,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

ပိတ်မိနေသော ရွာသားများ ရိက္ခာပြတ်လပ်တော့မည်

KIA တပ်ရင်း ၆ ဌာနချုပ်၊ အောင်ဘာလေ ကျေးရွာအနီး၊ ဖားကန့်၊ ကချင်ပြည်နယ်

ဖားကန့်မြို့နယ် သန်းဂေါင် (အောင်ဘာလေ) ကျေးရွာအနီး ကချင်လွတ်မြောက်ရေးတပ်ဖွဲ့ (KIA)နှင့် အစိုးရ စစ်တပ်တို့အကြား ဇန်နဝါရီလ ၁၈ ရက် လေးရက်မြောက် တိုက်ပွဲ ဆက်လက် ဖြစ်ပွားနေပြီး ပိတ်မိနေသော ဒေသခံ ရွာသားများ စားနပ်ရိက္ခာ ပြတ်လပ်တော့မည် ဖြစ်ကြောင်း ကချင်လူမှုဖွံ့ဖြိုးရေးကွန်ယက် (KDNG) မှ တာဝန်ခံ ကိုစာဂျီက ပြောသည်။

လေးရက်မြောက် တိုက်ပွဲ ဆက်လက် ဖြစ်ပွားနေပြီး သန်းဂေါင် (အောင်ဘာလေ) ကျေးရွာသား ၁၀၀၀ ခန့်သည် ပိတ်မိနေဆဲဖြစ်၍ မကြာမီ စားနပ်ရိက္ခာ အခက်အခဲ ရှိလာတော့မည် ဖြစ်ကြောင်း သူက ကချင်သတင်းဌာန ကို ပြောသည်။

“ရွာသားတွေက ဒုက္ခရောက်နေကြတယ်။ အစားအသောက်လည်း ခက်လာတော့မယ်။ ဒီမနက် ကျနော်ကို ရွာသားတယောက် ဖုန်းဆက်ပြောလာတဲ့အတိုင်းဆို ဆန်အိတ် ၂၀ လောက်ဘဲ ရှိတော့တယ်။ ဘုရားကျောင်း မှာ ချက်ကျွေးတာ တရက်မှာ ဆန်အိတ် (၁၇) အိတ် ချက်ရတယ်။ အခုက (၂၀) လောက်ဘဲ ရှိတော့တယ် ဆိုတော့ မနက်ဖြန်၊ တဖက်ခါဆို စားဖို့ ခက်ခဲလာတော့မယ်။ ဆက်နေဖို့ ခက်တော့မယ်” ဟု သူက ပြောသည်။

ဇန်နဝါရီလ ၁၅ ရက်မှစတင်၍ သန်းဂေါင်ကျေးရွာသားများကို အစိုးရ စစ်တပ်က ရွာမှ ထွက်ခွာခွင့် မပြုဘဲ ထိန်းသိမ်း ထားပြီးနောက် ယခုတွင်မူ အဆိုပါ ရွာသားများနှင့်အတူ ဂင်စီကျေးရွာသား အပါအဝင် ၁၀၀၀ ကျော်ကိုလည်း ဆိုင်းရာကျေးရွာတွင် ဆက်လက် ထိန်းသိမ်းထားသည်ဟု သူက ပြောသည်။

စစ်တပ်က အဆိုပါ ရွာသးများအား ဆိုင်းရာကျေးရွာမှ ဆင်းခွင့်မပြုသလို၊ ထိုရွာသားများအား ကယ်ဆယ်ရန် အတွက် ဖားကန့်မြို့မှ ရပ်မိရပ်ဖများ၊ ဘာသာရေးခေါင်းဆောင်များကိုလည်း ယနေ့ ဇန်နဝါရီလ ၁၈ ရက်ထိ ဆန်ခါကျေးရွာရှိ အစိုးရ ဂိတ်က ဖြတ်သန်းခွင့် မပြုသေးကြောင်း သူက ဆိုသည်။

ယင်းကျေးရွာသားများထဲတွင် မူလတန်းမှ အလယ်တန်းထိ ကျောင်းသား ၂၀၀ ခန့်နှင့် ဆရာ၊ ဆရာမ ၂၁ ဦးလည်း ပါဝင်နေသဖြင့် မကြာမီ စာမေးပွဲ နီးကပ်လာပြီ ဖြစ်သော်လည်း ကျောင်းများ ပိတ်ထားရသဖြင့် ကျောင်းသားများပါ ဒုက္ခရောက်နေရသည်ဟု ကိုစာဂျီးက ဆက်လက် ပြောဆိုသည်။

ပိတ်မိနေသော ရွာသားများအရေးနှင့် KIA က ဖမ်းဆီးထားသော ကချင်ပြည်နယ် အစိုးရ ရဲတပ်ဖွဲ့ သုံးဦးအား ဖားကန့်မြို့နယ် အစိုးရသို့ ပြန်လည် လွဲပြောင်းပေးရန်အတွက် ကချင်ငြိမ်းချမ်းရေးအကျိုးဆောင်အဖွဲ့ (PCG) က ယနေ့ ဇန်နဝါရီလ ၁၈ ရက်တွင် ဖားကန့်မြို့သို့ ရောက်ရှိနေပြီ ဖြစ်ကြောင်း သိရသည်။

ဇန်ဝါရီလ ၁၄ ရက်က မိုးကောင်း-ကာမိုင်း-ဖားကန့် လမ်းကို သွားရောက် စစ်ဆေးကြည့်ရှုသည့် ကချင်ပြည်နယ် အစိုးရအဖွဲ့မှ လမ်းပန်းဆက်သွယ်ရေးဝန်ကြီး ဦးကမန်းဒူနော် နှင့်အတူ လိုက်ပါသွားသည့် လုံခြုံရေးတပ်ဖွဲ့ သုံးဦးအား ဖားကန့်မြို့ ဟွေလုံကျေးရွာအနီးတွင် ထိန်းသိမ်းခဲ့ပြီးနောက် ဇန်နဝါရီလ ၁၅ မှစတင်၍ တိုက်ပွဲ ပြန်လည် ဖြစ်ပွားခဲ့သည်။

ယနေ့ တိုက်ပွဲ ဆက်လက် ဖြစ်ပွားနေသည်ဟု သိရသော်လည်း အသေးစိတ်ကို မသိရသေးကြောင်း၊ ကျေးရွာသားများလည်း ဆက်လက် ပိတ်မိနေဆဲ ဖြစ်သည်ဟု KIO ဗဟိုဌာနချုပ် လိုင်ဇာမြို့မှ ကချင်စစ်ပြေးဒုက္ခသည်များ ကူညီရေးကော်မတီမှ တာဝန်ခံဟောင်း ဦးဒွဲပီဆာက ပြောသည်။

Read Previous

တိုက်ပွဲဆက်ဖြစ်နေချိန် ဖားကန့်ဒေသခံများ အစိုးရနယ်အတွင်းပိတ်မိနေဆဲ

Read Next

KIA ဖမ်းဆီးထားသော အစိုးရဲတပ်ဖွဲ့ဝင် ၃ ဦးကို လွှဲပြောင်းပေး

Leave a Reply

Your email address will not be published. Required fields are marked *