,

Breaking News :

မံစီမြို့နယ်  KIA တပ်ရင်း ၁၅ နှင့် ၂၇ တို့တွင် တိုက်ပွဲပြင်းထန်

မိုင်းနင်းသေဆုံးခဲ့သော သားအမိ ၂ ဦးကို မသင်္ကာကြောင်း စစ်တပ်ဘက်က စွပ်စွဲခဲ့

စင်းခန်းကျေးတွင် တာဝန်ကျသည့် စစစ(စုံစမ်းစစ်ဆေးရေး) တစ်ဦး အသတ်ခံရ

မြစ်ကြီးနားမြို့အဝင် ဆီဘောက်ဆာယာဉ်တန်းပစ်ခတ်ခံရမှု ထိခိုက်မှုမရှိနိုင်ကြောင်း ဒေသခံများပြော

နောင်မွန် KBC ဘုရားကျောင်း KIA လက်နက်သိုလှောင်ရုံအဖြစ် USDP ပါတီဝင်များ စွပ်စွဲပြောဆို

ဖားကန့်တွင် လက်ဖက်ရည်ဆိုင် ပိုင်ရှင်အမျိုးသမီးကို ဖမ်းဆီးတရားစွဲ

နောင်ကွမ်ကျေးရွာအနီး အာဏာသိမ်းစစ်တပ်စခန်းဘက်တွင် KIA နှင့် ပစ်ခတ်မှုဖြစ်ပွားခဲ့

နမ္မတီးတွင် အကြမ်းဖက်စစ်တပ်၏ ရမ်းသမ်းပစ်ခတ်မှုကြောင့် ပြည်သူ ၁ ဦးသေ၊ ၃ ဦးထိခိုက်ဒဏ်ရာရ

ရွှေကူတွင် ပစ်ခံရသည့် စစ်တပ်ရိက္ခာသယ် သင်္ဘောတစ်စီး ဒုတိယမြစ်ကျဉ်းတွင် ထပ်မံ ပစ်ခတ်ခံရ

မံစီမြို့အနီးတဝိုက် အကြမ်းဖက်စစ်တပ်က လက်နက်ကြီးများဖြင့် ပစ်ခတ်နေ

ချီဖွေ KIA တပ်စခန်း ၂ ခုကို ဖယ်ရှားရန် တပ်မတော်က သတိပေး

ရွမ္းျပည္နယ္ေျမာက္ပိုင္း မူဆယ္ခ႐ိုင္အတြင္း ျမန္မာအစိုးရတပ္ကို ခုခံတိုက္ခိုက္ေနတဲ့ ကခ်င္လြတ္လပ္ေရး တပ္မေတာ္ (KIA) တပ္မဟာ (၆) တပ္ဖြဲ႔

ချီဖွေမြို့နယ် မေခမြစ် အရှေ့ဘက်ရှိ ကချင်လွတ်လပ်ရေးတပ်မတော် KIA တပ်စခန်း၂ ခုကို ရုပ်သိမ်းပေးရန် ကချင်ပြည်နယ်အစိုးရ နယ်လုံဝန်ကြီးက PCG မှတဆင့် KIO ထံသို့ စက်တင်ဘာလ ၈ ရက်နေ့က စာဖြင့် အကြောင်းကြားခဲ့သည်ဟု သိရသည်။

စက်တင်ဘာလ ၁၃ ရက်နေ့ နောက်ဆုံးထားပြီး ရုပ်သိမ်းပေးရန်နှင့် ရုပ်သိမ်းခြင်းမရှိပါက နယ်မြေရှင်းလင်းရေးဆောင်ရွက်မည်ဆိုသည့် အကြောင်းကြားစာလက်ခံရရှိကြောင်း KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှူးကြီးနော်ဘူက KNG သို့ အတည်ပြုပြောဆိုသည်။

“ကျနော်တို့ စစ်ရေးနဲ့ မဖြေရှင်းပဲ နိုင်ငံရေးတွေ့ဆုံဆွေးနွေးမှုမျိုးနဲ့ ဖြေရှင်းသင့်တဲ့အကြောင်း စာပြန်အကြောင်း ကြားထားတယ်။ ယနေ့ထိ သူတို့ဘက်က ဘာမှ နယ်မြေရှင်းလင်းတာမျိုး၊ စာပြန်အကြောင်းကြားတာမျိုး မရှိသေးဘူး” ဟု ဗိုလ်မှူးကြီးနော်ဘူ ကပြောသည်။

KIO ဘက်က မြောက်ပိုင်းတိုင်းစစ်ဌာနချုပ်သို့ စာပြန်ထားသော်လည်း တပ်မတော်ဘက်မှ တစ်စုံတစ်ရာ တုံ့ပြန်ခြင်းမျိုး မရှိသေးကြောင်း သိရသည်။

KIA ၏ အဆိုပါတပ်စခန်း ၂ ခုသည် ၁၉၉၄ နှောင်းပိုင်းအခြေချထားသော တပ်စခန်းဖြစ်သည်ဟုဆိုကာ တပ်မတော်ဘက်က ဖယ်ရှားခိုင်းခြင်းဖြစ်သည်ဟု ကချင်ငြိမ်းချမ်းရေးအကျိူးဆောင်အဖွဲ့ PCG မှ ဒူဝါလမိုင်ဂွမ်ဂျာက ပြောသည်။

“ဒီနေရာတွေက ၁၉၉၄ ခုနှစ်အပစ်ရပ်သဘောတူစာချူပ်မှာ မေခမြစ်အရှေ့ဘက် နေထိုင်ခွင့်မပြုဘဲ မေခမြစ်အနောက်ဘက်မှာဘဲ နေထိုင်ခွင့်ပြုကြောင်း သဘောတူခဲ့တဲ့နေရာတွေဖြစ်တယ်ဆိုပြီး တပ်မတော်ဘက်က ပြောဆိုထားတယ်။ KIO ဘက်ကလည်း သူတို့နေရာဖြစ်တယ် ဆိုပြီး အငြင်းပွားမှုရှိခဲ့တယ် ” ဟု ဒူဝါလမိုင်ဂွမ်ဂျာက ဆိုသည်။

တပ်မတော်ဘက်ကလည်း ၁၉၉၄ နောက်ပိုင်း တပ်အင်အားတိုးချဲ့လာပြီး ယခင်မရှိသောနေရာများတွင်လည်း တပ်နေရာချထားသည့်အတွက် ယခုကိစ္စကိုတွေ့ဆုံဆွေးနွေးခြင်းဖြင့်သာ အဖြေရှာသင့်ကြောင်း ဗိုလ်မှူးကြီးနော်ဘူက ပြောသည်။

ယခုအငြင်းဖြစ်ပွားသော နေရာသည် ချီဖွေမြို့နှင့် အောက်ဘမ်းကြားရှိ KIA တပ်ရင်း ၄၆ နေရာဖြစ်သည်ဟု သိရသည်။

ချီဖွေမြို့တွင် KIA တပ်စခန်း ၂ ခုကို တပ်မတော်က ဖယ်ရှားခိုင်းမှုကိစ္စနှင့် ပတ်သက်ပြီး ချီဖွေဒေသခံများကို ဆက်သွယ်မေးမြန်းရာ သတင်းအကြောင်းအရာကို မသိရှိသေးသည့်အပြင် အခြေအနေထူးခြားမှုလည်းမရှိကြောင်း ဆိုသည်။

ချီဖွေမြို့နယ်သည် မေခမြစ်တစ်လျှောက် ရွှေတူးဖော်မှုများရှိနေပြီး ချီဖွေမြို့ အရှေ့မြောက်ဘက်တွင် မြေရှားသတ္တုတူးဖော်မှုများရှိကာ ချီဖွေငယ်ရေအားလျှပ်စစ် တည်ရှိရာသော ဒေသလည်း ဖြစ်သည်။

မြန်မာတပ်မတော်နှင့် ကချင်လွတ်လပ်ရေးတပ်မတော် KIA ကြား ရှမ်းပြည်နယ်မြောက်ပိုင်း မူဆယ်ခရိုင်၊ ကြူကုတ် (ပန်ဆိုင်း)မြို့နယ်ခွဲမှာ စက်တင်ဘာ ၁၁ ရက်နေ့မှ စပြီး ယနေ့ထိ တိုက်ပွဲဆက်လက် ဖြစ်ပွားနေသည်။

မြစ်ကြီးနားရှိ KIO ၏ နည်းပညာအကြံပေးအဖွဲ့ TAT ရုံးကိုလည်း ရုပ်သိမ်းရန် တပ်မတော်ဘက်က ပြီးခဲ့သည့် သြဂုတ်လတွင် KIO ထံ အကြောင်းကြားထားသည်။

ကချင်လွတ်လပ်ရေးအဖွဲ့ KIO သည် တစ်နိုင်ငံလုံးအပစ်အခတ်ရပ်စဲရေးသဘောတူစာချုပ် NCA ကို လက်မခံဘဲ မြောက်ပိုင်းမဟာမိတ်အဖွဲ့တွင်ပါဝင်ကာ တပ်မတော်နှင့် Bilateral လက်မှတ်ရေးထိုးနိုင်ရေး ကြိုးပမ်းနေသောအဖွဲ့ဖြစ်သည်။

Read Previous

မူဆယ်ခရိုင်တွင် မြန်မာစစ်တပ် နှင့် မြောက်ပိုင်းမဟာမိတ် တိုက်ပွဲ ဆက်လက် ဖြစ်ပွား

Read Next

မြန်မာစစ်တပ် နှင့် KIA မူဆယ်ခရိုင် (၃)နေရာမှာ တိုက်ပွဲဖြစ်ပွား

Leave a Reply

Your email address will not be published. Required fields are marked *