,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

၁၉၄၇ ပင်လုံသဘောတူညီချက်နှင့်အညီ ဖက်ဒရယ်ဒီမိုကရေစီ လိုလားကြောင်း KSPP အကြောင်းပြန်

ကချင်ပြည်နယ် ပြည်သူ့ပါတီက မြစ်ကြီးနားမြို့တွင် လှည့်လည်ခဲ့စဉ်။

နောင်အနာဂတ်ဖယ်ဒရယ်ပြည်ထောင်စု တည်ဆောက်ရာတွင် ၁၉၄၇ ပင်လုံစာချုပ်သဘောတူညီချက်နှင့်အညီ ဖက်ဒရယ်ဒီမိုကရေစီကို လက်တွေ့အကောင်ထည်ဖော်ရန်လိုလားကြောင်း KSPP ပါတီက အမျိုးသားဒီမိုကရေစီအဖွဲ့ချူပ် NLD ပါတီကို ပြန်လည်အကြောင်းပြန်လိုက်သည်ဟု သိရသည်။

ရွေးကောက်ပွဲအနိုင်ရသော NLD ပါတီက နောင်အနာဂတ်ပြည်ထောင်စုတည်ဆောက်ရာတွင် တိုင်းရင်းသားပါတီများအနေဖြင့် ပူးပေါင်းပါဝင်ရန် ဖိတ်ခေါ်သည့်စာကို တိုင်းရင်းသားပါတီ ၄၉ ပါတီထံ ပေးပို့ခဲ့သည်။

NLD ပါတီ၏ ထိုပေးပို့စာကို KSPP က နိုဝင်ဘာလ ၁၇ ရက်နေ့တွင် လက်ခံရရှိပြီး ၁၈ ရက်နေ့တွင် ပြန်လည်အကြောင်းပြန်လိုက်သည်ဟု ပါတီ ဥက္ကဌ ဒေါက်တာ မနမ်တူးဂျာထံမှ သိရသည်။

“အမျိုးသားညီညွတ်ရေး အစိုးရ ဒီလိုလုပ်ဆောင်သွားနိုင်ရင်တော့ကောင်းတယ်။ ကျွန်တော်တို့မှာလည်း မူပေါ်လစီရှိပြီးသားဖြစ်တယ်။ အစိုးရကို ပါတီတစ်ခုထဲ ဖွဲ့စည်းတာမျိုးမဟုတ်ပဲ တိုင်းရင်းသားတွေနဲ့ အတူစုဖွဲ့တဲ့အစိုးရမျိုး နှင့်သွားဖို့ ပြောချင်တာဖြစ်တယ်။” ဟု KSPP ဥက္ကဌ ဒေါက်တာမနမ်တူးဂျာ ကပြောသည်။

NLD ၏ ထုတ်ပြန်ချက်တွင် တိုင်းရင်းသားများလိုလားနေသော ‘ဖက်ဒရယ်ဒီမိုကရေစီ’ မဟုတ်ဘဲ ‘ဒီမိုကရေစီ ဖက်ဒရယ်’ ဟုသာ သုံးနှုန်းနေသောကြောင့် ဝေဖန်မှုများလည်း ထပ်မံ ပေါ်ထွက်နေသည်ကို သိရသည်။

နိုဝင်ဘာ ၈ ရက်နေ့ ကျင်းပခဲ့သော အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD) ပါတီက နေရာအများစုတွင် အနိုင်ရရှိပြီးနောက် နိုဝင်ဘာလ ၁၂ ရက်နေ့တွင် တိုင်းရင်းသားပါတီများနှင့် ပတ်သက်ပြီး သဘောထားထုတ်ပြန်ခဲ့ခြင်းဖြစ်သည်။

Read Previous

တနိုင်း တရုန်(Tarung) ချောင်းကူးတံတား ည ၆ နာရီ ဂိတ်ပိတ်မှုကို ဒေသခံများမလိုလား

Read Next

စာချုပ် ချပြဖို့ထက် စီမံကိန်းအပြီးတိုင် ရပ်ဆိုင်းပေးရန်လိုလားကြောင်း မြစ်ဆုံဒေသခံများတောင်းဆို