,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

ချီဖွေစစ်ရှောင်တချို့ နေရပ်ပြန်ရန် စီစဉ်

ကချင်ပြည်နယ် ချီဖွေမြို့နယ်စစ်ရှောင်စခန်းမှ စစ်ရှောင်တချို့သည် နေရပ်ပြန်နိုင်ရေးအတွက် ပထမဆုံးအကြိမ် မိမိတို့ကျေးရွာ ခြုံနွယ်များ သွားရောက်ရှင်းလင်းခဲ့ကြသည်ဟု သိရသည်။

ချီဖွေမြို့အနီး ကန်ပိုင်ယန်ကျေးရွာမှ ဒေသခံစစ်ရှောင်ပြည်သူ ၄၀ ခန့်က နိုဝင်ဘာလ ၂ ရက်နေ့ မိမိတို့ကျေးရွာကို သွားရောက်ရှင်းလင်းခဲ့ကြသည်ဟု ချီဖွေ KBC စစ်ရှောင်စခန်းတာဝန်ခံ ဆရာယောန ထံမှ သိရသည်။

“သူတို့က အိမ်ပြန်ချင်ကြပြီ သူတို့အတွက် အိမ်တွေကိုတော့ ဘယ်သူတွေ ဆောက်ပေးမလဲမသိဘူး။ သူတို့အနေနဲ့ သွားရောက်ရှင်းလင်းထားနှင့်တဲ့ သဘောဖြစ်တယ်။ ကန်ပိုင်ယန်ကျေးရွာက နည်းနည်းခက်တယ်။ ဒီဘက် ချီဖွေဘက်ကဆိုရင် စစ်တပ်ထိုင်ပြီး ဟိုဘက် ကန်ပိုင်ယန်ကျေးရွာဆုံးအထက်မှာ KIA တွေထိုင်တယ်။ သူတို့က ကြားညှပ်နေတဲ့ ရွာလည်းဖြစ်နေတယ်။ သူတို့လည်း အိမ်ပြန်ချင်ပြီဘဲပြောနေကြတာ။ ခုချိန်ထိတော့ အိမ်တွေဘယ်အဖွဲ့အစည်း တာဝန်ယူဆောက်လုပ်ပေးသွားမယ်ဆိုတာတော့ မသိသေးဘူး။” ဟု ချီဖွေ KBC စစ်ရှောင်စခန်းတာဝန်ခံ ဆရာယောန ကပြောသည်။

သွားရောက်ခဲ့သော ဒေသခံများမှာ လက်ရှိ ချီဖွေ KBC စစ်ရှောင်စခန်း နှင့် LBC စစ်ရှောင်စခန်းတို့တွင် ခိုလှုံနေကြသည်ဟု သိရသည်။

ကန်ပိုင်ယန်ကျေးရွာဒေသခံများ နေရပ်ပြန်ရေးအတွက် အစိုးရက လုပ်ဆောင်နေသောကြောင့် ၎င်းတို့လုပ်ဆောင်ဆောင်ပေးခြင်းမရှိကြောင်း ကချင်လူသားချင်းစာနာထောက်ထားမှုအဖွဲ့ KHCC က ဆိုသည်။

“အစိုးရတွေ နဂိုထဲက သူတို့လုပ်ဆောင်ပေးနေဆဲဖြစ်တဲ့အတွက် ကျွန်တော်တို့ကတော့ မလုပ်ပေးတော့ဘူး။ ကျွန်တော်တို့က ကျွန်တော်တို့သတ်မှတ်ထားတယ်။ ဘယ်နေရာတွေလုပ်ပေးတယ်ဆိုတာ။သူတို့ဘက်ကတော့ အစိုးရဘက်က နဂိုထဲက သူတို့တတ်နိုင်သလောက် တာဝန်ယူလုပ်ဆောင်ပေးနေတဲ့ နေရာတွေရှိတယ်။” ဟု KHCC ဒု အတွင်းရေးမှူး ဆရာခါးလီ က ပြောသည်။

၎င်းကိစ္စနှင့်ပတ်သက်ပြီး သွားရောက်ရှင်းလင်းရာတွင်ပါဝင်ခဲ့သည့် ကန်ပိုင်ယန်ကျေးရွာဒေသခံ စစ်ရှောင်ပြည်သူများနှင့် ဆက်သွယ်ရရှိခြင်း မရှိသေးပါ။

ကန်ပိုင်ယန်ကျေးရွာသည် ချီဖွေမြို မှ ၁ မိုင်ခန့်သာ ကွာဝေးပြီး ကချင်ပြည်နယ်အတွင်း တပ်မတော်နှင့် KIA တို့ တိုက်ပွဲကြောင့် ထွက်ပြေးတိမ်းရှောင်လာသူများဖြစ်သည်။

အပစ်ရပ်လက်မှတ်ရေးထိုးခြင်းမရှိသေးသော်လည်း စစ်ပွဲနည်းပါးသွားသောကချင်ပြည်နယ်တွင် စစ်ရှောင်များသည် နေရပ်ပြန်ရန်ပြင်ဆင်နေမှုများ ရှိနေပြီဖြစ်သည်။

 

Read Previous

တပ်မတော်၏ ကြေညာချက်ကို ပြန်လည်တုံ့ပြန်မည်မဟုတ်ကြောင်း KIO ဆို

Read Next

ထပ်မံရွေးချယ်ခံရလျှင် မပြီးပြတ်သေးသည့် ဖွံ့ဖြိုးရေးလုပ်ငန်းများ ဆက်လုပ်မည်ဟု ဝန်ကြီးချုပ်ပြော