,

Breaking News :

အင်းတော်နယ်တွင် စစ်ကောင်စီထုတ် ဘီယာအဖာ ၂၀၀ တိတိကို KIA နှင့် PDF ဖျက်ဆီး

မမုံ သပိတ်ခေါင်းဆောင်နှင့် ဟိုပင်လွှတ်တော်ကိုယ်စားလှယ် ၂၁ မိုင် ဂိတ်တွင် ဖမ်းခံရ

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

ဆယ်ဇင်းကျေးရွာ နေအိမ် ၄၀၀ ကျော်ကို KIA နှင့် PDF တို့ မီးရှို့ဖျက်ဆီးလိုက်သည်ဆိုသာ သတင်းအမှား

နောင်းမီတွင် KIA မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၂ဦးထိခိုက်ဒဏ်ရာရရှိ

ကသာ ဒေသခံ ၃၀ ကျော်ကို စစ်ကြောင်းထိုးနေသည့် စစ်ကောင်စီတပ်က ဖမ်းခေါ်သွား

ဆယ်ဇင်းတွင် စစ်ကောင်စီ လက်နက်ကြီးပစ်ခတ်မှုကြောင့် ရွှေမှော်ကျေးရွာ ၂၀ မှ ပြည်သူများ ထွက်ပြေး တိမ်ရှောင်နေရ

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

အာဏာသိမ်းစစ်အစိုးရ၏ ကမ်းလှမ်းမှုကို KSPP ပါတီ ငြင်းဆို

နိုင်ငံတော်စီမံအုပ်ချုပ်ရေးကောင်စီတွင် ပါဝင်ရန် ပါတီအနေဖြင့် ကမ်းလှမ်းခံခဲ့ရသော်လည်း ငြင်းဆိုခဲ့ကြောင်း ကချင်ပြည်နယ်ပြည်သူ့ပါတီ (KSPP) ပါတီမှ ဒုဦးကွမ်ကရောင်အောင်ခမ်းကပြောသည်။

“ပထမ အာဏာသိမ်းပြီးချင်းကတော့ ဥက္ကဋ္ဌကိုကမ်းလှမ်းတာ ဒါကတော့နိုင်ငံတော်ကောင်စီအဆင့်အနေနဲ့ကမ်းလှမ်းလာတယ်။ ဒုတိယအဆင့်အနေနဲ့တော့ ပါတီတိုင်းကိုကမ်းလှမ်းလာခြင်းဖြစ်ပါတယ်။ နှစ်ခုစလုံးကို ကျနော်တို့အနေနဲ့လက်ခံခြင်းမရှိဘူး။ လက်မခံရတဲ့အကြောင်းရင်းကလဲ ခုလက်ရှိမှာအာဏာသိမ်းတဲ့အခြေနေမျိုးဖြစ်နေပါတယ်။ ကျနော်တို့အနေနဲ့ အာဏာသိမ်းတာဘဲဖြစ်ဖြစ် ထိန်းတာဘဲဖြစ်ဖြစ် လုံးဝလက်မခံနိုင်ပါဘူး။” ဟု  ကချင်ပြည်နယ်ပြည်သူ့ပါတီမှ ဒု ဥက္ကဋ္ဌ-၂ ဦးကွမ်ကရောင်အောင်ခမ်းကပြောသည်။

ဖေဖော်ဝါရီလ ၁ရက်နေ့ စစ်တပ်မှ အာဏာသိမ်းပြီးနောက် တိုင်းရင်းသားပါတီများအား နိုင်ငံတော်အုပ်ချုပ်ရေးကောင်စီတွင် ပါဝင်ရန်ကမ်းလှမ်းမူများရှိခဲ့သည်။

ကချင်ပြည်နယ်ပြည်သူ့ပါတီအနေဖြင့် လက်ရှိဖြစ်ပေါ်နေသည့်နိုင်ငံရေးအခင်းအကျင်းအား နိုင်ငံရေးနည်းလမ်းဖြင့် ညှိနိူင်းအဖြေရှာခြင်းမျိုးသာ လုပ်ဆောင်ရန် ဖေဖော်ဝါရီလ (၆)ရက်နေ့တွင်လည်း တိုင်းရင်းသား ၅ပါတီမှ သဘောထားထုတ်ပြန်ထားသည်။

“ကျနော်တို့ပါတီ ၅ပါတီရဲ့သဘောထားကိုလည်း ထုတ်ပြန်ပြီးဖြစ်ပါတယ်။ ကျနော်တို့ရဲ့သဘောထားက ပြည်သူလူထုတွေနဲ့တစ်သားတည်းဖြစ်ပါတယ်။ ခုလက်ရှိစစ်အာဏာရှင်စနစ်သွားတာကိုလည်း အားလုံးအမြန်ဖြေရှင်းဖို့လိုတယ် အဓိကတော့ တွေ့ဆုံစကားပြောဖို့လိုတယ် ဒီမိုကရေစီတွေအင်အားစုပါဝင်ဖို့လိုသလို စစ်တပ်ကလည်းပါဝင်ဖို့လိုတယ်။ နောက်တစ်ချက်ကတော့ တိုင်းရင်းသားအင်အားတွေလည်း အားလုံးတစ်ညီတစ်ညွှတ်တည်းပါဝင်ပြီးမှ ကျနော်တို့နိုင်ငံကို ၁၉၄၇ ခုနှစ်ပင်လုံစာချုပ်အရသွားတဲ့ဟာကို အကောင်အထည်ဖော်ဖို့လိုမယ်။” ဟု ပါတီ ဒု ဥက္ကဋ္ဌ-၂ ဦးအောင်ခမ်းက ပြောသည်။

ကချင်ပြည်နယ်တွင် စစ်အာဏာသိမ်းပြီး တစ်ပတ်အကြာ ဖေဖော်ဝါရီလ ၈ ရက်နေ့မှ စစ်အာဏာသိမ်းမူ ဆန့်ကျင်သည့် ဆန္ဒပြပွဲများအား နေ့စဉ်ဆန္ဒထုတ်ဖော်လျှက်ရှိနေကြသည်။

အဆိုပါ ဆန္ဒထုတ်ဖော်ရာတွင် တိုင်းရင်းသားအများစုကိုင်ဆောင်ထားသည့် ဆိုင်းဘုတ်များတွင် ဖွဲ့စည်းပုံအခြေခံဥပဒေဖျက်သိမ်းရေး၊ ဖက်ဒရယ်ပြည်ထောင်စုပေါ်ပေါက်ရေး၊၁၉၄၇ ပင်လုံစာချုပ်ကတိကဝတ်အကောင်ထည်ဖော်ရေး အစရှိသည့် ပိုစတာ၊ ဆိုင်းဘုတ်များကိုင်ဆောင်လျှက် ဆန္ဒထုတ်ဖော်မူများရှိနေသည်။

Read Previous

စစ်အာဏာရှင်ဆန့်ကျင်ဆန္ဒပြမှုတွင် KBC ပါဝင်လာ

Read Next

ပူတာအို စစ်အာဏာသိမ်းမှု ဆန့်ကျင်ရာတွင် ပါဝင်သူ ၂ ဦးကို ရဲများက ရှာဖွေနေ

Leave a Reply

Your email address will not be published.