,

Breaking News :

ဖားကန့် သပိတ်စစ်ကြောင်းဖြိုခွဲရန်သွားသည့် ရဲနှင့်စစ်သားများ မိုင်းခွဲ တိုက်ခိုက်ခံရပြီး သေဆုံးမှုရှိ

အာဏာသိမ်းစစ်တပ် ဂျက်တိုက်လေယာဉ်များ တရုတ်နိုင်ငံဘက်ခြမ်းမှ KIA ကို ပစ်ခတ်နေ

မိုးမောက်မြို့နယ် တိုက်ပွဲတွင် အာဏာသိမ်းစစ်တပ်ဘက်က ထိခိုက်သေဆုံးမှုများပြား

အလောဘွမ် (Alaw Bum) ကို ဂျက်တိုက်လေယာဉ်ဖြင့် အကြိမ်ကြိမ်သွားရောက်ပစ်ခတ်နေ

ဒေါ့ဖုန်းယန် အလောဘွမ် တပ်စခန်းသို့ အာဏာသိမ်းစစ်တပ်က လက်နက်ကြီးဖြင့် ဆက်တိုက်ပစ်ခတ်နေ

ဖားကန့် အလွတ်တန်း သတင်းထောက်တစ်ဦးကို ပုဒ်မ ၅၀၅-က ဖြင့် တရားစွဲ

ပူတာအို စစ်အာဏာသိမ်းမှုဆန့်ကျင်သူ လူငယ်များကို ဝရမ်းထုတ်ထားသဖြင့် တိမ်းရှောင်နေရ

မိုင်းခွဲတိုက်ခိုက်ခံရသော အာဏာသိမ်းစစ်တပ်က ပြည်သူများကို ပြန်လည်ပစ်ခတ်

KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်

ကချင်ပြည်နယ် CDM လှုပ်ရှားမှုတွင် ပညာရေးဝန်ထမ်းအများစုပါဝင်ဟု KPICT ထုတ်ပြန်

ပူတာအိုမှ ဖမ်းဆီးခံလူငယ် ၅ ဦးလွတ်မြောက်ရန် အာဏာသိမ်းစစ်ကောင်စီ ညှိနှိုင်းရေးအဖွဲ့က ဆောင်ရွက်နေဟုဆို

ပူတာအိုတွင် စစ်အာဏာရှင်စနစ် ဆန့်ကျင်ကြောင်း ကနဦးဆန္ဒဖော်ထုတ်ရာတွင်ပါဝင်ခဲ့သော လူငယ် ၅ ဦးသည် လက်ရှိအချိန် ပုဒ်မ ၃ ခုဖြင့် တရားစွဲခံထားရပြီး ၎င်းတို့လွတ်မြောက်စေရန် အာဏာသိမ်းစစ်ကောင်စီက ခန့်ထားသော ‘စေ့စပ်ညှိနှိုင်းရေးကော်မတီ’ ဆွေးနွေးနေသည်ဟု ဆိုသည်။

လူငယ် ၅ဦးမှာ ဖေဖော်ဝါရီလ ၂၀ရက်နေ့ ဖမ်းဆီးခံခဲ့ရခြင်းဖြစ်ပြီး ပြန်လည်လွတ်မြောက်လာရန် ၎င်းသူတို့၏ အမည်စာရင်းနှင့်အချက်အလက်များကို စစ်ကောင်စီဥက္ကဌထံသို့ တင်ပြထားပြီဖြစ်ပြီး ယခုလာမယ့် အပတ်တွင် လွတ်မြောက်လာနိုင်ရန် ဆက်လက်ညှိနှိုင်းနေကြောင်း စစ်ကောင်စီညှိနှိုင်းရေးအဖွဲ့ဝင် ဒေါ်ဘောက်ဂျာက ပြောသည်။

“ဖမ်းဆီးခံလိုက်ရတဲ့ လူငယ်တွေရဲ့အချက်အလက်စာရင်းကို ပြည်နယ်ကောင်စီ ဥက္ကဋ္ဌ ဦးခက်ထိန်နန်ထံ တင်ပြထားတယ်။ သူတို့အနေနဲ့အကောင်းဆုံးဖြစ်အောင်လုပ်ဆောင်ပေးမယ်လို့ပြောခဲ့တယ်။ ထွက်လာဖို့က လာမယ့် အပတ်က သေချာတယ်”ဟု ဆိုသည်။

ဒေါ်ဘောက်ဂျာသည် ကချင်ပြည်နယ်ပြည်သူ့ပါတီ KSPP ပါတီမှ ဒု ဥက္ကဋ္ဌ-၄ တာဝန်ရှိသူဖြစ်ပြီး၊ စစ်ကောင်စီတွင်ပါဝင်ပြီးနောက် ပါတီက နှုတ်ထွက်ထားပြီဟု သိရသည်။

၎င်းဖမ်းဆီးခံရသည့် လူငယ် ၅ဦးကို အာဏာသိမ်းစစ်ကောင်စီက ထုတ်ပြန်ထားသည့် ပုဒ်မ ၁၄၄ ၊ အသေရေဖျက်မှု ပုဒ်မ ၅၀၅(က)၊ မတရားအသင်းဆက်သွယ်မှု ၁၇/၁ စသော ပုဒ်မ ၃ခုစီဖြင့် တရားစွဲဆိုထားခြင်းဖြစ်သော်လည်း လွတ်မြောက်လာသည့်နေ့တွင် တရားရုံးတွင်အပြီးသတ်လုပ်ဆောင်ပေးဖို့လည်း တောင်းဆိုထားသည်ဟု ဒေါ်ဘောက်ဂျာက ဆက်လက်ပြောဆိုသည်။

ပုဒ်မ ၃ခုစီဖြင့် တရားစွဲဆိုခံရသည့် လူငယ် ၅ဦးကို လာမည့်အပတ် မတ်လ ၅ရက်နေ့တွင်ပထမဆုံး စတင်ရုံးထုတ် စစ်ဆေးရန် စီစဉ်ထားကြောင်းလည်း သိရသည်။

ဖမ်းဆီးခံရသည့် လူငယ် ၅ဦးမှာ ကိုမလောင်ဖေနှောင်းအောင်၊ ကိုရမ်ဆိုင်း၊ ကိုအောင်ဒီး၊ ကိုဆင်ဝါး၊ ကိုဖီနန်တို့ဖြစ်ကြပြီး ဖေဖော်ဝါရီလ ၂၀ ရက်ည ၉ နာရီခန့်က ၎င်းတို့ ပုန်းခိုနေသောတောထဲမှ စစ်တပ်ကသွားရောက်ဖမ်းဆီးခဲ့ခြင်းဖြစ်သည်။

ဆန္ဒပြသူများနှင့်ညှိနှိုင်းရန် အဖွဲ့ဝင် ၁၃ ဦးပါဝင်သော အဖွဲ့ကို အာဏာသိမ်းစစ်ကောင်စီက ဖေဖော်ဝါရီလ ၂၂ရက်နေ့က ဖွဲ့စည်းထားသည်။

စစ်အာဏာသိမ်းမှုကို ဆန့်ကျင်သော လူထုများကမူ ထိုညှိနှိုင်းရေးအဖွဲ့ကို လက်မခံကြောင်း ထပ်မံဆန္ဒဖော်ထုတ်မှုများ ရှိသည်။

Read Previous

စစ်တပ်ဖွဲ့စည်းပေးသည့် UEC ခေါ်ယူသော အစည်းအဝေးသို့ ကချင်နိုင်ငံရေးပါတီအချို့တက်ရန် ဆုံးဖြတ်

Read Next

ဖားကန့် CDM တွင်ပါဝင်နေသူများ ဆက်သွယ်လာပါက ကူညီရန်အသင့်ရှိဟုဆို ကူညီရေးအဖွဲ့ပြော

Leave a Reply

Your email address will not be published. Required fields are marked *