,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

ကချင်ပြည်နယ် မြို့နယ်အချို့ NLD ဆိုင်းဘုတ်များဖြုတ်သိမ်းခံရ

NLD ကချင်ပြည်နယ်ရုံးချုုပ်

ကချင်ပြည်နယ် အမျိုးသားဒီမိုကရေစီအဖွဲ့ချုပ် ပြည်နယ်ရုံးချုပ် ဆိုင်းဘုတ်၊ အလံများအား အရပ်ဝတ်နဲ့လူတစ်စုမှ လာရောက်ဖြုတ်သိမ်းသွားခြင်းဖြစ်ကြောင်း ကချင်ပြည်နယ်အလုပ်အမူဆောင် ဦးစိုင်းကျော်သူစိုးထံမှ သိရသည်။

စစ်အစိုးရမှ အာဏာသိမ်းပြီး(၃)ရက်အကြာတွင် ဖေဖော်ဝါရီလ (၃)ရက်နေ့ နံနက်တွင် ပါတီမှ တာဝန်ရှိသူများအား အသိပေးခြင်းမရှိဘဲ လာရောက်ဖြုတ်သွားခြင်းဖြစ်ကြောင်း ကချင်ပြည်နယ်အလုပ်အမူဆောင် စိုင်းကျော်သူစိုးက ပြောသည်။

“ဘယ်သူဖြုတ်လဲတော့ မသိဘူး ဓါတ်ပုံရိုက်တဲ့ထဲမှာ အရပ်ဝတ်နဲ့လာဖြုတ်နေတာတော့ တွေ့လိုက်တယ်။ အလံဘဲဖြုတ်တာမဟုတ်ဘူး အမျိုးသားဒီမိုကရေစီအဖွဲ့ချုပ်ဆိုတဲ့ စာလုံးတွေတောင်ဖြုတ်တာ LOGO တွေရှိတဲ့ဟာ အားလုံးဖြုတ်သွားတာ။ ကျနော်တို့ကိုဘယ်သူမှအကြောင်းမကြားဘူး ရုံးထဲလည်း ဝင်လို့မရတော့ဘူး။တရားဝင်ပါတီမို့ ရွေးကောက်ပွဲဝင်ပြိုင်တာလေ ခုတော့ဘာလုပ်တယ်လည်းမပြောဘဲနဲ့ ခုလိုဖျက်သိမ်းတာဆိုတော့ ပြီးတော့ နေရာတိုင်းလုပ်တယ်ဆိုလည်း တစ်မျိုးလေ ခုတော့ လုပ်တဲ့နေရာကလုပ်ပြီး မလုပ်တဲ့နေရာကမလုပ် အဲလိုဖြစ်နေတော့ အဖွဲ့ချုပ်ကလည်း ကြေညာချက်ထုတ်ထားတယ်။”ဆိုပြီး ပြည်နယ်အလုပ်အမူဆောင် စိုင်းကျော်သူစိုးကပြောသည်။

ယင်း ပါတီဆိုင်းဘုတ်၊အလံများဖြုတ်သိမ်းခြင်းနဲ့ပတ်သက်ပြီး ပြည်နယ်ရုံးချုပ်နှင့် မြစ်ကြီးနားခရိုင်ရုံးမှ ဖြုတ်သွားခြင်းဖြစ်ကြောင်း သိရသည်။

သို့သော် အချို့မြို့နယ်ပါတီရုံးများတွင် ဝင်ရောက်ရှာဖွေခြင်းများလည်း ရှိနေကြောင်း မိုးညှင်းမြို့နယ် အမှတ်(၁)ပြည်နယ်လွှတ်တော်ကိုယ်စားလှယ် ဒေါ်သက်ထားနှောင်းကခုလိုပြောသည်။

“အစ်မတို့ရုံးကိုတော့ ဆိုင်းဘုတ်ဖြုတ်ခိုင်းထားတာတွေတော့ မရှိပါဘူး ဒါပေမယ့် အစ်မတို့ရုံးကိုတော့ ဝင်ပြီး ပစ္စည်းတွေသိမ်းတယ် သိမ်းတာကို ကျမကတရားဝင်ဘာရချင်သလဲ ရချင်တဲ့ဟာကို ကျမကိုယ်တိုင် ဖွင့်ပြီးပေးလိုက်တာပါ။အဲကြောင့် ဘာတွေယူသွားလဲဆိုတာ ကျမတို့ဆီမှာလည်း မှတ်တမ်းယူတယ် သူတို့လည်းမှတ်တမ်းယူတယ် အဲဒါမှသာလျှင် တရားဝင်ဖြစ်မှာလေ။ ကျမတို့က တရားဝင်ဖွဲ့စည်းပ ါတီဖြစ်သလို ဖွဲ့စည်းပုံအခြေခံဥပဒေအရ တရားဝင်ဖျက်သိမ်းသေးတာမဟုတ်တဲ့အတွက် ဒီလိုပြုကျင့်သာ လုံးဝလက်မခံပါဘူူး။”ဟု အမှတ်(၁)ပြည်နယ်လွှတ်တော်ကိုယ်စားလှယ် ဒေါ်သက်ထားနှောင်းကပြောသည်။

အဆိုပါ ကိစ္စများနှင့်ပတ်သက်ပြီး အမျိုးသားဒီမိုကရေစီအဖွဲ့ချုပ်မှလည်း ဖေဖော်ဝါရီ (၃)ရက်နေ့ ရက်စွဲဖြင့် ကြေညာချက်တစ်စောင်ထုတ်ပြန်ခဲ့သည်။

ယင်းထုတ်ပြန်ချက်တွင် တပ်မတော်မှအာဏာရယူပြီးနောက် တိုင်းနှင့်ပြည်နယ်အချို့ရှိ NLD ရုံးများတွင်း စီးနင်းခြင်း၊ စာရွက်စာတမ်းသိမ်းဆည်းခြင်း၊ ကွန်ပြူတာ၊ လက်တော့ပ်များသိမ်းဆည်းခြင်းများ တရားမဲ့ပြုလုပ်မူများအား ကန့်ကွက်ကြောင်းနှင့် အဆိုပါ တရားမဲ့ပြုကျင့်မူများအား သက်ဆိုင်ရာတာဝန်ယူထားသူများက အမြန်ဆုံးတားမြစ်ပေးကြရန် တိုက်တွန်းထားသည်။

Read Previous

တိုင်းရင်းသားများ၏ တန်းတူအခွင့်အရေးကို ဦးထိပ်ထားသည့်အစိုးရလိုလားကြောင်း KBC ထုတ်ပြန်

Read Next

အာဏာသိမ်း အစိုးရ ပြုလုပ်မည့်ရွေးကောက်ပွဲတွင် KSPP ယှဉ်ပြိုင်မည်ဟူသော ပါတီဥက္ကဋ္ဌ ပြောဆိုချက်မှာ ပါတီကိုယ်စားမပြုဟုဆို