
သတင်းဆောင်းပါး
တအောင်း(ပလောင်) နဲ့ အတူတကွ ယှဉ်တွဲနေထိုင်ရေးအတွက် သည်းခံဖို့လိုတယ်လို့ KIO ပြော
တအာင်း (ပလောင်) နဲ့ ကချင်မျိုးနွယ်စုဆိုတာ ရှေးယခင်က အတူယှဉ်တွဲနေထိုင်လာပြီးတော့ တော်လှန်ရေးခရီးကို အတူလက်တွဲ လုပ်ဆောင်ခဲ့ကြတာကြောင့် မျိုးနွယ်စုအချင်းချင်း ပဋိပက္ခတွေ ဒီထက် မကြီးထွားလာစေဖို့ သည်းခံခြင်းနဲ့ သွားရမယ်လို့ KIO ဘက်က ပြောဆိုပါတယ်။ ရှမ်းမြောက်၊ ကချင်ဆပ်စတိတ် ( Kachin Substate) မှာ ကချင်လွတ်လပ်ရေးတပ်မတော် KIA နဲ့…
Read More » -
-
လူ့အခွင့်အရေးချိုးဖောက်မှု
-
သတင်း
စစ်ကောင်စီရဲ့ လူ့အခွင့်အရေးချိုးဖောက်မှုတွေကြောင့် နိုင်ငံတစ်ဝှမ်း အမျိုးသမီး ၄၇၈ ဦး သေဆုံးခဲ့
မြန်မာနိုင်ငံတစ်ဝှမ်းမှာ စစ်ကောင်စီရဲ့ လူ့အခွင့်အရေးချိုးဖောက်မှုတွေကြောင့် ပြီးခဲ့တဲ့ ၂၀၂၄ ခုနှစ်အတွင်း အမျိုးသမီး ၄၇၈ ဦး သေဆုံးခဲ့ရတယ်လို့ မြန်မာ့အမျိုးသမီးသမဂ္ဂ BWU က ထုတ်ပြန်လိုက်ပါတယ်။ သေဆုံးမှုဖြစ်စဥ်တွေဟာ စစ်ကောင်စီဘက်က လေကြောင်းတိုက်ခိုက်မှု၊ လက်နက်ကြီးပစ်ခတ်မှုတွေ အပါအဝင် မတရား သတ်ဖြတ်တာ၊ မြေမြုပ်မိုင်း၊ လိင်ပိုင်းဆိုင်ရာအကြမ်းဖက်မှုတွေကြောင့် သေဆုံးခဲ့ကြရတာလို့…
Read More » -
-
-
-
သဘာဝပတ်ဝန်းကျင်
-
သတင်း
ဧရာဝတီမြစ်ကမ်း ရွှေတူးဖော်မှုကိုတားမြစ်ပေးဖို့ ပြည်နယ်ဝန်ကြီးချုပ်ထံစာတင်ပြတောင်းဆိုမှု အကြောင်းမပြန်
ကချင်ပြည်နယ် မြစ်ကြီးနားမြို့နယ် ဧရာ၀တီမြစ်ကမ်းဘေးတစ်လျှောက် ရွှေတူးဖော်မှုနဲ့သဲကျောက်ထုတ်ယူမှုတွေကို တားမြစ်ပေးဖို့ စစ်ကောင်စီခန့် ကချင်ပြည်နယ်ဝန်ကြီးချုပ်ထံ ဒေသခံတွေစာတင်ပြတောင်းဆိုထားပေမယ့် တစ်လခန့်ကြာလာတဲ့အထိ အကြောင်းပြန်ခြင်းမရှိသေးဘူးလို့ သိရပါတယ်။ တစ်နှစ်ပြီးတစ်နှစ်အထိန်းအကွပ်မရှိ ရွှေတူးဖော်မှုတွေကြောင့် ဧရာ၀တီမြစ်နဲ့သဘာ၀ပတ်ဝန်းကျင် ဆိုးရွားစွာပျက်စီးလာတဲ့အတွက် မြစ်ကမ်းနံဘေးနေထိုင်တဲ့ဒေသခံတွေအနေနဲ့ ပြီးခဲ့တဲ့ ဖေဖော်ဝါရီလ ၁၁ ရက်နေ့စစ်ကောင်စီခန့် ကချင်ပြည်နယ်ဝန်ကြီးချုပ် ဦးခက်ထိန်နန်အစိုးရအဖွဲ့ထံ စာတင်ပြတောင်းဆိုထားတယ်လို့ ဒေသခံတွေ ပြောပါတယ်။ “ဒီနေရာတွေမှာ အမြဲတမ်း စက်ယန္တရားကြီးတွေနဲ့ ရွှေမတူးဖော်ဖို့၊ စက်ယန္တရားကြီးတွေကို လုံး၀ အဝင်မခံဖို့။ အခုက သဲကျောက်ထုတ်တယ်ဆိုပြီး ရွှေပါတစ်ခါတည်း တူးဖော်နေရော။ ဒီလိုမျိုး သူတို့က ခွင့်ပြုချက်ရထားတယ်ဆိုပြီး အားလုံးပါမစ်လျှောက်ထားပြီးသားဆိုပြီး သဲကျောက်ကောက်တယ်ဆိုတဲ့ ခေါင်းစဉ်နဲ့ ရွှေတူးဖော်တာတွေ ဆိုးဆိုးရွားရွား လုပ်လာတယ်။ ဒါကြောင့် အခုဒေသခံတွေလိုချင်တာက ဘယ်အချိန်ပဲဖြစ်ဖြစ် ဘယ်အစိုးရပဲတက်တက် ဒါတွေကိုတော့ လုံး၀ ရပ်နားလိုက်ဖို့ တောင်းဆိုတာဖြစ်တယ်”လို့ ဧရာ၀တီမြစ်အနီးနေထိုင်သူ ဒေသခံတစ်ဦးကပြောပါတယ်။ ဒါပေမဲ့ လက်ရှိချိန်ထိ ကချင်ပြည်နယ်ဝန်ကြီးချုပ်က ဒေသခံတွေရဲ့စာတင်ပြတောင်းဆိုမှုကို တစ်စုံတရာအကြောင်းပြန်ခြင်း မရှိသေးဘူးလို့ သိရပါတယ်။ ကချင်ပြည်နယ်ဝန်ကြီးချုပ်ကို တင်ပြတောင်းဆိုထားတဲ့စာမှာ အဓိကအားဖြင့် မြစ်ကြီးနားမြို့နယ် အာလမ်ကျေးရွာအုပ်စု အာလမ်၊ အူဗျစ်၊ ဒွမ်ဂန်၊ လမုန်ဇွပ်နဲ့ တန်ဖရဲ– စတဲ့ကျေးရွာတွေရဲ့ နယ်နိမိတ်ဧရိယာအတွင်းရှိ ဧရာ၀တီမြစ်ကမ်းတစ်လျှောက် စက်ယန္တရားကြီးတွေနဲ့ ရွှေတူးဖော်တာ၊ သဲကျောက်ထုတ်ယူတာတွေကို တားမြစ်ရုပ်သိမ်းပေးဖို့ တောင်းဆိုထားတာလို့ ဆိုပါတယ်။ မြစ်ကြီးနား – ဆွပ်မရာဘွမ်လမ်းမကြီးနဲ့ ဧရာ၀တီမြစ်ကမ်းပေါ်မှာရှိတဲ့ အာလမ်ကျေးရွာအုပ်စုထဲမှာ အိမ်ခြေစုစုပေါင်း (၁၀၀၀) ခန့်ရှိပြီး လူဦးရေ (၈၀၀၀) ကျော်ရှိကာ ဧရာ၀တီမြစ်ဆုံအထိ အရေးပါပြီးမြစ်ကြောင်းတစ်လျှောက်ကို အစိုးရအဆက်ဆက်ကာကွယ်စောင့်ရှောက်ထားတဲ့ နေရာတွေဖြစ်တယ်လို့ တောင်းဆိုစာမှာ ဖော်ပြထားပါတယ်။ လက်ရှိမှာတော့ ပိုမိုဆိုးရွားလာတဲ့ ရွှေတူးဖော်မှုတွေ၊ သဲကျောက်ထုတ်ယူတာတွေကြောင့် ကျေးရွာဖြစ်တည်မှုကို ပျက်စီးစေခြင်း၊ သဘာ၀ပတ်ဝန်းကျင်နဲ့ ဂေဟစနစ်ကိုပျက်စီးစေခြင်း၊ ကျေးရွာအတွင်း လူမှုပြဿနာတွေကို ဖြစ်ပေါ်စေခြင်း၊ အများပြည်သူပိုင် လမ်းများထိခိုက်ပျက်စီးခြင်း၊ စည်းကမ်းမဲ့ အမှိုက်စွန့်ပစ်တာတွေလည်း များစွာဖြစ်ပေါ်နေတယ်လို့ ဆိုပါတယ်။ အာလမ်ကျေးရွာနဲ့ မြစ်ဆုံအထိ တချို့နေရာတွေမှာ ရွှေနဲ့ သဲကျောက်တူးဖော်ထုတ်ယူမှုတွေကြောင့် တချို့နေရာတွေမှာ ကားလမ်းနဲ့ မြစ်ကမ်းပါးကြား အကျယ်အဝန်းဟာ ပေ ၃၀၀ ခန့်သာကျန်ရှိပြီး ကျေးရွာဧရိယာတွေ တဖြည်းဖြည်းကျဉ်းမြောင်းလာတာအပြင် မြစ်ကူး ကူးသို့ဆိပ်တွေ ပပျောက်လာပြီလို့ တောင်းဆိုစာမှာဖော်ပြထားပါတယ်။ ဒီလိုအခြေအနေတွေကြောင့် မြစ်ကမ်းနဲ့နီးတဲ့ လူနေအိမ်တွေအန္တရာယ်ပိုမိုစိုးရိမ်လာရတဲ့အပြင် ရေလမ်းကြောင်းပြောင်းလဲလာပြီး ကြီးမားတဲ့ ပြဿနာ၊ ဆုံးရှုံးမှုတွေ ပိုမိုကြုံတွေ့လာမှာကို ဒေသခံတွေစိုးရိမ်တာကြောင့် ကချင်ပြည်နယ် ဝန်ကြီးချူပ်ထံ စာတင်ပြတောင်းဆိုခြင်းဖြစ်တယ်လို့ ပြောဆိုပါတယ်။ စစ်တပ်အာဏာသိမ်းပြီးနောက် တစ်နှစ်ပြီးတစ်နှစ် ပိုမိုဆိုးရွားစွာ ရွှေတူးဖော်လာတာတွေရှိသလို သဲကျောက်ထုတ်ယူမှုအမည်ခံနဲ့ ဘတ်ဖိုးတွေနဲ့ ရွှေတူးဖော်တာတွေလည်း လုပ်ဆောင်နေတာကြောင့် မြစ်ကမ်းဘေးထိခိုက် ပျက်စီးတာ၊ရေလမ်းကြောင်းပြောင်းလဲလာတာတွေ ပိုမိုဆိုးရွားလာတယ်လို့ မြစ်ကြီးနား ဒေသခံလူငယ်တစ်ဦးကလည်း အခုလို ပြောပါတယ်။ “ဒီမြစ်ကမ်းဘေးတစ်လျှောက် အကုန် အရင်နဲ့မတူတော့ဘူး။ ရွှေတူးဖော်မှုကတော့ တော်တော်လေးကို ဆိုးသွားပြီ။ တစ်ပိုင်တစ်နိုင်တူးတာတွေဆိုပေမဲ့ ပတ်ဝန်းကျင် တော်တော်ထိခိုက်နေပြီ။ တူးတာကတော့ တောက်လျှောက်ပဲ။ အမှိုက်ပစ်တဲ့သူကပစ် ရွှေတူးတဲ့သူကလည်း တစ်ရက်ထက်တစ်ရက် ပိုများလာတယ်။ တစ်ပိုင်တစ်နိုင်တွေရှိသလို တချို့က သဲကျောက်တို့ ကုမ္ပဏီတွေ စက်ယန္တရားကြီးတွေနဲ့တူးနေတာ ကျနော်တို့ မြင်နေရတယ်လေ။ သဲကျောက်လည်း ထုတ်တယ်၊ ရွှေလည်းတူးတယ်။ အစုံလုပ်တဲ့ကုမ္ပဏီကြီးတွေရှိတယ်”လို့ သူကပြောပါတယ်။ မြစ်ကြီးနားမြို့မှာ ယခင် ရွှေတူးဖော်မှုမတွေ့ရတဲ့နေရာဖြစ်တဲ့ ဗလမင်းထင်တံတားအောက်မှာဝင်ငွေအကျပ်အတည်းတွေကြောင့် တစ်ပိုင်တစ်နိုင် လက်လုပ်လက်စား ရွှေတူးဖော်မှုတွေ ပိုမိုများပြားလာသလို ကုမ္ပဏီကြီးတွေလည်း တူးဖော်နေတာတွေ တွေ့ရတယ်လို့ ဆိုပါတယ်။ မြစ်ကြီးနားမြို့နယ်အတွင်း ဧရာ၀တီမြစ်ကမ်းဘေးတစ်လျှောက် သဲကျောက်ထုတ်ယူတာတွေအပါအဝင် ရွှေတူးဖော်မှုတွေဟာ စစ်ကောင်စီနဲ့ ကချင်လွတ်လပ်ရေးအဖွဲ့ KIO/KIA ၊ နှစ်ဖက်အစိုးရရဲ့ ခွင့်ပြုချက်တွေ ပါဝင်တယ်လို့ သိရပါတယ်။ လက်ရှိမှာ စစ်ကောင်စီခန့် ကချင်ပြည်နယ်အစိုးရအဖွဲ့ကိုပဲ စာတင်ပြတောင်းဆိုထားသလို လိုအပ်ချက်ပေါ်မူတည်ပြီး KIO/KIA ဘက်ကိုလည်း တောင်းဆိုမှုတွေပြုလုပ်သွားမယ်လို့ ဆိုပါတယ်။…
Read More » -
-
-
-
