,

Breaking News :

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

ရွေးကောက်ပွဲရလဒ်ကို ဥပဒေနဲ့အညီဖြစ်အောင် ပြန်လုပ်မည်ဟု USDP ဥက္ကဌ ပြော

ရွေးကောက်ပွဲ ဖြစ်စဉ်တစ်ခုလုံး ဥပဒေနှင့်အညီ မျှတသည့် ရွေးကောက်ပွဲအဖြေဖြစ်အောင် ဆက်လက် လုပ်ဆောင်သွားမည်ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ USDP ဥက္ကဌ ဦးသန်းဌေးက နိုဝင်ဘာလ ၁၀ ရက်နေ့ ပါတီ၏ လူမူကွန်ယက်စာမျက်နှာတွင် ပြောဆိုထားသည်။

နိုဝင်ဘာလ ၈ ရက်နေ့ ပါတီစုံအထွေထွေရွေးကောက်ပွဲ မဲပေးခြင်းလုပ်ငန်းများပြီးဆုံးသွားသော်လည်း မဲရေတွက်ခြင်းလုပ်ငန်း၊ အနိုင်ရကိုယ်စားလှယ်လောင်းကြေညာခြင်းလုပ်ငန်းများတွင် အငြင်းပွားဖွယ်ရာ ကိစ္စရပ်များကျန်ရှိနေသေးသည့်အတွက် လက်ရှိထွက်ပေါ်နေသည့်ရလဒ်များသည် အပြီးသတ်မဟုတ်သေးကြောင်းနှင့် ၎င်းတို့ပါတီအနေဖြင့် ဥပဒေနဲ့ညီသည့် ရွေးကောက်ပွဲအဖြေရရှိအောင်ဆောင်ရွက်သွားမည်ဖြစ်ကြောင်း ယခုကဲ့သို့ပြောဆိုထားသည်။

“ဥပဒေနဲ့အညီဖြစ်တဲ့ မျှတတဲ့ရွေးကောက်ပွဲအဖြေဖြစ်အောင် ကျနော်တို့ဟာ ဥပဒေနဲ့အညီဆက်ပြီးတော့ ကြိုးစားသွားမှာဖြစ်ပါတယ်။” ဟု ပြောဆိုသွားသည်။

၂၀၂၀ ရွေးကောက်ပွဲကို ရပ်ကျေးအဆင့် စတင်စဉ်ပင် အငြင်းပွားဖွယ်ရာမြောက်များစွာရှိခဲ့သည့်အပြင် သက်တမ်းတစ်လျှောက် ကြီးမှူး ကျင်းပခဲ့သည့် ကြားဖြတ်ရွေးကောက်ပွဲများတွင်ဖြစ်ပွားခဲ့သောအကြောင်းအရာများနှင့်ပတ်သက်ပြီး ပြည်ထောင်စုကြံ့ခိုင်ဖွံ့ဖြိုးတိုးတက်ရေးပါတီအပါအဝင် သက်ဆိုင်ရာပါတီများက အိတ်ဖွင့်ပေးစာများ၊ အိတ်ပိတ်ပေးစာများ၊ တောင်းဆိုစာများ၊ ဥပဒေနဲ့မညီကြောင်း ဝေဖန်ထောက်ပြမူများရှိခဲ့သော်လည်း တစ်စုံတစ်ရာတုံ့ပြန်ခြင်းမျိုးမရှိခဲ့ဟု ဆိုထားသည်။

နိုဝင်ဘာလ ၈ ရက်နေ့ထိ မဲပေးခြင်းဖြစ်စဉ် မဲရေတွက်ခြင်းဖြစ်စဉ်များတွင် အငြင်းပွားဖွယ်ရာ ဆက်လက်ပေါ်ပေါက်နေကြောင်း ပြောသည်။

“အချုပ်ပြောရမယ်ဆိုရင် ဒီဖြစ်စဉ်များနှင့်ပတ်သက်ပြီး ဥပဒေနဲ့အညီဖြစ်အောင် ဒီအထောက်ထားတွေနဲ့ အပြီးသတ် အဖြေရတဲ့ထိအောင် ဆက်လက်ပြီးဆောင်ရွက်သွားမှာဖြစ်ပါတယ်။ ကျနော်တို့လုပ်ရမယ့် လုပ်ငန်းတွေမပြီးသေးပါဘူး။ ဥပဒေပြင်ပကဖြစ်နေတဲ့ ကိစ္စတွေအားလုံးကို ဥပဒေနဲ့အညီဖြစ်အောင် ဆက်ပြီးကြိုးစားရပါအုံးမယ် ကြိုးလည်းကြိုးစားနေပါတယ်။” ဟု ပြောသည်။

ထို့ကြောင့် ရွေးကောက်ပွဲဖြစ်စဉ်တစ်ခုလုံးတွင် မိမိတို့ရရှိထားသည့် တရားမဲ့ပြုကျင့်မှုများအား သိမ်းထားခြင်းမပြုဘဲ ပြည်ထောင်စုကြံ့ခိုင်ရေးနှင့်တိုးတက်ဖွံ့ဖြိုးရေးပါတီ၏ သက်ဆိုင်ရာပါတီရုံးများတွင် သော်လည်းကောင်း ကိုယ်စားလှယ်လောင်းများထံလည်းကောင်း အထောက်ထားများအားပို့ပေးရန် မေတ္တာရပ်ခံထားသည်။

Read Previous

သတင်းတု သတင်းမှားကြောင့် ရွေးကောက်ပွဲ ရှုံးနိမ့်ရခြင်းဟု KSPP ဒု ဥက္ကဌ ပြော

Read Next

ငြိမ်းချမ်းရေးအတွက် တပ်မတော်ဘက်က ၅ ဦးအဖွဲ့ ဖွဲ့စည်း

Leave a Reply

Your email address will not be published.