လွယ်ဂျယ်

ကချင်‌မှာရှိတဲ့ နယ်စပ်ဂိတ်တွေမှာ သွင်းကုန်ကန့်သတ်ချက်ရှိနေဆဲ

ကချင်ပြည်နယ်မှာရှိတဲ့ မြန်မာ– တရုတ်နယ်စပ်ဂိတ်မှာ သွင်းကုန်ကန့်သတ်ထားချက်ရှိပေမယ့် ပို့ကုန်ကိုတော့ကန့်သတ်ချက်မဲ့သယ်ယူခွင့်ရှိ‌နေတယ်လို့ ဒေသခံ တွေဆီ‌ကနေ သိရပါတယ်။ ကချင်လွတ်လပ်ရေးအဖွဲ့ KIO ထိန်းချုပ်ထားတဲ့ လိုင်ဇာ၊ လွယ်ဂျယ်နဲ့ ကန်ပိုက်တည်နယ်စပ်ဂိတ်တွေမှာ နှစ်နိုင်ငံကုန်သွယ်‌ရေးပြန်လည်ပတ်နေတာ ၂ လခန့်ရှိလာပြီဖြစ်ပေမယ့်တရုတ်ဘက်ကနေ မြန်မာဘက်သွင်း‌တဲ့ကုန်တွေ ကန့်သတ်ချက်ရှိနေပြီး မြန်မာဘက်ကနေ…

Read More »

ကချင် နယ်စပ်ဒေသ တည်ငြိမ်ရေးလုပ်ငန်းစဉ်တွေမှာ လူထုအင်အား ပူးပေါင်းပါဝင်ဖို့ KIO ဥက္ကဋ္ဌ ဖိတ်ခေါ်

ကချင်လွတ်လပ်ရေးတပ်မတော် KIA သိမ်းပိုက်ရရှိထားတဲ့ နယ်စပ်ဒေသတွေမှာ နယ်မြေတည်ငြိမ်အေးချမ်းရေးအတွက် ကြိုးပမ်းလုပ်ဆောင်နေတဲ့ လုပ်ငန်းစဉ်တွေမှာ လူထုအင်အား ပူးပေါင်းပါဝင်မှု အများအပြား လိုအပ်နေတယ်လို့ KIO ဥက္ကဋ္ဌ နှစ်သစ် မိန့်ခွန်းမှာ ပြောဆိုလိုက်ပါတယ်။ စစ်အာဏာရှင်စနစ် အမြစ်ပြတ်ချေမှုန်းရေးအတွက် ကချင်လွတ်လပ်ရေးတပ်မတော် KIA ရဲ့ စစ်ဆင်ရေးဟာ ၂၀၂၄ ခုနှစ်အတွင်း ကချင်နဲ့ တရုတ်ထိစပ်တဲ့ နယ်စပ်တစ်ကြောက လွယ်ဂျယ်၊ ကန်ပိုင်တည်၊…

Read More »

ကချင်ဒေသ နယ်စပ်ဂိတ်တစ်ချို့ပြန်ဖွင့်ပြီ

ကချင်ပြည်နယ်အတွင်းမှာရှိတဲ့ တရုတ်နယ်စပ်ဂိတ်တစ်ချို့ ဒီဇင်ဘာလ ၁၃ ရက်နေ့ ဒီကနေ့မနက်ပိုင်းမှာပဲ ပြန်ဖွင့်လိုက်ပြီလို့ KNG က စုံစမ်းသိရှိရပါတယ်။ တရုတ်–ကချင်နယ်စပ်မှာတော့ KIO ဌာနချုပ်ရှိရာ လိုင်ဇာနယ်စပ်ဂိတ်၊ လွယ်ဂျယ်နယ်စပ် ဂိတ်၊ ပန်ဝါမြို့နယ်စပ်ဂိတ်၊ ကံပိုင်တည်နယ်စပ်ဂိတ်၊ ဖီမော်နယ်စပ်ဂိတ် စတဲ့ဂိတ်…

Read More »

တရုတ်နယ်စပ်ဂိတ်တွေပိတ်လိုက်တဲ့နောက် မြစ်ကြီးနားမှာ စက်သုံးဆီနဲ့ အခြေခံစားသေက်ကုန်ဈေးနှုန်းမြင့်တက်

မြန်မာ–တရုတ်နယ်စပ်ဂိတ်တွေဖြစ်တဲ့ ကချင်ပြည်နယ် ကံပိုက်တည်နဲ့လွယ်ဂျယ်ဂိတ်တွေပိတ်လိုက်ပြီးနောက်  မြစ်ကြီးနားမြို့မှာ စက်သုံးဆီနဲ့အခြေခံစားသောက်ကုန် ဈေးနှုန်းပြန်မြင့်တက်နေတယ်လို့ မြစ်ကြီးနားမြို့ခံတွေဆီကနေ သိရပါတယ်။ မြန်မာ–တရုတ်နယ်စပ်မှာရှိတဲ့ ကချင်အထူးဒေသ (၁) ဌာနချုပ် ပန်ဝါမြို့ကို KIA၊KPDF ပူးပေါင်းတပ်သိမ်းပိုက်လိုက်ပြီးနောက် ကံပိုက်တည်၊ လွယ်ဂျယ် ၊ ပန်ဝါနယ်စပ်ဂိတ်တွေကို တရုတ်ဘက်ကပိတ်လိုက်တာဖြစ်ပါတယ်။ ဒါကြောင့် မြစ်ကြီးနားမြို့မှာ စက်သုံးဆီ၊စားသုံးကုန်နဲ့ လူသုံးကုန်၊အခြေခံစားသောက်ကုန်စျေးနှုန်း ဆက်တိုက်မြင့်တက်နေတယ်လို့ မြစ်ကြီးနားမြို့ ရမ်ပူရပ်ကွက်နေအမျိုးသားတစ်ဦးက KNGကိုပြောပါတယ်။ “တရုတ်ဘက်ကလာတဲ့ပစ္စည်းတွေတက်တာပါ အခုလောလောဆယ် ဒီဇယ်၊ ဓာတ်ဆီလည်းတရုတ်ကပဲဝင်တာလေး မနေ့ကထိတော့ ၆၀၀၀ ကနေ ဒီနေ့ ၇၀၀၀၊ ၈၀၀၀ အထိတက်သွားတယ်။ ကြက်ဥလည်းဈေးတက်တယ်၊အာလူးတို့ဈေးတက်တယ်”လို့ အသက် ၄၀ ကျော်အရွယ်အထက်ပါအမျိုးသားကပြောပါတယ်။ တရုတ်နယ်စပ်ဂိတ် မပိတ်ခင် ဓာတ်ဆီတစ်လီတာ ၆၀၀၀ (ခြောက်ထောင်) သာရှိပေမယ့် ဒီနေ့ တစ်လီတာ ၈၀၀၀ (ရှစ်ထောင်)၊ ကြက်ဥ တစ်လုံး ၈၀၀ (ရှစ်ရာ) ကနေ ၁၀၀၀ (တစ်ထောင်) ကျပ်၊ အားလူး ၁၀၀၀၀ (တစ်သောင်း) ကနေ ၁၃၀၀၀၊ (တစ်သောင်းသုံးထောင်)ကျပ် ၊ လက်ဖက်ခြောက်တစ်ထုတ် ကျပ် ၁၅၀၀ (တစ်ထောင့်ငါးရာ) ကနေ ၂၀၀၀ (နှစ်ထောင်) ဈေးတက်သွားပြီး အချိန်နဲ့အမျှ ဈေးတက်နေတယ်လို့ မြို့ခံတွေကဆိုပါတယ်။ “လောလောဆယ်တော့မပိတ်သေးဘူး နောက် လေးငါးဆယ်ရက်လောက်အေးဆေးရောင်းလို့ရတယ်။ ဆီလက်ကျန်က လမ်းဒီထက်ပိုကြာကြာပိတ်သွားရင်တော့ဆီလက်ကျန်ကုန်ပြီပိတ်ရမှာ အခုကတရုတ်ဆီပဲရောင်းနေရတာကိုး”လို့ ဆီပန့်အရောင်းဆိုင်တစ်မှအရောင်းဝန်ထမ်းတစ်ဦးရပြောပါတယ်။ မန္တလေး–မြစ်ကြီးနားလမ်းမကြီးပိတ်ထားတာကြောင့် လက်ရှိမြစ်ကြီးနားမြို့အပါအဝင် ကချင်ပြည် နယ်လုံးမှာသုံးနေတဲ့စက်သုံးဆီတွေဟာ တရုတ်ဘက်ကဝင်လာတဲ့ဆီတွေဖြစ်ပြီးနယ်စပ်ဂိတ်ပေါက်တွေ ရက်ရှည်ပိတ်ထားရင်တော့ စက်သုံးဆီစျေးအဆမတန်မြင့်တက်တာ၊ စက်သုံးဆီပြတ်လပ်တာမှုတွေဖြစ်လာမှာကိုမြစ်ကြီးနားမြို့ခံတွေအထူးစိုးရိမ်နေကြပါတယ်။ ကချင်ပြည်နယ်ထဲက မြန်မာ–တရုတ်နယ်စပ်ဂိတ်သုံးခုကို ပန်ဝါမြို့သိမ်းတိုက်ပွဲ အပြီးမှာပဲ တရုတ်ဘက်က ရုတ်တရက်ပိတ်ချလိုက်တာဖြစ်ပါတယ်။ By – Zaw Zaw

Read More »

KIA သိမ်းပိုက်ထားတဲ့ လွယ်ဂျယ်မြို့ မူးယစ်ဆေးဝါးကင်းစင်ဖို့နဲ့မြို့လုံခြုံရေးအထူးကြပ်မတ်နေပြီလို့ဆို 

နယ်စပ်ကုန်သွယ်ရေးမြို့ဖြစ်တဲ့ လွယ်ဂျယ်မြို့ကို ကချင်လွတ်လပ်ရေးအဖွဲ့ KIO အစိုးရအောက်မှာ မြို့နယ်အုပ်ချုပ်ရေးအဖွဲ့နဲ့ လွယ်ဂျယ်ပြည်သူတွေ ပထမဆုံးအကြိမ်လူထုတွေ့ဆုံပွဲကို ၃ ရက်သာကျင်းပခဲ့ကြတယ်လို့ လွယ်ဂျယ်ပြည်သူတွေကပြောပါတယ်။  KIO က အသစ်ဖွဲ့စည်းထားတဲ့ လွယ်ဂျယ်မြို့နယ်အုပ်ချုပ်ရေးမှူးနဲ့အုပ်ချုပ်ရေးအဖွဲ့ဝင်တွေဟာ ဇွန်လ ၃ ရက်ကနေ ၅ ရက်နေ့အထိ လွယ်ဂျယ်မြို့ ရပ်ကွက်တစ်ခုချင်းစီမှာရှိတဲ့ လူထုတွေနဲ့တွေ့ဆုံပြီး လွယ်ဂျယ်မြို့ဖွံ့ဖြိုးတိုးတက်ရေးအတွက် အပြန်အလှန်ပြောဆိုဆွေးနွေးခဲ့တဲ့အပြင် လက်ရှိမြို့တစ်မြို့လုံးရဲ့ လုံခြုံရေး၊ မူးယစ်ဆေးဝါးတိုက်ဖျက်ရေး၊မြို့သန့်ရှင်းရေးတွေ အဓိကလုပ်ဆောင်ပေးနေပြီလို့ လွယ်ဂျယ်မြို့မှာနေထိုင်တဲ့ ဒေသခံ အမျိုးသားတစ်ဦးက KNG ကိုခုလိုပြောပါတယ်။ “အရင်စစ်တပ်လက်အောက်မှာရှိတဲ့ အုပ်ချုပ်ရေးအဖွဲ့တွေကို တစ်ယောက်မှ အသုံးမပြုတော့ဘူး အကုန်ပြောင်းလိုက်ပြီ။ အခု KIO က အသစ်ခန့်အပ်ထားတဲ့ အုပ်ချုပ်ရေးမှူးကိုယ်တိုင်က တာဝန်ပေးထားတဲ့ ရပ်ကွက်တာဝန်ခံတွေနဲ့အတူ ပြည်သူတွေနဲ့ တွေ့ဆုံဆွေးနွေးပွဲတွေ လိုက်လုပ်နေတယ်။ အဓိကတော့ မြို့တစ်ခုလုံးရဲ့ လုံခြုံရေးနဲ့ မူယစ်ဆေးဝါးတိုက်ဖျက်ရေး၊ မြို့သန့်ရှင်းရေးတွေလုပ်ပေးနေတယ်”လို့ပြောပါတယ်။ လက်ရှိ KIO အစိုးရက အသစ်ခန့်အပ်ထားပေးတဲ့ မြို့နယ်အုပ်ချုပ်ရေးမှူးဟာ မြို့တစ်ခုလုံးအတွက် လုံခြုံရေး၊ မြို့သန့်ရှင်းရေး၊ ဒေသအတွင်း မူးယစ်ဆေးဝါးကင်းစင်မှုကို အဓိက အချက် ၃ ချက်နဲ့ ကြပ်မတ်လုပ်ဆောင်နေတယ်လို့ သူကဆက်ပြောပါတယ်။ လွယ်ဂျယ်မြို့ဟာ နယ်စပ်ကုန်သွယ်ရေးမြို့တစ်ခုဖြစ်တာကြောင့် မြို့တစ်ခုလုံးနီးပါ နှစ်ဆယ်ချီ စွန့်ပစ်ထားကြတဲ့အမှိုက်ထူထပ်တဲ့မြို့တစ်ခုဖြစ်ပြီးတော့ KIA က သိမ်းပိုက်ထားတဲ့ ၂ လအတွင်းမှာ မြို့တွင်းရှင်းလင်းရေးလုပ်ဆောင်လိုက်ပြီးနောက် လက်ရှိမြို့တစ်ခုလုံး အမှိုက်ကင်းစင်သွားပြီဖြစ်တယ်လို့ဒေသခံတွေပြောပါတယ်။ ဒါ့အပြင် လွယ်ဂျယ်မြို့တစ်ခုလုံး မူးယစ်ဆေးဝါးကင်းစင်ဖို့နဲ့ လုံခြုံရေးအတွက် မြို့တစ်ခုလုံးကိုလည်း ခေတ်မှီနည်းပညာ CCTV တွေအသုံးပြုပြီး လုံခြုံရေးအတွက်ကိုလည်း စနစ်တကျလုပ်ဆောင်သွားဖို့ရှိတယ်လို့ မြို့နယ်အုပ်ချုပ်ရေးမှူးကိုယ်တိုင် လူထုတွေ့ဆုံပွဲမှာ ပြောဆိုခဲ့တယ်လို့သိရပါတယ်။ လက်ရှိမှာတော့ တိုက်ပွဲငြိမ်သက်သွားတဲ့ နှစ်လဝန်းကျင်တိုက်ပွဲကြောင့်ထွက်ပြေးတိမ်းရှောင်သွားကြတဲ့ လွယ်ဂျယ်ဒေသခံ ပြည်သူတွေအားလုံးလည်း နဂိုမူလအတိုင်း နေရပ်ပြန်နေထိုင်ကြပြီဖြစ်ပြီး မြို့တွင်းစျေးဖွင့်လှစ်တာတွေ၊ အုပ်ချုပ်ရေးဌာနဆိုင်ရာ ရုံးအသီးသီးလည်း ပုံမှန်လည်ပတ်နေပြီဖြစ်ပါတယ်။ ဒါပေမယ့် နယ်မြေမတည်ငြိမ်မှုတွေဖြစ်နေသေးတာကြောင့် သွားလာရေးကိုတော့ကန့်သတ်ထားတာတွေရှိနေပြီး ကုန်သွယ်ရေးလုပ်ငန်းနဂိုမူလအတိုင်း ပြန်ပြီးလည်ပတ်ဖို့ရန်အတွက် ခက်ခဲနေသေးတယ်လို့ လွယ်ဂျယ်ဒေသခံအမျိုးသားက ဆက်ပြောပါတယ်။ “အခက်အခဲလို့ပြောရရင် ရောင်းဝယ်ရေးလုပ်ငန်းတွေ အရင်ကလိုပြန်ပြီးလည်ပတ်ဖို့ကတော့ လိုနေသေးတယ်။ ဘာလို့လဲဆိုတော့ ဗန်းမော်ဘက်ကို ဆက်သွယ်တဲ့ လမ်းတွေ အရင်ကလိုသွားလာခွင့်မရတော့ဘူး။ မြစ်ကြီးနားကို ဆက်သွယ်တဲ့ကားတွေလည်း ခက်သွားတယ်။ ဒါကြောင့် ရောင်းဝယ်ရေးနဲ့ အဓိက စီးပွားရေးလုပ်နေကြတဲ့ သူတွေအတွက်တော့ တော်တော်လည်းခက်နေသေးတယ်”လို့ပြောပါတယ်။ လွယ်ဂျယ်မြို့ဟာ ကချင်ပြည်နယ်ရဲ့ အဓိကကျတဲ့ နယ်စပ်ကုန်သွယ်ရေးမြို့ဖြစ်ပါတယ်။ ဒါကြောင့် နှစ်နိုင်ငံကုန်သွယ်ရေးလုပ်ငန်းတွေ အရင်ကလို ပြန်လည်ကောင်းမွန်လာဖို့ရန်အတွက် လက်ရှိခန့်အပ်ထားတဲ့ မြို့နယ်အုပ်ချုပ်ရေးအဖွဲ့တွေရဲ့စွမ်းဆောင်မှုပေါ်မူတည်ပြီးတော့ ပြန်ပြီးလည်ပတ်လာနိုင်တယ်လို့ လွယ်ဂျယ်ဒေသခံတွေက သုံးသပ်နေကြပါတယ်။ KIO က အသစ်ခန့်အပ်ထားတဲ့ လွယ်ဂျယ်မြို့ အုပ်ချုပ်ရေးတာဝန်ခံဟာ အသက် ၃၂ နှစ်အရွယ်ရှိတဲ့ ဦးဆွတ်ဂျတ်အောင်ဆိုသူဖြစ်ပြီးတော့ ပြီးခဲ့တဲ့ မေလအတွင်းမှာပဲ လက်ရှိအရေးပေါ်ကာလအတွင်း ယာယီအုပ်ချုပ်ရေးတာဝန်ကို ထမ်းဆောင်ဖို့ ခန့်အပ်ထားတာဖြစ်တယ်လို့ သိရပါတယ်။ လွယ်ဂျယ်မြို့ထဲမှာ ရပ်ကွက် ၇ ခုလောက်ရှိပြီး ဦးဆွတ်ဂျတ်အောင်က လွယ်ဂျယ်မြို့တစ်မြို့လုံးရဲ့ ယာယီမြို့နယ်အုပ်ချုပ်ရေးတာဝန်ခံဖြစ်ပြီး ရပ်ကွက်အသီးသီးမှာလည်း အုပ်ချုပ်ရေးမှူးတွေ ပြုပြင်ပြောင်းလဲ ဖွဲ့စည်းထားပြီလို့လည်းသိရပါတယ်။ လွယ်ဂျယ်မြို့ကို KIA သိမ်းပိုက်လိုက်တဲ့နောက် အုပ်ချုပ်ရေး၊ လုံခြုံရေး၊ စည်ပင်သာယာရေး လုပ်ငန်းတွေ ပြန်ပြီးလည်ပတ်ဖို့ မြို့နယ်အုပ်ချုပ်ရေးတာဝန်ခံတွေခန့်အပ်ပြီး စတင်လုပ်ဆောင်လာတဲ့ နှစ်လအတွင်းမှာ မြို့တွင်းပြောင်းလဲမှုတွေ အများကြီးမြင်တွေ့လာရတယ်လို့ လွယ်ဂျယ်မြို့ဒေသခံ နောက်ထပ်အမျိုးသားတစ်ဦးက အခုလို ပြောဆိုထားပါတယ်။ “KIO အုပ်ချုပ်တဲ့နောက်ပိုင်းမှာ လူမှုဝန်ဆောင်ရေးလုပ်ငန်းတွေဖြစ်တဲ့ စျေး၊ အမှိုက်ကိစ္စတွေ အရင်လုပ်ဆောင်တာကိုတွေ့ရတယ်။ အမှိုက်ကိစ္စလို့ပြောတဲ့အထဲမှာ တစ်မြို့လုံးအတိုင်းအတာနဲ့ လုပ်သွားတာ။ ပြီးရင်အခုတလော ပြည်သူလူထုတွေနဲ့ တွေ့ဆုံမှုမှာလည်း လွယ်ဂျယ်မြို့က နယ်စပ်ကုန်သွယ်စီးဆင်းရေးမြို့ဖြစ်တာကြောင့် တစ်မြို့လုံးကို ဘေးကင်းလုံခြုံဖို့ နည်းပညာတွေနဲ့ လုပ်ဖို့ စီစဉ်နေတယ်။ ပြီးရင် မူးယစ်ဆေးဝါးကင်းစင်ဖို့လည်းကြိုးစားလုပ်ဆောင်နေတာတွေ့ရတယ်”လို့ပြောပါတယ်။ လွယ်ဂျယ်မြို့မှာ အုပ်ချုပ်ရေးစနစ်တွေတိုးမြင့်ပြီး လုံခြုံရေး၊ စည်ပင်သာယာရေးလုပ်ငန်းတွေ အရင်ကထက် ပြောင်းလဲမှုတွေမြင်တွေ့ရပြီး လက်ရှိမှာ ကုန်သွယ်ရေးလုပ်ငန်းတွေ ပုံမှန်လည်ပတ်နိုင်ဖို့ရန်အတွက်လည်း KIO အစိုးရအနေနဲ့ လုပ်ဆောင်ပေးဖို့ ပြည်သူတွေကတောင်းဆိုထားပါတယ်။ KIO အစိုးရဘက် နှစ်နိုင်ငံနယ်စပ်ကုန်သွယ်ရေးတရားဝင် တံခါးပေါက်ဝကို ဧပြီလ ၁၁ ရက်နေ့မှာ ဖွင့်ပေးလိုက်ပြီဖြစ်ပေမယ့် ကုန်ကားတွေကိုသာ သွာလာခွင့်ရရှိသေးတာလည်းဖြစ်ပါတယ်။ ပြီးခဲ့တဲ့ မတ်လ ၈ ရက်နေ့မှာ လွယ်ဂျယ်မြို့တွင်းတပ် ခလရ ၁၄၂ တပ်ရင်းမှာရှိတဲ့ စစ်ကောင်စီတပ်ဖွဲ့တွေက တရုတ်နိုင်ငံဘက်ကိုထွက်ပြေးသွားကြပြီးနောက် မတ်လ ၉ ရက်နေ့မှာ မြို့တစ်ခုလုံးကို KIA ပူးပေါင်းတပ်တွေက သိမ်းပိုက်ခဲ့တာလည်းဖြစ်ပါတယ်။ လွယ်မြို့ကို မသိမ်းမှီ KIA ပူးပေါင်းတပ်တွေက လွယ်ဂျယ်မြို့ပတ်ပတ်လည် ဝိုင်းရံထားတဲ့ စစ်ကောင်စီတပ်စခန်း ၅ ခုလောက်ကို KIA သိမ်းပိုက်လိုက်တာလည်းဖြစ်ပါတယ်။ By…

Read More »

စိန်လုံတောင် (Sinlum Bum) တစ်ကြော ဒေသခံတွေ ပိုင်ဆိုင်တဲ့စိုက်ပျိုးမြေမှာ မြေရှားမတူးဖို့ ကန့်ကွက်

ဗန်းမော်ခရိုင် မိုးမောက်မြို့ နဲ့ လွယ်ဂျယ်မြို့ကြား စိန်လုံတောင်တစ်ကြော ဒေသခံတွေပိုင်ဆိုင်တဲ့စိုက်ပျိုးမြေမှာ မြေသတ္တုတူးဖော်မည့် စီမံကိန်းကို ဒေသခံတွေ ဆက်လက် ကန့်ကွက်နေတယ်လို့ သိရပါတယ်။ စိန်လုံတောင်အနီး ဗျဲန်ဝိုင်ကျေးရွာမှာ တိုက်ပွဲဖြစ်ပွားခဲ့စဉ်ကလည်း ကျေးရွာဒေသခံတွေကို ၎င်းတို့လုပ်ငန်းခွင်ထဲ သွားလာခွင့်ပိတ်ပင်ခဲ့ပြီး KIA ကတော့ မြေရှားသတ္တု ဆက်လက်တူးဖော်ခဲ့တယ်လို့ ဒေသခံတွေ ပြောပါတယ်။ “ဗျဲန်ဝိုင်မှာ တိုက်ပွဲဖြစ်ပေမဲ့…

Read More »

လွယ်ဂျယ်နယ်စပ်ဂိတ်ဖွင့်လိုက်ပြီး KIO အစိုးရ အုပ်ချုပ်ရေးယန္တရားစတင်လည်ပတ်

ကချင်လွတ်လပ်ရေးတပ်မတော် KIA ထိန်းချုပ်ထားပြီဖြစ်တဲ့ လွယ်ဂျယ်မြို့မှာ နှစ်နိုင်ငံနယ်စပ်ကုန်သွယ်ရေးတရားဝင်တံခါးပေါက်ကို စတင်ဖွင့်လိုက်ပြီး KIO ရဲ့ အုပ်ချုပ်ရေးယန္တရားစတင်လည်ပတ်နေပြီလို့ သိရပါတယ်။ တိုက်ပွဲကြောင့် ၂ ပတ်အကြာပိတ်ထားတဲ့ နယ်စပ်ဂိတ်တံခါးပေါက်နဲ့ ဆေးရုံးတွေကို KIO ရဲ့ အုပ်ချုပ်မှုအောက် ဧပြီလ ၁၁…

Read More »

လွယ်ဂျယ်မြို့ ခလရ ၁၄၂ တပ်ရင်းထဲက ငွေကျပ်သိန်းပေါင်း ၆ သောင်းကျော် KIA ရရှိ

 ကျပ်သိန်းပေါင်းများစွာရှိတဲ့ ငွေတွေကို စစ်တပ်ထဲက သိမ်းဆည်းရရှိတာဖြစ်တဲ့အတွက် ငွေတွေအားလုံးကို KIA ရဲ့ စခန်းသိမ်းပိုက်မှုမှာရရှိတဲ့ ပစ္စည်းအဖြစ် သိမ်းယူထားပြီလို့ သူကဆက်ဆိုပါတယ်။

Read More »

KIA သတိပေးထားတဲ့နောက်ဆုံးရက်မတိုင်မှီ လွယ်ဂျယ်စစ်တပ်တရုတ်သို့ထွက်ပြေး

“စစ်သားတွေကို မနေ့ကနောက်ဆုံးထွက်ဖို့ သတိပေးထားတယ်။ မထွက်ရင် ပစ်မယ်ဆိုပြီး KIA က အင်အားတွေ ထပ်တိုးထားပြီးတော့ ဝိုင်းရံထားတာဟုတ်တယ်။ သူတို့ဘက်ကလည်း ကြောက်လာလို့ထင်တယ်။ မနေ့ညက အကုန်ထွက်သွားကြပြီ”လို့ပြောပါတယ်။

Read More »

လမ်းခရီးကြောင့် တရုတ်ဘက်ပို့လို့မရတော့တဲ့ ဖရဲသီးနဲ့ငှက်ပျောသ်ီးများ ပြည်သူတွေကိုဝေပေးနေ

စစ်ရေးတင်းမာနေတဲ့ ဗန်းမော်– လွယ်ဂျယ်သွားသွားလမ်းမကြီးပိတ်ထားလို့ တရုတ်ပြည်ဘက်သွင်းမယ့် ငှက်ပျောသီးနဲ့ ဖရဲသီးတွေကို ကားသမားတွေဟာ မြို့မှာရှိတဲ့ပြည်သူတွေကို လိုက်ဝေပေးနေတယ်လို့ ဒေသခံတွေက ပြောပါတယ်။ ဧပြီလ ၅ ရက်နေ့ ဒီနေ့မှာတော့ ၁၂ ဘီးကားအပြည့်တင်ထားတဲ့ ဖရဲသီးတင်ထားတဲ့ကားနဲ့ ငှက်ပျောသီးတင်ထားတဲ့ကားတွေဟာ တရုတ်ပြည်ဘက်ကိုပို့ဖို့အဆင်မပြေတော့တဲ့အတွက် လူများတဲ့ဗန်းမော်မြို့ထဲက ရပ်ကွက်၊ ကျေးရွာတွေမှာရပ်ပြီး လိုက်ဝေပေးနေတယ်လို့ ဗန်းမော်မြို့ဒေသခံအမျိုးသားတစ်ယောက်က KNG ကိုပြောပါတယ်။ “ငှက်ပျော၊ ဖရဲကားတွေက လူများလောက်တဲ့နေရာတွေမှာရပ်ပြီး ဝေပေးနေကြတယ် တက်ယူတဲ့သူတွေကယူနဲ့ ကြိုက်သလောက် ယူနေကြတယ်။ တစ်ချို့က သုံးဘီးတွေနဲ့ တောင်လာယူကြတယ်၊ ဆိုင်ကယ်တွေနဲ့ရောဘဲ တင်ယူနေကြတယ်”လို့ပြောပါတယ်။ ဒီအသီးတွေဟာ ဗန်းမော်မြို့နယ် မန်တောင်၊ စီကော်၊ နောင်းဖောင်၊ နောင်လိုက်၊ မအူပင်၊ မန်ရွတ်၊ အောက်ခြောက်လမ်း၊ ငအိုဘက်လမ်းတွေစတဲ့ ငှက်ပျောခြံ၊ ဖရဲခြံတွေတင်လာတာဖြစ်ပြီး လမ်းခရီးအခက်ခဲကြောင့် တရုတ်ပြည်မပို့နိုင်တော့တာကြောင့် ခုလိုရပ်ကွက်၊ကျေးရွာတွေမှာ လိုက်ဝေပေးနေတာဖြစ်တယ်လို့ဆိုပါတယ်။ ဒါ့အပြင် ငှက်ပျောကား၊ ဖရဲကားတွေအနေနဲ့ အခုလို ရပ်ကွက်တွေမှာဘဲ လိုက်ဝေတာမျိုးအပြင် စစ်ဘေးရှောင်တွေဆီလည်း သွားရောက်လှူဒါန်းပေးစေချင်တယ်လို့လည်း ဗန်းမော်မြို့ဒေသခံတစ်ယောက်က ဆိုပါတယ်။ ဗန်းမော်–လွယ်ဂျယ်လမ်းပိတ်သွားပြီးနောက် လက်ရှိမှာ တရုတ်ပြည်ဘက်ကိုသွားနိုင်မယ့် တရားမဝင် မှောင်ခိုလမ်းတွေရှိပေမဲ့ အဲ့ဒီလမ်းကြောင်းတွေမှာ လေယာဉ်နဲ့ ပစ်ခတ်တာမျိုးတွေရှိတဲ့အတွက် အန္တာရယ်များတယ်လို့ ကားသမားတစ်ယောက်က ကိုပြောပါတယ်။ “ကျွန်တော်တို့ကတော့ လမ်းမပိတ်ခင်ကတည်းက အန္တရာယ်များလို့ မသွားဖြစ်တော့တာ  သွားတဲ့သူတွေကျတော့လည်း ဒီလမ်းပိတ်သွားပေမဲ့ တင်ပြီးသားဖြစ်တဲ့အတွက် ရောက်အောင်သာသွားလိုက်တယ် အဆင်မပြေတာတွေ အများကြီးဖြစ်တယ်။ လမ်းကြောင်းမှာ လေယာဉ်ပစ်တာတို့ ရှိတယ် တရားဝင်လမ်းမဟုတ်တဲ့အတွက်ကြောင့်လေ”လို့ပြောပါတယ်။ အထက်ပါ တရားမဝင်လမ်းကြောင်းအတိုင်းသွားလို့ရပေမယ့် တစ်ဖက်မှာတရုတ်ဘက်ကခွင့်မပြုလျှင် အဆင်မပြေမှုတွေရှိလာနိုင်တာကြောင့် ကားသမားတွေအနေနဲ့ ကားဆက်မသွားတော့ဘဲ အခုလိုလိုက်ဝေးပေးနေတာဖြစ်တယ်လို့ သူကဆက်ပြောပါတယ်။ ဗန်းမော်–လွယ်ဂျယ် လမ်းတစ်လျှောက် ဂိတ်စုစုပေါင်း ၈ ဂိတ်လောက်ရှိတယ်လို့  သိရပြီး ဂိတ်စခန်းတစ်ချို့ကု KIA ဘက်က တိုက်ခိုက်သိမ်းပိုက်ထားတာတွေရှိပါတယ်။ ဒါ့အပြင် ပြီးခဲ့တဲ့ မတ်လ ၇ ရက်နေ့ကစပြီး ဗန်းမော်– လွယ်ဂျယ်သွားလမ်းမှာရှိတဲ့ စစ်ကောင်စီတပ်ရဲ့ ဗျူဟာမြောက်စခန်းတွေကို KIA တပ်တွေက တိုက်ခိုက်သိမ်းပိုက်ထားပြီး တိုက်ပွဲတွေလည်းဆက်လက်ပြင်းထန်နေတဲ့အတွက် လုံးဝသွားလို့မရတော့တဲ့အခြေအနေဖြစ်နေတယ်လို့ သိရပါတယ်။ By – Bu Bu

Read More »