,

Breaking News :

တရားဝင် စာတင်ပြလာခြင်းမရှိသဖြင့် ဂါးရာယန်ဒေသခံအတွက် နေအိမ်ဆောက်ပေးရန်အစီစဉ်မရှိသေး

သတင်းအမှား ဖြန့်ဝေပြောဆိုသည့် ၃ဦးကို KSPP တရားစွဲထား

KIO ဒု ဥက္ကဌ (ငြိမ်း) မှ အစိုးရ လွှတ်တော်ကိုယ်စားလှယ်ဖြစ်လာသူ KSPP ပါတီ ဥက္ကဌ ဒေါက်တာမနမ်တူးဂျာ

ကချင်ပြည်နယ်တွင် ၃ ရက်အတွင်း ကိုဗစ်အတည်ပြုလူနာ ၁၂ ဦးထိတိုးလာ

Covid ကာလ မြစ်ကြီးနားမြို့တွင် စားသောက်ဆိုင် ၁၀၀ ကျော် ပြန်လည်ဖွင့်လှစ်ရန်စီစဉ်နေ

မြစ်ကြီးနား ကွာရန်တင်းစင်တာများအတွက် တစ်လ သိန်း ၁၅၀ ခန့် အသုံးပြုနေ

အမျိုးသမီးများအပေါ်အကြမ်းဖက်မှု ပပျောက်ရေး လှုပ်ရှားမှု မြစ်ကြီးနားတွင် ပြုလုပ်

ဆန်ပြတ်လတ်နေသော ဆော့လော်မြို့နယ်အတွက် အစိုးရက ထောက်ပံ့ပေး

လူစားလှဲမောင်းခြင်းကြောင့် တရုတ်နယ်စပ် မြန်မာကားသမားများ အခက်အခဲတွေ့နေ

ဗန်းမော်မြို့ရှိစစ်ရှောင်များကို ဗန်းမော်မှ ထွက်ပြေးလာသူများမဟုတ်ကြောင်း လက်မှတ်ထိုးခိုင်း

တပ်မတော်၏ ကြေညာချက်ကို ပြန်လည်တုံ့ပြန်မည်မဟုတ်ကြောင်း KIO ဆို

ရွေးကောက်ပွဲနှင့်ပတ်သက်ပြီး တိုင်းရင်းသားတော်လှန်ရေးအဖွဲ့များအပေါ် တပ်မတော်၏ သဘောထားကြေညာချက်ကို ပြန်လည်တုံ့ပြန်မှုမျိုး ပြုလုပ်မည်မဟုတ်ကြောင်း ကချင်လွတ်လပ်ရေးအဖွဲ့ KIO က ပြောသည်။

တိုင်းရင်းသားတော်လှန်ရေးအဖွဲ့တချို့က အင်အားတည်ဆောက်၍ ငြိမ်းချမ်းရေးကိုနှောင့်နှေးစေသည့် အပြုအမူများ လုပ်ဆောင်ခဲ့သောကြောင့် ငြိမ်းချမ်းရေးနှောင့်နှေးမှုအပြင် လာမည့် နိုဝင်ဘာလ ၈ ရက်နေ့တွင်ကျင်းပမည့် ရွေးကောက်ပွဲအတွက်ပင် လွတ်လပ်စွာ ဆန္ဒမဲပေးခွင့်ဆုံးရှုံးမှုများ ဖြစ်ပေါ်စေနိုင်ကြောင်း တပ်မတော်ကာကွယ်ရေး ဦးစီးချုပ်ရုံးက နိုဝင်ဘာ ၂ ရက်နေ့တွင် ထုတ်ပြန်ထားသည်။

“သူတို့ရေးထားတဲ့ တိုင်းရင်းသားလက်နက်ကိုင်တွေကြောင့် လွတ်လပ်စွာဆန္ဒမဲပေးခွင့် ဆုံးရှုံးမှုများ ဖြစ်ပေါ်စေတယ်ဆိုပြီး ပြောဆိုထားတယ်။ KIO အနေဖြင့် သူတို့ရဲ့ရွေးကောက်ပွဲကို ဝင်ရောက်နောက်ယှက်ခြင်း မလုပ်သလို ထောက်ခံခြင်းမျိုးလည်း လုပ်မှာမဟုတ်ဘူးလို့ ပြောထားပြီးဖြစ်တယ်။” ဟု KIO ဗဟိုဌာနချုပ်ပြန်ကြားရေးတာဝန်ခံ ဗိုလ်မှူးကြီးနော်ဘူ ကပြောသည်။

တပ်မတော်၏ ထုတ်ပြန်ချက်တွင် ‘ယခင်က မြို့နယ် ၉ မြို့နယ်သာ ရွေးကောက်ပွဲ မကျင်းပနိုင်သော်လည်း ယခုအခါ မြို့နယ် ၁၅ မြို့နယ်နှင့် အချို့မြို့နယ်များ၏ ကျေးရွာအုပ်စုများတွင် ရွေးကောက်ပွဲ ကျင်းပနိုင်ခြင်းမရှိကြောင်း’ ပါရှိသည်။ သို့သော်လည်း မည်သည့်ပြည်နယ်နှင့် တိုင်းဆိုသည်ကို တိကျစွာ ဖော်ညွန်းရေးသားထားခြင်း မရှိပေ။

ထို့ကြောင့် ယခု အထွေထွေရွေးကောက်ပွဲ မကျင်းပနိုင်သောနေရာများတွင် ကြားဖြတ်ရွေးကောက်ပွဲကို အမြန်ကျင်းပနိုင်ရန်မျှော်လင့်ပြီး တိုင်းရင်းသားတော်လှန်ရေးအဖွဲ့များကလည်း မိမိနှင့်မသက်ဆိုင်သောနေရာတွင် ရောက်ရှိနေပါက အမြန်ဆုံး ပြန်လည်ဆုတ်ခွာရန်လိုအပ်ကြောင်း ထုတ်ပြန်ချက်က ဖော်ပြထားသည်။

တိုင်းရင်းသားတော်လှန်ရေးအဖွဲ့များက လက်ရှိအာဏာရပါတီ NLD အစိုးရနှင့် တွေ့ဆုံဆွေးနွေးမှုမျိုး လုပ်ဆောင်နေသော်လည်း ငြိမ်းချမ်းရေး၏ အဓိကသော့ချက်ကိုတပ်မတော်ကသာ ကိုင်တွယ်နေကြောင်း ဗိုလ်မှူးကြီးနော်ဘူး က ဆက်လက်ပြောဆိုသည်။

“ကျွန်တော်တို့က အစိုးရနှင့်တွေ့ဆုံဆွေးနွေးမှုမျိုး အဓိကလုပ်ဆောင်တယ်။ ဒါပေမဲ့ အဓိက ငြိမ်းချမ်းရေး သော့ချက်ကို ကိုင်နေတာက တပ်မတော်ဖြစ်နေတယ်။ ဆိုတော့ သူတို့ပြောနေတဲ့ ထာဝရငြိမ်းချမ်းရေးဆိုတာက တိုင်းရင်းသားလက်နက်ကိုင်များအားလုံးကို လက်နက်ဖြုတ်သိမ်းရေးကို ပြောနေတာဖြစ်တယ်။ တရားဝင်သူတို့ ဒီလိုပြောတယ်။ ကျွန်တော်တို့ KIO သာမက ကျန်တဲ့ တိုင်းရင်းသားလက်နက်ကိုင်အားလုံး လက်နက်ဖြုတ်သိမ်းပြီး ငြိမ်းချမ်းရေးရမယ်လို့ဘယ်သူမှ မယုံကြည်ဘူး၊ လက်မခံဘူး။ ဒါကြောင့် တော်လှန်ရေးဆိုတာ ဌာနေတိုင်းရင်းသားများအားလုံး ရသင့် ရထိုက်တဲ့ အခွင့်အရေးတွေကို ရနိုင်တဲ့ နိုင်ငံရေးတွေ့ဆုံဆွေးနွေးမှုမျိုးဆို ပြည်တွင်းစစ်ကို ချူပ်ငြိမ်းနိုင်မှာဖြစ်တယ်။” ဟု ဗိုလ်မှူးကြီးနော်ဘူက ပြောသည်။

ရွေးကောက်ပွဲကျင်းပလျှင် တရားမျှတမှုမရှိနိုင်သော နေရာဒေသများကို ရွေးကောက်ပွဲ ကော်မရှင်က ကြေညာခဲ့ရာအများစုမှာ ပြည်နယ်ရှိ နေရာဒေသများဖြစ်နေသည်ကို တွေ့ရသည်။

Read Previous

ရွေးကောက်ပွဲအကြို အမှားများကို အစိုးရက တာဝန်ယူရမည်ဟု ကာကွယ်ရေးရုံးမှ ထုတ်ပြန်

Read Next

ချီဖွေစစ်ရှောင်တချို့ နေရပ်ပြန်ရန် စီစဉ်

Leave a Reply

Your email address will not be published. Required fields are marked *