တိုက်ပွဲ
-
Jan- 2024 -29 January
နမ့်ဖတ်ကာ ဒေသခံများအနေနဲ့ ခွင့်ပြုချက်ရမှသာ နေရပ်ပြန်လာဖို့ KIA ပြောဆို
ရှမ်းမြောက် နမ်ဖတ်ကာမှာ မိုင်းရှင်းလင်းရေးလုပ်ငန်းများလုပ်ဆောင်ဖို့လိုအပ်သေးတာကြောင့် ကချင်လွတ်လပ်ရေးတပ်မတော် KIA ရဲ့ ခွင့်ပြုချက်ရမှသာ ဒေသခံစစ်ရှောင်ပြည်သူတွေ နေအိမ်ပြန်လာကြဖို့ KIA ဘက်ကပြောဆိုထားတယ်လို့ဒေသခံတွေပြောပါတယ်။ KIA တိုက်ခိုက်သိမ်းပိုက်ထားနိုင်ပြီဖြစ်တဲ့ နမ့်ဖတ်ကာမှာ စစ်တပ်ဘက်ကတိုက်ပွဲမဖြစ်ခင်ကတည်းက တပ်စခန်းပတ်ပတ်လည်နဲ့နေရာတော်တော်များများမှာ မိုင်းထောင်ထားတာတွေရှိတာကြောင့် KIA ဘက်က ရွာသားတွေကို အဝင်အထွက်ခွင့်မပြုသေးတာဖြစ်တယ်လို့ သိရပါတယ်။ “ဘေးပတ်ဝန်းကျင် မိုင်းထောင်ထားတာတွေ အများကြီးရှိသေးတယ်။ KIA ဘက်က အဲ့ဒါတွေကို ရှင်းလင်းရေးပြုလုပ်ရအုံးမယ်လို့ပြောတယ်။ ပြီးတော့ ရွာသားတွေကိုလည်း လုံး၀အဝင်အထွက်ခွင့်မပြုသေးကြောင်းပြောတယ်။ ဒါကြောင့် ရွာသားတွေလည်း KIA ဘက်က ဝင်လာတော့ ဝင်လာလို့ရပြီဆိုမှ ဝင်လာကြရအောင်လို့ ပြောချင်တယ်။ အိမ်တွေ အများကြီး ပျက်စီးသွားတော့ KIA ဘက်က အဲ့လိုအပျက်အစီးတွေကို ရှင်းလင်းရေးလုပ်ဆောင်အုံးမယ်ပေါ့။ သူတို့ ခွင့်ပြုမှ ဝင်လာကြဖို့ ရွာသားတွေကို အကြောင်းကြားထားခိုင်းတာဖြစ်တယ်။” လို့ နမ့်ဖတ်ကာဒေသခံတစ်ဦးကပြောပါတယ်။ ကချင်လွတ်လပ်ရေးတပ်မတော် KIA ဘက်ကမှ နမ့်ဖတ်ကာကို ပြီးခဲ့တဲ့ ဒီဇင်ဘာလ (၂၉) ရက်နေ့ကစပြီး စတင်ထိုးစစ်ဆင်တိုက်ခိုက်ခဲ့တာ တစ်လနီပါး ထိုးစစ်ဆင်တိုက်ခိုက်ခဲ့ပြီးနောက် ဇန်နဝါရီလ (၂၄) ရက်နေ့မနက်မှာတော့ အပြီးစီးသိမ်းပိုက်ခဲ့တာဖြစ်ပါတယ်။ နမ်ဖတ်ကာ ခ.လ.ရ (၁၂၃) စစ်တပ်ကို လက်မလွတ်ရေးအတွက် စစ်ကောင်စီဘက်ကလည်း လေကြောင်းနဲ့ အပြင်းအထန်ခုခံခဲ့ပေမဲ့ တပ်ရင်းမှူးနဲ့ကျန်ရှိတဲ့တပ်သားတစ်ချို့တပ်ဆုတ်ခွာထွက်ပြေးသွားတာကြောင့် အပြီးဝင်ရောက်သိမ်းပိုက်နိုင်ခဲ့ခြင်းဖြစ်ကြောင်း ဒေသခံတွေပြောပါတယ်။ နမ့်ဖတ်ကာစခန်းသိမ်းတိုက်ပွဲဟာ KIA အတွက် အကျိုးမြတ်ကြီးတစ်ခုဖြစ်သလို ရှမ်းမြောက် ကွတ်ခိုင်အထက်ဘက်အချက်အချာကြတဲ့ နေရာတစ်ခုကို KIA ဘက်က ရရှိလိုက်ခြင်းဖြစ်တယ်လို့ ဒေသခံတွေပြောပါတယ်။ “ဒီရှမ်းမြောက်အထက်ဘက် မြို့အဆင့်ရှိ ရွာကြီးကို KIA ဘက်က ပထမဆုံးသိမ်းပိုက်ခြင်းတယ်။ ဒီနေရာဟာ အားလုံးအတွက် အရမ်းအရေးကြီးတဲ့နေရာတစ်ခုဖြစ်တာကြောင့် KIA အတွက် အကျိုးမြတ်ကြီးတစ်ခုဖြစ်တယ်။ တရုတ်နယ်စပ် မူဆယ် – ၁၀၅ မိုင် – နမ့်ခမ်း အားလုံးက နမ့်ဖတ်ကာမှာ လာဆုံတယ်။ ဆိုတော့ တရုတ်နယ်စပ်က ဖြတ်လာသမျှအားလုံး နမ့်ဖတ်ကာမှာ လာဆုံတာဖြစ်တာကြောင့် အဝင်–အထွက် အားလုံးအတွက် အလွန်အရေးပါတဲ့နေရာကို KIA သိမ်းပိုက်နိုင်ပြီဖြစ်တယ်လို့ မြင်ပါတယ်”ဟုနမ့်ဖတ်ကာဒေသခံက ပြောပါတယ်။ တိုက်ပွဲအတွင်း စစ်ကောင်စီတပ်ဘက်က အများအပြား ထိခိုက်သေဆုံးမှုရှိခဲ့သလို KIA ဘက်ကလည်း ထိခိုက် သေဆုံးမှုများတယ်လို့ ဒေသခံတွေပြောပါတယ်။ ဒါ့အပြင် နမ်ဖတ်ကာတိုက်ပွဲအတွင်း နေအိမ် ၁၀၀ ကျော်ပျက်စီးခဲ့ပြီး ပြည်သူတွေ ထိခိုက်မှုနဲ့ အရပ်သားထိခိုက်သေဆုံးမှုစုစုပေါင်း ၃၀ ခန့်ရှိတယ်လို့ သိရတယ်။ အခုချိန် နမ်ဖတ်ကာ ဒေသခံပြည်သူတွေက တောတောင်တွေထဲ၊ နီးစပ်ရာကျေးရွာတွေမှာ ဆက်လက်ရှောင်တိမ်းနေရဆဲဖြစ်ပြီး နမ်ဖတ်ကာတိုက်ပွဲပြီးစီးပြီ ဖြစ်ပေမယ့် စိတ်ချရတဲ့အခြေအနေတော့ မရှိသေးဘူးလို့ ဆိုပါတယ်။ နမ့်ဖတ်ကာဒေသကို ထိန်းချူပ်ဖို့အတွက် ဒေသခံပြည်သူတွေနဲ့ KIA ဆက်လက်တွေ့ဆုံ ဆွေးနွေးသွားပြီး အုပ်ချူပ်ရေးယန္တရားလည်ပတ်သွားဖို့ စီစဉ်နေဆဲဖြစ်သလို KIA ခွင့်ပြုမှသာ ဒေသခံပြည်သူတွေလည်း နေရပ်ပြန်လို့ရမဲ့အခြေအနေဖြစ်တယ်လို့ သိရပါတယ်။ By – ဂျာဘောက်ရာ
Read More » -
25 January
စီခမ်းကြီးမှာ ဒေသခံတစ်ထောင်ကျော် ထွက်ပြေးနေရ
ကချင်ပြည်နယ် မံစီမြို့နယ် စီခမ်းကြီးကျေးရွာထဲမှာ တိုက်ပွဲဖြစ်ပွားလာမှာကို စိုးရိမ်တဲ့အတွက် စီခမ်းကြီးကျေးရွာနေပြည်သူတစ်ထောင်ကျော်ဟာ ဘေးလွတ်ရာကို ထွက်ပြေးတိမ်းရှောင်နေရတယ်လို့သိရပါတယ်။ ကချင် နဲ့ ရှမ်းပြည်နယ်အစပ်မှာရှိတဲ့ စီခမ်းကြီးကျေးရွာထဲ ဒေသခံပြည်သူ ၂၀၀ ကျော်ထဲက လူဦးရေ ၁၅၀၀ ကျော်လောက်ဟာ တိုက်ပွဲ ဖြစ်ပွားလာမှာကိုစိုးရိမ်တဲ့အတွက်…
Read More » -
25 January
မဘိန်းမြို့ တပ်စခန်းက ထွက်ပြေးလာတဲ့ စစ်တပ်နဲ့ KIA တိုက်ပွဲဖြစ်
ရှမ်းမြောက် မဘိန်းမြို့ကို ကချင်လွတ်လပ်ရေးတပ်မတော် KIA ပူးပေါင်းတပ်တွေ တိုက်ခိုက်သိမ်းပိုက်ပြီးနောက် ကုန်းမခံရှေ့တန်းတပ်စခန်းကနေ ထွက်ပြေးတိမ်းရှောင်လာကြတဲ့ စစ်ကောင်စီတပ်သားအယောက် ၄၀ ဝန်းကျင် နဲ့ ကချင်လွတ်လပ်ရေးတပ်တော် KIA တပ်တို့တိုက်ပွဲဖြစ်ပွားခဲ့ကြတယ်လို့ မံစီမြို့နယ်ဒေသခံ တစ်ဦးကပြောပါတယ်။ ဇန်နဝါရီလ ၂၄ ရက်နေ့ မနေ့ည ၉နာရီဝန်းကျင် အချိန်လောက်မှာ အဲဒီစစ်ကောင်စီတပ်သားတွေဟာ မဘိမ်းမြို့အစပ်ဖြစ်တဲ့ မံစီမြို့နယ် ကောင်လွင်ကျေးရွာအနောက်ဘက် ၅မိုင်အကွာက တောအုပ်တစ်နေရာမှာ ထွက်ပြေးသိမ်းရှောင်လာတဲ့ချိန် KIA တပ်ရင်း ၁၂ တပ်ဖွဲ့ဝင်တွေ လိုက်လံပစ်ခတ်တိုက်ခိုက်ခဲ့တာကြောင့် တိုက်ပွဲဖြစ်ပွားခဲ့ကြတာလို့ ကောင်လွင်ဒေသခံ တစ်ဦးကခုလိုပြောပါတယ်။ “မနေ့ည သူတို့ တောအုပ်ကထွက်လာတဲ့အချိန် ကေအိုင်အေတပ်ရင်း၁၂က လိုက်ပစ်တယ် ပြီးတော့ စစ်ကောင်စီဘက်ကပြန်ပြေးသွားတယ်။ ဒီမနက် မိုးလင်းတာနဲ့ ကေအိုင်အေဘက်က သူတို့ကို ဝိုင်းရံပိတ်ဆို့ပြီး ပြန်လိုက်ရှာနေကြတယ်”လိုသူကဆိုပါတယ်။ ဒါ့အပြင် စစ်ကောင်စီဘက်က ထွက်ပြေးလာကြတဲ့အချိန် ကောင်လွင်ကျေးရွာဘက် တောင်ပေါ်တစ်ခုမှာ သစ်ခုတ်နေကြတဲ့ ဒေသခံသုံးယောက်ကိုလည်း စစ်ကောင်စီတပ်တွေက လူသားဒိုင်းအဖြစ် ဖမ်းစီးသွားပြီး တစ်ယောက်က ထွက်ပြေးလွတ်မြောက်လာတယ်လို့ ပြန်လည်လွတ်မြောက်လာသူနဲ့ နီးစပ်တဲ့ ဒေသခံတစ်ဦးကခုလိုပြောပါတယ်။ “သူတို့စစ်ကြောင်းနဲ့ ပြန်လာတဲ့ချိန်ဖမ်းသွားတာတဲ့ ကချင်ကနှစ်ယောက် ရှမ်းဗမာကတစ်ယောက်သုံးယောက်ပေါ့ အဲဒီပြန်လွတ်လာတဲ့ တစ်ယောက်က ကချင်ကောင်လေးဟုတ်တယ် ကျွတ်တော်တို့စီအူကျေးရွာကဘဲ သူကတော့ စစ်ကြောင်းနားနေတဲ့အချိန်မှာ ထွက်ပြေးလာတာလို့ ပြောတယ်”လို့ဆိုပါတယ်။ ကချင် – ရှမ်းနယ်အစပ်မှာရှိတဲ့ မဘိမ်းမြို့ကို KIA,KPDF,ABSDF ပူးပေါင်းတပ်တွေဟာ ဇန်နဝါရီလ ၂၁ ရက်နေ့ အပြီးသတ်သိမ်းပိုက်ရရှိထားပြီး စစ်ကောင်စီတပ်တပ်စခန်းမှ စစ်သုံ့ပန်းတစ်ချို့ကိုလည်း ဖမ်းဆီးရမိထားသလို တပ်စခန်းကနေ ထွက်ပြေးသွားသူတွေရှိခဲ့တာဖြစ်ပါတယ်။ အလားတူးဘဲ မံစီမြို့နယ် စီခမ်းကြီးကျေးရွာကို ဝင်သိမ်းတော့မယ်ဆိုတော့ သတင်းကြောင့် စီခမ်းကြီးကျေးရွာက ရွာသားတွေ ၄ပုံ ၃ပုံခန့် ဗန်းမော်ဘက်ကို ထွက်ပြေးကြကုန်ပြီး စီခန်းကြီးကျေးရွာနဲ့ နှစ်မိုင်လောက်ဝေးတဲ့ စီကော်ကျေးရွာက ရွာသားအချို့လည်းထွက်ပြေးသိမ်းရှောင်နေကြတယ်လို့ ဒေသခံတွေဆီကနေသိရပါတယ်။ တစ်ဖက်မှာလည်း ခုလို စစ်တပ်နဲ့ KIA တပ်တို့အကြား ထိတွေ့တိုက်ပွဲဖြစ်ပွားတာအပြင် ခုရက်ပိုင်း မံစီမြို့နယ်တစ်လျှောက် စစ်ရေးတင်းမာနေတဲ့အတွက် ကောင်ရွန်ကျေးရွာအပြင် စီကော်ကျေးရွာက အလယ်တန်းကျောင်းကို ဒီကနေမှာဘဲအတန်းတင်စာမေးပွဲ ဖြေဆိုဖို့ ပြင်ဆင်နေကြပြီလို့ ဒေသခံတွေကပြောပါတယ်။ By…
Read More » -
24 January
နမ့်ဖတ်ကာ ခလရ ၁၂၃ တပ်စခန်းကို အပြီးသိမ်းပိုက်လိုက်ပြီလို့ ဗိုလ်မှူးကြီးနော်ဘူအတည်ပြု
ရှမ်းမြောက် နမ့်ဖတ်ကာမှာရှိတဲ့ စစ်တပ်ရဲ့ ခလရ ၁၂၃ အထိုင်တပ်စခန်းကို ကချင်လွတ်လပ်ရေးတပ်မတော် KIA ဘက်က အပြီးသတ်သိမ်းပိုက်လိုက်နိုင်ပြီဖြစ်တယ်လို့ KIO သတင်းနဲ့ပြန်ကြားရေးတာဝန်ခံဗိုလ်မှုးကြီး အင်ဖန်နော်ဘူက အတည်ပြုပါတယ်။ အဲဒီတပ်စခန်းကို KIA ဘက်က ဒီဇင်ဘာလ ၂၀ ရက်နေ့ကတည်းကနေ…
Read More » -
24 January
နန့်မွန်းမှာ တပ်သားသစ်စုဆောင်းနေတဲ့ ပြည်သူ့စစ်အဖွဲ့ တိုက်ခိုက်ခံရ
အင်းတော်ကြီးဒေသ နန့်မွန်းမြို့မှာ စစ်ကောင်စီလက်အောက်ခံ ပြည်သူ့စစ် အဖွဲ့တစ်ဖွဲ့က တပ်သားသစ်စုဆောင်းရေး လုပ်နေတဲ့ နေရာကို ကချင်လွတ်လပ်ရေးတပ်မတော် KIA နဲ့ PDF တပ်ဖွဲ့တွေက တိုက်ခိုက်ခဲ့တယ်လို့ သိရပါတယ်။ ဇန်နဝါရီလ ၂၂ ရက်နေ့က နန့်မွန်းမြို့ထဲကို ငမျိုးဆိုတဲ့…
Read More » -
17 January
ဖားကန့်သွားလမ်းကို စစ်တပ်ဘက်က သွားလာခွင့်ပိတ်ဆို့ထား
စစ်ရေးတင်းမာမှုဖြစ်ပွားနေတဲ့ ဖားကန့်သွားကားလမ်းမကြီးတစ်လျှောက် ကုန်တင်ကားနဲ့ ခရီးသည်တွေကို စစ်တပ်ဂိတ် ၃ နေရာမှာ သွားလာခွင့်ပိတ်ဆို့ထားတယ်လို့ ဒေသခံတွေဆီကနေ သိရပါတယ်။ ဇန်နဝါရီလ ၁၅ ရက်နေ့ကစပြီး ကားမိုင်းမြို့အဝင်ဂိတ်၊ နန့်ယားစစ်တပ်ဂိတ်၊ ဖားကန့်လယ်ပြင် ရမ်းချက်စစ်တပ်ဂိတ် နေရာတွေမှာ အတက် အဆင်း လမ်းကြောင်းအားလုံးကို ပိတ်ဆို့ထားတယ်လို့ ကားမိုင်းဒေသခံအမျိုးသားတစ်ယောက်က KNG ကိုပြောပါတယ်။ “ကားမိုင်းတင်မဟုတ်ဘူး နန့်ယားနဲ့ လယ်ပြင် ရမ်းချက်ဂိတ် ဒီ ၃ နေရာမှာ ပိတ်ထားတယ်။ စစ်တပ်ဘက်ကနေ ပိတ်ထားတာ။ ဘာလို့ပြန်ပိတ်တာလဲတော့ သေချာမသိရဘူး။ ကားတွေက သူတို့ရောက်တဲ့နေရာမှာ သွားလို့မရဘဲ ရပ်စောင့်နေကြတာဟုတ်တယ်”လို့ပြောပါတယ်။ လက်ရှိ မိုးကောင်းမြို့နယ်ကနေ ဖားကန့်ဘက်ကို တက်လာတဲ့ ကုန်တင်ကားတွေက ကားမိုင်းမြို့အဝင်ဂိတ်နေရာမှာ ဆက်တက်လို့မရဘဲ ပိတ်ဆို့ခံထားရပြီး ဖားကန့်မြို့ဘက်ကနေ ဆင်းလာတဲ့ ကုန်တင်ကားတွေကလည်း လယ်ပြင်ရမ်းချက်စစ်တပ်ဂိတ်မှာ ပိတ်ဆို့ခံထားရတယ်လို့ သိရပါတယ်။ ဖားကန့်လမ်းကို စစ်ကောင်စီဘက်က ပိတ်ဆို့လိုက်တဲ့အကြောင်းအရင်းဟာ စစ်ရေးတင်းမာနေဆဲဖြစ်တဲ့ နမ်တိန့်ကျေးရွာမှာ ဇန်နဝါရီလ ၁၅ ရက်နေ့ စစ်ကောင်စီတပ်နဲ့ KIA တပ်တို့ကြားထပ်မံဖြစ်ပွားခဲ့တာဖြစ်ပြီး အဲဒီတိုက်ပွဲမှာ စစ်ကောင်စီဘက်က အရာရှိတစ်ယောက် ထိခိုက်ဒဏ်ရာရရှိခဲ့တာကြောင့် တန်ပြန်ပိတ်ဆို့မှုဖြစ်နိုင်တယ်လို့ KIA နဲ့ နီးစပ်တဲ့ ဆိုင်းဖရာဒေသခံ အမျိုးသားတစ်ယောက်က သုံးသပ်ပြောဆိုပါတယ်။ “၁၅ ရက်နေ့မှာဖြစ်တဲ့ တိုက်ပွဲမှာ အရာရှိတစ်ယောက်ထိသွားတယ်လို့ကြားတယ်။ အဲဒါဖြစ်တာနဲ့ တစ်ခါတည်း တိုက်လေယာဉ် ၂ စီးနဲ့လာခဲ့တာဟုတ်တယ်။ အဲဒီနောက်မှာပဲ လမ်းပိတ်တာတွေ ဖြစ်လာတာဟုတ်တယ်”လို့ပြောပါတယ်။ ဖားကန့်လမ်းကို ဇန်နဝါရီလ ၁၈ ရက်နေ့အထိ သွားလာခွင့်ပိတ်ဆို့ထားမယ်လို့ သိရပြီးတော့ လမ်းပိတ်ဆို့ခံထားရတာနဲ့ ပတ်သက်ပြီးတော့ ဘာကြောင့်ပိတ်ဆို့ထားတာကို အသေစိတ်သိရှိဖို့ ခက်ခဲနေတာဖြစ်တယ်လို့ ဒေသခံတွေက ပြောပါတယ်။ အခုလို လမ်းကြောင်းပိတ်ဆို့ခံထားရတာကြောင့် ဖားကန့်လမ်းတစ်လျှောက်မှာရှိတဲ့ နန့်ယား၊ ဆိုင်းဖရာ၊ ဂေါ့လူယာန်၊ ပျားအုံ၊ တံတားညီနောင် နဲ့ ကပ်မှော် စတဲ့ ကျေးရွာနေပြည်သူတွေက သွားလာရေးအခက်အခဲဖြစ်နေကြတယ်လို့ သိရပါတယ်။ ပြီးခဲ့တဲ့ ဇန်နဝါရီလ ၆ ရက်လောက်ကနေ ဖားကန့်သွား လမ်းမပေါ်မှာရှိတဲ့ နမ်တိန့်ကျေးရွာမှာ စစ်ကောင်စီတပ်နဲ့ ကချင်လွတ်လပ်ရေးတပ်မတော် KIA တပ်တို့ကြား စတင်တိုက်ပွဲဖြစ်ပွားခဲ့တာကြောင့် လက်ရှိမှာ နမ်တိန့်ကျေးရွာ အပြင် ကျေးရွာ ၇ က ဒေသခံပြည်သူတစ်ချို့လည့် တောတွင်းနေရာတွေမှာ စစ်ဘေးတိမ်းရှောင်နေကြဆဲလည်းဖြစ်ပါတယ်။…
Read More » -
Dec- 2023 -18 December
တာလောကြီးတစ်ဝိုက်ကို စစ်တပ်က ကင်းထောက်ကာ လေယာဉ်နဲ့ ပစ်ခတ်
မြစ်ကြီးနားမြို့နယ် တာလောကြီးကျေးရွာ ပြည်သူ့စစ်စခန်းကို KIA သိမ်းပိုက်ပြီးနောက် စစ်တပ်က လေယာဉ် နဲ့ နှစ်ရက်ဆက်တိုက် လာရောက်ပစ်ခတ်ခဲ့တယ်လို့ ဒေသခံတွေ ပြောပါတယ်။ တာလောကြီးရွာထိပ်မှာ အထိုင်ချနေတဲ့ ရှမ်းနီ ပြည်သူ့စစ်စခန်းကို ဒီဇင်ဘာလ ၁၅ ရက်နေ့က ကချင်လွတ်လပ်ရေးတပ်မတော် KIA နဲ့ PDF ပူးပေါင်းတပ်ဖွဲ့တို့ သိမ်းပိုက်ပြီးတဲ့နောက် ဒီဇင်ဘာလ ၁၇ ရက်နေ့အထိ လာရောက်ပစ်ခတ်ခဲ့တယ်လို့ ရေကြည်ဒေသခံ…
Read More » -
8 December
ဗန်းမောက်မှာ စစ်ကောင်စီ နဲ့ SNA ပူးပေါင်းတပ်စခန်းတစ်ခု ကာကွယ်ရေးတပ်တွေ တိုက်ခိုက်သိမ်းပိုက်
စစ်ကိုင်း – ကချင်အစပ် ဗန်းမောက်မြို့နယ်ထဲက ရှမ်းနီအမျိုးသားတပ်မတော် SNA နဲ့ စစ်ကောင်စီတပ်ဖွဲ့ တွေ အထိုင်ချတပ်စွဲထားတဲ့တပ်စခန်းတစ်ခုကို ကာကွယ်ရေးတပ်ဖွဲ့တွေဘက်ကသိမ်းပိုက်ရရှိခဲ့တယ်လို့ ကောလင်းခရိုင်ပြည်သူ့အုပ်ချုပ်ရေးအဖွဲ့ဆီက သိရပါတယ်။ ဗန်းမောက်မြို့နယ် နဲ့ ပင်လည်ဘူးမြို့နယ်အစပ်မှာရှိတဲ့ အဲ့ဒီတပ်စခန်းကို ပြီးခဲ့တဲ့ ဒီဇင်ဘာပထမအပတ်ကပဲ ဒေသကာကွယ်ရေးတပ်ဖွဲ့တွေ နဲ့ ပြည်သူ့ကာကွယ်ရေးတပ်ဖွဲ့ ပကဖ တွေပူးပေါင်းပြီးတိုက်ခိုက်သိမ်းပိုက်ခဲ့တာလို့ ဆိုပါတယ်။…
Read More » -
7 December
မဘိန်း- ငအို ကားလမ်းပိုင်းမှာ စစ်ကောင်စီဗုံးကျဲခံရမှုကြောင့် လိုင်းကားတစ်စီးထိမှန်ပြီး အရပ်သား ၂ဦးသေဆုံး၊ ၃ ဦးဒဏ်ရာရ
ကချင် – ရှမ်းပြည်နယ်အစပ် ရှမ်းမြောက်ဒေသ မဘိန်းမြို့နယ်ထဲက ငအိုး–မဘိန်းကားလမ်းပိုင်းမှာ စစ်ကောင်စီတပ်ဗုံးကျဲတိုက်ခိုက်ခဲ့တာကြောင့် ခရီးသည်တင်ကားတစ်စီးထိမှန်ပြီး အရပ်သား ၂ ဦးသေဆုံးကာ ၃ ဦးဒဏ်ရာရသွားတယ်လို့ မံဝင်းဒေသခံတွေဆီကနေ သိရပါတယ်။ စစ်ကောင်စီတပ်က KIA တပ်ရင်း ၁၂ နယ်မြေ…
Read More » -
Nov- 2023 -27 November
မူဆယ် လုံခန်စစ်တပ်စခန်းကို MNDAA တိုက်ခိုက်သိမ်းပိုက်
ရှမ်းမြောက် မူဆယ် ၁၀၅ မိုင်နဲ့ နမ့်တောင်းကျေးရွာကြားမှာရှိတဲ့ လုံခန်စစ်ကောင်စီ တပ်စခန်းကို ကိုးကန့် MNDAA သိမ်းပိုက်လိုက်ပြီလို့ မူဆယ်ဒေသခံတွေဆီကနေ သိရပါတယ်။ အဲ့ဒီလုံခန်စစ်ကောင်စီတပ်စခန်းကို နိုဝင်ဘာ ၂၅ ရက်နေ့ကစပြီး ကိုးကန့် MNDAA နဲ့ မဟာ မိတ်ပူးပေါင်းတပ်ဖွဲ့တွေ ဆက်တိုက်ထိုးစစ်ဆင်တိုက်ခိုက်ခဲ့ရာ တိုက်ပွဲကြာချိန် ၂ ရက်မြောက်နေ့နိုဝင်ဘာ ၂၆ ညနေပိုင်းမှာတော့ သိမ်းပိုက်ရရှိလိုက်ပြီဖြစ်ကြောင်း The Kokang သတင်း page ကထုတ်ပြန်ထားသလို ဒေသခံတစ်ဦး ကလည်း အခုလို ပြောပါတယ်။ “မနေ့ကတော့ ကျမတို့ မုံးပေါ်သွားလမ်း နမ့်တောင်းမရောက်ခင် လုံခန်ရွာအလွန် တောင်ကုန်းမှာ စစ်တပ်စခန်းတစ်ခုရှိတယ်။ အဲ့ဒီတပ်စခန်းကိုတော့ မနေ့က ကိုးကန့်တွေ သိမ်းပိုက်လိုက်ပြဆိုတော့မနေ့ည ၁၀၅ မိုင်ထဲ တော်လှန်ရေးတပ်ဖွဲ့တွေ ပြန်ဝင်ရောက်လာသလိုပဲ။အဲ့ဒါနဲ့ မူဆယ်မြို့အထွက် စစ်တပ်က တစ်ညလုံး လက်နက်ကြီးနဲ့ ပစ်နေတာ။ ကျမတို့ တစ်ညလုံးတောင်မအိပ်ဘူး သတိနဲ့ပဲနေနေတယ်။” လို့ မူဆယ်ဒေသခံအမျိုးသမီးက ပြောပါတယ်။ လုံခန်စစ်တပ်စခန်းဟာ မူဆယ်ကနေ ဆိုင်ကယ်နဲ့ မိနစ် ၂၀ လောက်မောင်း ရတဲ့အကွာမှာရှိတဲ့ စခန်းကြီးတစ်ခုဖြစ်ပြီး မူဆယ်နဲ့ မုံးပေါ်ကြား ဒေသတဝိုက်ကို အဓိကချူပ်ကိုင်ထားတဲ့ စစ်ကောင်စီစခန်းတွေထဲက တစ်ခုအပါအဝင် ဖြစ်ပါတယ်။ အဲ့ဒီတပ်စခန်းကို လက်လွတ်လိုက်ရတဲ့ စစ်ကောင်စီဟာ နိုဝင်ဘာ ၂၆ မနေ့ည ၁၀ နာရီကနေ ၁၂ နာရီလောက်ထိ လေယာဉ် ၄ စီးနဲ့ ၁၀၅ မိုင်အကျော် လုံခန်ရွာနီးတစ်ဝိုက် ဗုံးကြဲခဲ့တဲ့အတွက် ၁၀၅ မိုင်က အသက် ၂၀အရွယ် လူငယ်တစ်ဦး လက်နက်ထိမှန် သေဆုံးသွားပြီး အသက် ၇၀ ကျော်အရွယ် အဘွားအိုတစ်ဦးလည်း ထိခိုက်ဒဏ်ရာရရှိခဲ့ကြောင်း သိရပါတယ်။ ဒါ့အပြင် ၁၀၅ မိုင်ကုန်သွယ်ရေးဇုန်အနီးက ကားကြီးကွင်းအနီးတစ်လျှောက်ကိုလည်း စစ်တပ်က လေကြောင်းနဲ့ ပစ်ခတ်တာတွေကြောင့် ကုန်ကားတချို့ ထိခိုက်ပျက်စီးသွားတာ ရှိသလို ဆိုင်ခန်းတချို့အပါအဝင်…
Read More »
