,

Breaking News :

တရားဝင် စာတင်ပြလာခြင်းမရှိသဖြင့် ဂါးရာယန်ဒေသခံအတွက် နေအိမ်ဆောက်ပေးရန်အစီစဉ်မရှိသေး

သတင်းအမှား ဖြန့်ဝေပြောဆိုသည့် ၃ဦးကို KSPP တရားစွဲထား

KIO ဒု ဥက္ကဌ (ငြိမ်း) မှ အစိုးရ လွှတ်တော်ကိုယ်စားလှယ်ဖြစ်လာသူ KSPP ပါတီ ဥက္ကဌ ဒေါက်တာမနမ်တူးဂျာ

ကချင်ပြည်နယ်တွင် ၃ ရက်အတွင်း ကိုဗစ်အတည်ပြုလူနာ ၁၂ ဦးထိတိုးလာ

Covid ကာလ မြစ်ကြီးနားမြို့တွင် စားသောက်ဆိုင် ၁၀၀ ကျော် ပြန်လည်ဖွင့်လှစ်ရန်စီစဉ်နေ

မြစ်ကြီးနား ကွာရန်တင်းစင်တာများအတွက် တစ်လ သိန်း ၁၅၀ ခန့် အသုံးပြုနေ

အမျိုးသမီးများအပေါ်အကြမ်းဖက်မှု ပပျောက်ရေး လှုပ်ရှားမှု မြစ်ကြီးနားတွင် ပြုလုပ်

ဆန်ပြတ်လတ်နေသော ဆော့လော်မြို့နယ်အတွက် အစိုးရက ထောက်ပံ့ပေး

လူစားလှဲမောင်းခြင်းကြောင့် တရုတ်နယ်စပ် မြန်မာကားသမားများ အခက်အခဲတွေ့နေ

ဗန်းမော်မြို့ရှိစစ်ရှောင်များကို ဗန်းမော်မှ ထွက်ပြေးလာသူများမဟုတ်ကြောင်း လက်မှတ်ထိုးခိုင်း

KBC ဥက္ကဌ ညှိနှိုင်းပေးမှုကြောင့် တပ်မတော်နှင့် KIO အပစ်ရပ်လက်မှတ်ထိုးတော့မည်ဟူသော သတင်းမှား

မြန်မာ့တပ်မတော်နှင့် ကချင်လွတ်လပ်ရေးအဖွဲ့ KIO တို့ကြား ကချင်နှစ်ခြင်းခရစ်ယာန်အဖွဲ့ချုပ် KBC ဥက္ကဌ Rev. Dr. Hkalam Samson က ကြားဝင်ညှိနှိုင်းဆောင်ရွက်ပေးသောကြောင့် မကြာခင် Bilateral အပစ်အခတ်ရပ်စဲရေး လက်မှတ်ရေးထိုးနိုင်တော့မည်ဟူသောသတင်းသည် သတင်းမှားဖြစ်သည်ဟု သက်ဆိုင်သူများပြောသည်။

‘Mirror Kachin’ အမည်ရှိ လူမှုကွန်ယက်စာမျက်နှာတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောင်လှိုင်နှင့် KBC ဥက္ကဌ Rev. Dr. Hkalam Samson တို့သည် မကြာခဏတွေ့ဆုံဆွေးနွေးနေသောကြောင့် မကြာခင် တပ်မတော် နှင့် KIA သို့မဟုတ် မြောက်ပိုင်းမဟာမိတ်အဖွဲ့တို့နှင့်အတူ တရုတ်ပြည်တွင် လက်မှတ်ရေးထိုးဖွယ်ရှိကြောင်း ကချင်ဘာသာဖြင့် ရေးသားထားသည်ကို တွေ့ရသည်။

အဆိုပါသတင်းနှင့်ပတ်သက်ပြီး KBC ဥက္ကဌ Rev.Dr.Hkalam Samson ကို မေးမြန်းကြည့်ရာ ကာကွယ်ရေးဦးစီးချုပ်ဖြင့်တစ်ခါမျှသာ တွေ့ဆုံဖူးကြောင်းနှင့် အဆိုပါသတင်းသည် အမှားဖြစ်ကြောင်း ပြောဆိုသည်။

“အဲ့အကောင့်ပိုင်ရှင်ရေးသားထားတဲ့ပုံစံက စစ်တပ် ၂ဖက် သဘောတူညီလက်မှတ်ထိုးဖို့ ကျနော်က ဘဲ ကြားကနေ ညိနှိုင်းပေးနေတဲ့ ပုံစံဖြစ်နေတယ်။ ဒါကလုံးဝမဟုတ်ပါဘူး။ အဲ့လို ၂ဖက်ကြား Bilateral လက်မှတ်ထိုးဖို့ ညိနှိုင်းပေးဖို့လည်း ကျနော့်အလုပ်မဟုတ်သလို သက်ဆိုင်မှုလည်းမရှိဘူး။ မထိုးဖို့တောင်ပြောဆိုနေတာ အားလုံးသိပါ တယ်။ အခုနောက်ပိုင်း မြောက်ပိုင်းမဟာမိတ် ၄ဖွဲ့ သဘောတူညီရင် ထိုးမယ်ဆိုတာကလည်း အားလုံးသိကြပါတယ်။ ဒါပေမယ့် အဲ့လုပ်ငန်းစဉ်တွေက အခုထိမအောင်မြင်သေးဘူး။ သတင်းအမှားဖြစ်တယ်”ဟု ပြောဆိုသည်။

‘Mirror Kachin’ သည် အဆိုပါသတင်းကို Mizzima TV မှ ကိုးကားကာ ရေးသားထားသည်ဟု ဖော်ပြထားသည်။
သို့သော် အဆိုပါသတင်းနှင့်ဆက်စပ်သောအကြောင်းအရာကို Mizzima သတင်းစာမျက်တွင်လည်း ရေးသားထားခြင်း မတွေ့ရပါ။

အလားတူ Mizzima အနေဖြင့်လည်း ဆရာတော်ကို အင်တာဗျူး လာရောက်မေးမြန်းမှုမရှိသည်မှာ ကြာပြီဖြစ်ကြောင်း ပြောသည်။

ကချင်လွတ်လပ်ရေးအဖွဲ့ KIO ဗဟိုဌာနချုပ်ပြန်ကြားရေးတာဝန်ခံ ဗိုလ်မှုးကြီးနော်ဘူကလည်း လတ်တလော ငြိမ်းချမ်းရေး ဆွေးနွေးမှုများ မရှိကြောင်း ကချင်သတင်းဌာန KNG ကို ပြောသည်။

‘Mirror Kachin’ အကောင့်က သုံးစွဲထားသော ဓါတ်ပုံမှာ ၂၀၁၉ ခုနှစ် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် နေပြည်တော်တွင် တွေ့ဆုံခဲ့သော ဓါတ်ပုံဖြစ်သည်ကို တွေ့ရသည်။

တပ်မတော်၏ လူ့အခွင့်အရေးချိုးဖောက်မှုများကို အမေရိကန်သမ္မတဒေါ်နယ်ထရမ့်နှင့်တွေဆုံချိန် ဆရာတော်က တင်ပြခဲ့မှုနှင့်ပတ်သက်ပြီး တပ်မတော်က တရားစွဲဆိုခဲ့သော်လည်း ပြန်လည်ရုပ်သိမ်းသွားပြီးနောက် ကာကွယ်ရေးဦးစီးချုပ်၏ဖိတ်ခေါ်မှုအရ နေပြည်တော်တွင် သွားရောက်တွေ့ဆုံချိန် ရိုက်ကူးထားသော ပုံဖြစ်သည်ဟု ဆိုသည်။

‘Mirror Kachin’ Facebook အကောင့်ပိုင်ရှင်က အဆိုပါသတင်းမှားကို အောက်တိုဘာလ ၂၂ရက်နေ့ ည ၈နာရီ ၃၄ မိနစ်တွင် ရေးသားခဲ့သည်။ ယခုသတင်းအမှားကို ပြန်လည်မျှဝေသူ ၁၀၇ ဦးရှိနေပြီး ကောမန့်ရေးသားသူများတွင်လည်း သတင်းအမှားအမှန်ကို သိလိုကြောင်း မေးမြန်းမှုများရှိနေသည်။

ကချင်နှစ်ခြင်းခရစ်ယာန်အဖွဲ့ချုပ် KBC ဥက္ကဌ Rev.Dr.Hkalam Samson သည် ကချင်စစ်ပြေးဒုက္ခသည်များ နေရပ်ပြန်ရေးအတွက်လုပ်ဆောင်နေသော KHCC အဖွဲ့၏  ဥက္ကဌ လည်းဖြစ်သည်ဟု သိရသည်။

Read Previous

နမ်ခမ်၊ အင်ဂါးဂါး စစ်ပြေးဒုက္ခသည်များကို တနိုင်းမြို့တွင် ပြန်လည်နေချထားပေး

Read Next

လူသတ်မှုကျူးလွန်သူ ၃ ဦးကို KIO က အမြင့်ဆုံးပြစ်ဒဏ်ချမှတ်

Leave a Reply

Your email address will not be published. Required fields are marked *