,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မိုးညှင်းခရိုင်တွင် မသန်စွမ်းများ မဲပေးရန် မဲရုံပေါင်း ၁၄၀ ရှိ

ဝိုင်းမော်တွင် မဲပေးသင်တန်းပြုလုပ်ခဲ့စဉ်

ကချင်ပြည်နယ် မိုးညှင်းခရိုင်တွင် မသန်စွမ်းများမဲပေးမည့် မဲရုံပေါင်း ၁၄၀ ရုံရှိကြောင်း မိုးညှင်းခရိုင်ရွေးကောက်ပွဲကော်မရှင်ရုံးမှ သိရသည်။

မိုးညှင်းခရိုင်တွင် မြို့နယ် ၃ခုရှိပြီး စုစုပေါင်း မဲရုံ ၂၈၀ ရုံရှိသည့်အနက် မသန်စွမ်းများ မဲထည့်မည့် မဲရုံပေါင်း ၁၄၀ ရှိကြောင်း ခရိုင် ရွေးကောက်ပွဲကော်မရှင်ရုံးမှ အရာရှိ ဦးမျိုးမင်းဦးက အတည်ပြုပြောဆိုသည်။

“အခု မသန်စွမ်းတွေ မဲပေးမယ့် မဲရုံပေါင်းက ခရိုင်တစ်ခုလုံးမှာဆို ၁၄၀ ရှိတယ်။ ဒီထဲမှာ တစ်ချို့မဲရုံမှာကျတော့ ၁ယောက်ရှိတာပါမယ် ၂ယောက်ရှိတာရှိမယ်။ ပြန့်ကျဲနေတဲ့သဘောပါ။ မဲလာပေးမယ့်ချိန်မှာလည်း ကျနော်တို့အနေနဲ့ မသန်စွမ်းတဲ့သူတွေ မဲပေးမယ့်ချိန်မှာ လွယ်လွယ်ကူကူ မဲပေးနိုင်ဖို့အတွက် ကျနော်တို့ ဒီလ လကုန်ပိုင်းဆိုရင် မဲရုံမှူးတွေကို သင်တန်းပေးဖို့ရှိတယ်။ အဲဒီချိန်မှာလည်း မသန်စွမ်းမဲပေးခြင်းနဲ့ပတ်သက်တဲ့ ပညာပေးတာတွေပါ ထည့်သွင်းသင်ကြားပေးမှာဖြစ်ပါတယ်။” ဟု မိုးညှင်းခရိုင် ရွေးကောက်ပွဲကော်မရှင် အရာရှိဦးမျိုးမင်းဦးက ပြောသည်။

နိုင်ငံတော်အစိုးရနှင့် အရပ်ဘက်အဖွဲ့အစည်းများ ပူးပေါင်းကာ မသန်စွမ်းသူများ မဲထည့်နိုင်ရန်အတွက် လမ်းညွှန်သင်တန်းများကို ပြည်နယ်အတွင်း ခရိုင်အလိုက်၊ မြို့နယ်အလိုက် သင်ကြားပေးနေပြီ ဖြစ်ကြောင်း ၎င်းက ဆက်ပြောသည်။

သို့သော် မသန်စွမ်းသူများအနေဖြင့် ကပ်ရောဂါကာလဖြစ်နေသည့်အတွက် မဲပေးလမ်းညွှန်သင်ကြားများ ပို့ချရာတွင် အခက်ခဲရှိနေကြောင်း ကချင်ပြည်နယ် မသန်စွမ်းသူများအသင်း ဥက္ကဌ ဦးဇုံးယော် က ပြောသည်။

“ဒီနှစ်ကတော့ မသန်စွမ်းတွေကို ရွေးကောက်ပွဲလမ်းညွှန်ကို သင်ပေးဖို့နိုင်ငံတော်ကနေ ဘတ်ဂျတ်ချပေးပြီးတော့ သင်တန်းပေးခိုင်းတယ်လို့ ကျနော်တို့ဆီမှာ မြန်မာနိုင်ငံမသန်စွမ်းအဖွဲ့ချုပ်ကနေ ညွှန်ကြားစာရောက်လာတဲ့တွက် ကျနော်တို့လည်း သင်တန်းတွေလုပ်နေပါတယ်။ ရောဂါကြောင့်မို့ လူတွေများများ စုလို့မရတာတွေကြောင့် သိပ်တော့အဆင်မပြေဘူး။ ခုလောလောဆယ်တော့ ဗန်းမော်ဘက်ပေးဖို့ စီစဉ်နေကြပါတယ် မကြာခင်မိုးညင်းခရိုင်သွားပေးဖို့လည်း ရှိပါတယ်။” လို့ ကချင်ပြည်နယ် ကိုယ်အင်္ဂါမသန်စွမ်းသူများ ဥက္ကဌ ဦးဇုံးယော်ကခုလိုပြောသည်။

မသန်စွမ်းများကို ရွေးကောက်ပွဲလမ်းညွှန်သင်တန်းပေးခြင်းသည် ယခု ပထမအကြိမ်ဖြစ်ကြောင်း ၎င်းကဆက်ပြောသည်။

မသန်စွမ်းများ မဲစာရင်းကောက်ယူရာတွင် ဝီးချဲလ်သုံးသူ၊ ဂျိုင်းထောက်သုံးသူ၊ အခြားချို့ယွင်းသူများ အမျိုးအစားခွဲခြားထားသည်ဟုဆိုသည်။ မဲထည့်ခွင့်ရှိသူများမှာ မိုးညှင်းမြို့နယ်တွင် ၂၃၇ ဦး၊ မိုးကောင်းမြို့နယ် ၁၀၅ ဦးနှင့် ဖားကန့်မြို့နယ် ၁၄၂ ဦးရှိကြောင်း သိရသည်။

မဲထည့်လို့ရမည့် မဲဆန္ဒရှင်လူဦးရေ စုစုပေါင်း ၄၁၆၇၀၅ မဲရုံပေါင်း ၂၈၀ ရှိကာ လွန်ခဲ့သည့် ၂၀၁၅ ခုနှစ်ထွေထွေရွေးကောက်ပွဲတွင် ၂၆၅၁၉၁ ရှိပြီး မဲရုံပေါင်း ၂၄၉ ရှိခဲ့ကြောင်း သက်ဆိုင်ရာမှ သိရသည်။

မိုးညှင်းခရိုင်တွင် ဝင်ရောက်ယှဉ်ပြိုင်မည့် ပါတီပေါင်း ၁၂ ပါတီရှိကာ ဝင်ရောက်ယှဉ်ပြိုင်ထားသည့် ကိုယ်စားလှယ်လောင်းပေါင်း ၈၉ ရှိကြောင်း သိရသည်။

ကချင်ပြည်နယ်တစ်ပြည်နယ်လုံးတွင် လာမည့် ၂၀၂၀ ရွေးကောက်ပွဲ၌ မဲပေးပိုင်ခွင့်ရှိသည့် မသန်စွမ်း မဲဆန္ဒရှင်ဦးရေ ၈ ထောင် ကျော်ရှိကြောင်း သက်ဆိုင်ရာမှ သိရသည်။

Read Previous

ရှဒူးဇွပ်ချောင်းရှင်းလင်းမှုကို ထိရောက်စွာဆောင်ရွက်စေလိုကြောင်း ဒေသခံများပြော

Read Next

ဗန်းမော်ခရိုင်ရှိ စစ်ဘေးရှောင်စခန်းသုံးခုတွင် မဲရုံဖွင့်ရန်လျာထား