Breaking News :

ပိုးတွေ့လူနာတည်းခိုခဲ့သော မြစ်ကြီးနား အေးချမ်းသာတည်းခိုခန်း နှင့်ဆက်စပ်ခဲ့သူ ၂၀ ဦးကို Quarantine ထားရှိ

ကျေးရွာနယ်နမိတ်ထိ ရွှေတူးဖော်လာမည်ကို ဆွမ်ပရာဘွမ်ဒေသခံများစိုးရိမ်

ကချင်ပြည်နယ်လိပ်စာဖြင့် ထပ်တိုးပိုးတွေ့လူနာ ၂ ဦးမှာ မန္တလေးနှင့် နေပြည်တော်တွင်အသွားအလာကန့်သတ်ခံထားရသူများဖြစ်

ဖားကန့်တွင် မဲဆွယ်စည်းရုံးမှုများ ရပ်နားထား

ပြည်နယ်တွင်းမှ ဖားကန့်သို့ဝင်လာသူများ ကွာရန်တင်းဝင်ရမည်

ပြည်တွင်းစစ်များ ရပ်တန့်ရန် ကချင်အမျိုးသားအတိုင်ပင်ခံအဖွဲ့တောင်းဆို

ငြိမ်းချမ်းရေးအတွက် ဘယ်လိုလွှတ်တော်ကိုယ်စားလှယ်များကို​ ရွေးချယ်ကြမလဲ

Covid-19 ကြောင့် ကျောက်မျက်ရတနာများ ထက်ဝက်ဈေးဖြင့် ရောင်းချနေရ

ဖားကန့်တွင် Covid-19 အတည်ပြုလူနာ ၄ ဦး ထပ်တိုး

ကချင်ပြည်နယ်အတွင်း ခရီးသွားလျှင် သိထားသင့်သည့်အကြောင်းအရာများ

စစ်ရှောင်စခန်းများဝင်ထွက်ပိတ်ပင်မှု အချိန်ကြာလာရင် စားဝတ်နေရေး ခက်ခဲလာမည် (အင်တာဗျူး)

စစ်ရှောင်စခန်း

Covid-19 ကူးစက်ရောဂါကြောင့် မြန်မာနိုင်ငံတွင် ကူးစက်အတည်ပြုလူနာစတင်တွေ့ရှိပြီးနောက် ကချင်ပြည်နယ်ရှိ စစ်ရှောင်စခန်းများတွင်လည်း အဝင်အထွက် စတင်ပိတ်ပင်ခဲ့သည်။

ထိုအထဲ မြစ်ကြီးနားမြို့ရှိ အိမ်ထောင်စု ၁၄၀ ခန့်နှင့် လူဦးရေ စုစုပေါင်း (၇၁၂) ဦး ခိုလှုံနေသော ဇီးလွန် စစ်ရှောင်စခန်း၏အခြေအနေအကြောင်း စခန်းတာဝန်ခံ ဒေါ်လုဆန်ကို ကချင်သတင်းဌာန KNG က ဆက်သွယ် မေးမြန်းထားပါသည်။

မေး။ ။ IDP Camp အတွင်း Covid-19 ရောဂါနဲ့ ပက်သက်ပြီး ဘယ်လို စီစစ်ဆောင်ရွက်နေလဲ။
ဖြေ။ ။ ကျမတို့ တံခါးပိတ်သော့ခတ်ထားတာ တစ်ပတ်ရှိပြီ။ နေစား လုပ်တာတွေကိုလည်း မထွက်ခိုင်းတော့ဘူး။ လူစုလူဝေးလည်း မသွားခိုင်းတော့ဘူး။ အဖွဲ့အစည်းတွေလာရင်လည်း အထဲမဝင်ခိုင်းတော့ဘူး။ ကူညီရေးတွေလာရင်လည်း စခန်းအပြင်ဘက်ကနေပဲ လက်ခံတယ်။ ခြေလက်ဆေးဖို့အတွက်ကိုလည်း အပြင်ဘက်မှာပဲ လုပ်ထားတယ်။ ဒါကြောင့် ကျမတို့ စခန်းကလူတွေလည်း အပြင်ဘက်ကို ထွက်ဒါတွေမရှိဘူး။ ဖျားနာဒါနဲ့ အရေးပေါ်ကိုပဲ ထွက်ခွင့်ပြုထားတယ်။

မေး။ ။ Camp အပြင်ဘက်ကို ညအိပ်ထွက်တာတွေရှိနေသေးလား။
ဖြေ။ ။ မရှိပါဘူး။ Camp အပြင်ဘက်ကို ညထွက်အိပ်တဲ့သူ လုံးဝမရှိတော့ပါဘူး။

မေး။ ။ ဇီးလွန်စစ်ရှောင်စခန်းမှာ Covid-19 ရောဂါနဲ့ ပတ်သက်ပြီး အသိပညာပေးတာတွေ ရှိလား။
ဖြေ။ ။ကျန်းမာရေးဌာနနဲ့ KBC ဘက်က ထုတ်ပြန်ထားတဲ့ စာဒီကိုရောက်လာခဲ့ရင် ဒီမှာ မိုက်ကနေအော်ပေးတာရှိတယ်။

မေး။ ။ Camp စခန်းကလူတွေအနေနဲ့ လက်တွေ့လိုက်နာကြရဲ့လား။
ဖြေ။ ။ တစ်နိုင်ငံလုံးကူးစက်ပြန့်ပွားနေတဲ့ ရောဂါကာကွယ်ဖို့ မနက် ၊ ည ဒီကနေ အော်ပြီးသတိပေးနေတော့ အားလုံးကြောက်နေကြတယ်။ ရေစင်မှာ လက်ဆေးဆပ်ပြာနဲ့ ဆေးပြီး လိုက်နာကြပါတယ်။

မေး။ ။ Camp စခန်းအတွင်း အဝင်အထွက်လုပ်တဲ့သူတွေကို စခန်းကနေ ဘယ်လိုတာဝန်ယူစစ်ဆေးမှုတွေ လုပ်နေလဲ။
ဖြေ။ ။ ဧပြီလ ကုန်တဲ့အထိ အပြင်မှာနေပြီး အလုပ်လုပ်မယ်ဆိုတဲ့သူတွေကို ကျမတို့ ပေးထွက်လိုက်ပြီး မှတ်တမ်းရေးမှတ်ထားတယ်။ Camp ကလူတော့ဟုတ်တယ် အဝေးကနေပြီး ပြန်လာမယ်ဆိုတဲ့သူတွေကို ကျမတို့က စောင့်ကြည့်လူနာအဖြစ်ထားတယ် အစိုးရတွေနဲ့ တွဲပြီး။ သူတို့ အမျိုးအိမ်တွေမှာထားပြီး ၁၄ ရက်ကြာပြီးနောက် ကျမတို့ပြန်စစ်ဆေးပြီးမှ စခန်းအတွင်းကို ဝင်ခွင့်ပေးဖို့ စီစဉ်ထားကြတယ်။

မေး။ ။ Camp ကို တံခါးပိတ်သော့ခတ်လိုက်ပြီဆိုတော့ ကူညီရေးအဖွဲ့အစည်းတွေ ၊ အစိုးအနေနဲ့ ဆန် ၊ ဆီ ၊ ဆား ထောက်ပံ့မယ်ဆိုရင် ဘယ်လိုလက်ခံသွားဖို့ရှိလည်း။
ဖြေ။ ။ တံခါးပိတ်ထားတယ်ဆိုပေမဲ့ ကူညီရေးအဖွဲ့နဲ့ ကျမတို့ အမြဲတမ်းဖုန်းနဲ့ အဆက်အသွယ်လုပ်တယ်။ အရမ်းကြီးလာကူညီတာတွေမရှိဘူး။ ကူညီမဲ့သူတွေလာရင်တော့ ကျမတို့ အပြင်ကနေလက်ခံတာတွေရှိတယ်။

မေး။ ။ အစိုးရအနေနဲ့ ဆန် ၊ ဆီ ၊ ဆား ၊ ပဲ တွေ ထောက်ပံ့မယ်ဆိုဒါကို ဘယ်လိုကြားထားလဲ။
ဖြေ။ ။ ဆန်တော့လာပေးထားပြီး။ ဆန်ပဲလာပေးထားသေးတယ် တစ်ခြားတော့ ကူညီမဲ့အကြောင်း ဘာမှမပြောဘူး။ အစိုးရအဖွဲ့လို့ပြောပြီး လာပေးသွားတယ်။ လူဦးရေနဲ့ဆိုရင် ကျမတို့တွက်ကြည့်ဒါ ၃ ပြည်နဲ့ ၄ လုံး ကျတယ်။ အားလုံးကို ဝေပြီးပြီ။ ဆန်ပဲရောက်တယ်။ နောက်ပြီး ပြန်လာလှူမယ်လို့လည်း ပြောသွားဒါမရှိဘူး။ သူတို့ပြောသွားတာက နှစ်ပတ်လောက်ကျမတို့ အပြင်ကိုမထွက်ပဲနေနေဖို့တော့ ပြောသွားတယ်။

မေး။ ။ Camp အတွင်းမှာ လူများတော့ Covid-19 ရောဂါနဲပတ်သက်ပြီး လက်တလောလိုအပ်နေတာတွေက ဘာဖြစ်မလဲ။
ဖြေ။ ။ စားနပ်ရိတ်ခါနဲ့ ငွေရေးကြေးရေး ၊ ဆေးဝါးတွေက ပိုပြီးလိုအပ်လာမယ်လို့ ထင်တယ်။

မေး။ ။ အခုက နေ့စားတွေ မသွားလုပ်ရတော့ ဘယ်လောက်အတိုင်းအတာထိ အခက်အခဲကြုံတွေ့နေရလဲ။
ဖြေ။ ။ ကျမတို့က နေ့စားပဲလုပ်ပြီးစားနေရဒါလေ။ နေ့စားတွေလည်းမသွားရတော့ အများစုကတော့ ခက်ခဲနေကြတယ်။ အခုတော့ သူတို့ပေးထားတဲ့ ဆန်ကလည်း လမကုန်ခင် ကုန်သွားမှာပဲလေ။ ကုန်သွားရင်တော့ ကျမတို့ ပိုတောင်ခက်ခဲသွားတော့မယ်။

မေး။ ။ Camp ထဲမှာ လက်မှုတစ်ခုခုနဲ့ ဝမ်းစာရှာနေကြတဲ့သူတွေရောရှိလား။
ဖြေ။ ။ ရှိတော့ရှိတယ်။ သူတို့ကလည်း အပြင်ဘက်မထွက်ရ ဖောက်သည်သွင်းတဲ့ ဆိုင်တွေကလည်း ပိတ်ကုန်ပြီဆိုတော့ အလုပ်လက်မဲ့ဖြစ်ကုန်တယ်။

မေး။ ။ အစိုးရ နဲ့ NGO အဖွဲ့အစည်းတွေ Camp ထဲကိုလာပြီး ပညာပေးတာတွေ ၊ အခြေအနေ လာရောက်ကြည့်ရှုတာတွေရှိလား။
ဖြေ။ ။ လာလည်း သူတို့အရမ်းကြောက်တယ်ထင်တယ်။ အထဲကိုလည်းမဝင်ရဲကြဘူး။ ကျမတို့ကလည်း မဝင်ခိုင်းဘူး။ ဝင်ခိုင်မယ်ဆိုရင်လည်း အရမ်းကြောက်ကြတယ်။ ဒီရောဂါနဲ့ ပက်သက်ပြီး အသိပညာပေးတာတွေကို အပြင်ဘက်နေပဲ။ လူကယ်ပြန်အဖွဲ့တွေ ဘယ်လိုကနေ ဘယ်လိုကူးတယ် ၊ ဘယ်လို ကာကွယ်ရမယ်ဆိုတာကို အပြင်ကနေ မိုက်နဲ့ အော်ပေးတယ်။ ပြီးတော့ လက်ဆေး ဆပ်ပြာတွေလည်း ပေးသွားတယ်။

မေး။ ။ Covid-19 ရောဂါမဟုတ်ပဲ တခြား ရိုးရိုးဖျားနာတာတွေရှိလား။
ဖြေ။ ။ ရိုးရိုး ရာသီတုပ်ကွေး ဖျားနာနေတဲ့သူတွေရှိတယ်။ တစ်ချို့က ဆေးရုံတက်နေတဲ့သူတွေရှိတယ်။

မေး။ ။ ကလေးသူငယ်နဲ့ သက်ကြီးရွယ်အိုတွေအတွက် ရောဂါကာကွယ်ရေး သီးသန့်လုပ်ပေးတဲ့ အစီစဉ်တွေရှိလား။
ဖြေ။ ။ ကလေးနဲ့ သက်ကြီးရွယ်အိုတွေအတွက် သီးသန့်လုပ်ပေးတာ မရှိဘူး။ ကျမတို့ ကော်မတီက ငွေကြေးလည်းမတတ်နိုင်ဘူး။ ဘယ်အဖွဲ့အစည်းကနေမှ ဒီလိုလုပ်ပါဆိုပြီးတော့ ကူညီထောက်ပံ့ပေးတာလည်း မလုပ်ပါဘူး။

မေး။ ။ နောက်ဆုံးအနေနဲ့ ဖြည့်စွက်ပြောချင်တာရှိရင် ပြောပေးပါ။
ဖြေ။ ။ အစိုးရကနေ သတ်မှတ်ထားတဲ့ ဒီလ ၃၀ ရက်ထိလို့ပြောတယ်။ ပြန်ပြီးတိုးလာမလား အလျော့အတင်းဖြစ်နေတော့ နေ့စားတွေလည်း အားလုံးရပ်ထားရတယ်ဆိုတော့ နောက်ထပ်ပိုပြီး ရက်ရှည်လာမယ်ဆိုရင် စစ်ရှောင်စခန်းက လူတွေ စားဝတ်နေရေး ပိုပြီး ခက်ခဲသွားမယ်။ ကျန်းမာရေးလည်း ခက်ခဲသွားမယ်လို့ထင်တယ်။

 

0 Reviews

Write a Review

Read Previous

ဝိုင်းမော်ကျေးရွာအချို့တွင် တရုတ်ကုမ္ပဏီသို့ နေ့စားသွားခြင်းမပြုရန် အမိန့်ထုတ်

Read Next

လူနာအမှတ်စဉ် ၆၃ ၏ စက်ရုံမှပြန်လာသူကို မြစ်ကြီးနား မန်ခိန် နေအိမ်တွင် Home Quarantine လုပ်ထား

Leave a Reply

Your email address will not be published. Required fields are marked *