,

Breaking News :

CDM ပြုလုပ်သည့် တက္ကသိုလ်ဝန်ထမ်း ဆရာ/မများ ကျောင်းဝန်းအတွင်းမှ ထွက်ပြေးတိမ်းရှောင်နေ

မြစ်ဆုံစီမံကိန်းဧရိယာတွင် ၂၀၁၃ ခုနှစ်မှစတင်ပြီး ပုဒ်မ ၁၄၄ ပုံမှန်ထုတ်ပြန် နေကျဖြစ်

လီဆူအနုပညာရှင် ယောတီဖာကို မည်သည့်နေရာတွင် ဖမ်းဆီးထားသည်ကို မသိရသေး

ဦးဒရှီလဆိုင်းအမှု စစ်ဆေးတော့မည်ဖြစ်သော်လည်း ရှေ့နေဖြင့် တွေ့ခွင့်မရသေး

စစ်အာဏာရှင်ဆန့်ကျင်မှုကြောင့် ဖမ်းဆီးခံရသော ပူတာအိုလူငယ် ၅ ဦးပြန်လည်လွတ်မြောက်

ရှမ်းမြောက် တိုက်ပွဲတွင် ဒေသခံ ၄ ဦးကို မြန်မာစစ်တပ်က ဖမ်းဆီးခေါ်ဆောင်သွား

ဖမ်းဆီးခံ ကချင်ဝန်ကြီးများကို မြစ်ကြီးနားအကျဉ်းထောင်ပို့

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

ကချင်ပြည်နယ် အစိုးရအဖွဲ့ တင်ဒါအောင်မြင်သော ကုမ္ပဏီများကို ထပ်မံ စစ်ဆေးပေးရန် KSPP တောင်းဆို

ကချင်ပြည်နယ်ပြည်သူ့ပါတီ KSPP က တောင်းဆိုထားသော စာ

၂၀၂၀ -၂၀၂၁ ကချင်ပြည်နယ်အတွင်း အစိုးရမှ ငွေလုံးငွေရင်းဖြင့်ဆောင်ရွက်မည့်လုပ်ငန်းအတွက် တင်ဒါအောင်မြင်သူများစာရင်းတွင် အဂတိလိုက်စားမှု ရှိ မရှိ စစ်ဆေးပေးရန် ကချင်ပြည်နယ်ပြည်သူ့ပါတီ KSPP ပါတီ လူငယ်အဖွဲ့က တောင်းဆိုထားသည်။

အဆိုပါ တင်ဒါအောင်မြင်သည့်ကုမ္ပဏီစာရင်းတွင် ဒေသခံလုပ်ငန်းရှင်များကို ဦးစားပေးမှု အားနည်းနေခြင်းနှင့် ဌာနဆိုင်ရာဝန်ထမ်းများပါဝင်သက်မှု ရှိမရှိ ပြန်လည်စစ်ဆေးပေးရန် KSPP လူငယ်ဌာနအဖွဲ့က ကချင်ပြည်နယ် ဝန်ကြီးချုပ်ထံ ဇန်နဝါရီလ ၁၅ ရက်နေ့က တောင်းဆိုထားသည်။

“ပြည်နယ်ဒေသခံလုပ်ငန်းရှင်တွေကို ဦးစားပေးမှုအားနည်းနေပြီး အခြားသူတွေကိုပဲ ဦးစားပေးထားတယ်။ ကချင်ပြည်နယ်ရဲ့ ဖွံ့ဖြိုးရေးလုပ်ငန်းမှာ အဓိကအခြေခံအဆောက်အဦး တည်ဆောက်ရေးလုပ်ငန်းပိုင်းမှာ နောက်ဆို ကချင်ပြည်နယ်က ဒေသခံတွေ လုပ်ငန်းမရှိသလောက်ဖြစ်သွားနိုင်ပါတယ်။” ဟု ကချင်ပြည်နယ်ပြည်သူ့ပါတီ(KSPP) လူငယ်ရေးရာကော်မတီ ခေါင်းဆောင်း ဦးနော်ခုန့်က ပြောသည်။

အစိုးရအနေဖြင့် ကချင်ဒေသခံ ကုမ္ပဏီများကို ပိုမို ပြုစုပျိုးထောင်သင့်ကြောင်း ဦးနော်ခုန့်က ထောက်ပြ ပြောဆိုသည်။

အဆိုပါတောင်းဆိုစာတွင် ကုမ္ပဏီ ဒါရိုက်တာတစ်ဦးတည်းက တင်ဒါအောင်သည့်ကုမ္ပဏီ တစ်ခုထက်မပါတွင် ပါဝင်နေခြင်း စသည့်အကြောင်းအရာကို စိစစ်ပေးရန် တောင်းဆိုထားသည်ကို တွေ့ရသည်။

ကချင်ဒေသခံများအလုပ်အကိုင်အခွင့်အလမ်း ပိုမိုရရှိစေရန်နှင့် ကချင်ပြည်နယ်အတွင်း ဝင်ငွေလည်ပတ်စီးဆင်းမှု အားကောင်းလာစေရန် ဒေသခံ ကုမ္ပဏီများကို ဦးစားပေးသင့်ကြောင်း ထပ်မံ တောင်းဆိုထားသည်။

၂၀၂၀ -၂၀၂၁ ဘဏ္ဍရေးနှစ်အတွက် ကချင်ပြည်နယ်အစိုးရအဖွဲ့မှ ငွေလုံးငွေရင်းဖြင့် ဆောင်ရွက်မည့် တည်ဆောက်ရေးလုပ်ငန်း( ၃၈) ခု အတွက် တင်ဒါအောင်ကုမ္ပဏီများစာရင်းကို ဇန်နဝါရီလ (၈) ရက်နေ့ထုတ်ပြန်ခဲ့သည်။

Read Previous

လယ်မြေ အကွက်ရိုက်ရောင်းချနေမှု တားမြစ်ခြင်းမှာ သိမ်းယူရန်မဟုတ်ဘဲ စနစ်တကျဆောင်ရွက်ရန်သာဖြစ်

Read Next

‘အကောင်းဆုံးက ညှိနှိုင်းအဖြေရှာပြီး လုပ်ဆောင်စေချင်တယ်’ ဦးကွမ်ကရောင်အောင်ခမ်းဖြင့် တွေ့ဆုံမေးမြန်းခြင်း

Leave a Reply

Your email address will not be published. Required fields are marked *