,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

တနိုင်းမြို့ စစ်ဆေးရေးဂိတ်တွင် ဖမ်းဆီးခံထားရသည့် လူငယ် ၂၉ ဦးကို မတရားအသင်းဆက်သွယ်မှု ဥပဒေ ပုဒ်မ ၁၇/၁ ဖြင့် အရေးယူရန် ရဲစခန်းသို့ လွဲပြောင်းထားကြောင်း သိရသည်။

KIA တပ်မဟာ ၂ နယ်မြေမှ ထွက်လာသော လူငယ် ၂၉ ဦးမှာ မေလ ၁၅ ရက်နေ့ တနိုင်းမြို့အဝင် စစ်ဆေးရေးဂိတ်တွင် ဖမ်းဆီးခံလိုက်ရပြီးနောက် စစ်တပ်က တစ်လကြာ စစ်ဆေးပြီးနောက် ဇွန်လ ၁၁ ရက်နေ့တွင် တရားစွဲဆိုရန် ရဲတပ်ဖွဲ့သို့ အပ်လိုက်သည်ကို သိရကြောင်း ဖမ်းဆီးခံရသူများနှင့် နီးစပ်သူများထံမှ သိရသည်။

“ဖမ်းဆီးခံရတဲ့ လူငယ် ၂၉ ဦး ကို စစ်တပ်က တရားစွဲဖို့ ရဲကိုအမှုအပ်လိုက်တာက သေချာပြီ။ မနေ့က လွှဲပြောင်းလိုက် တယ်လို့သိရတယ်။ ကျနော်တို့လည်း ကျန်တာအသေးစိတ်မသိရသေးဘူး။” ဟု ပြောဆိုသည်။

အာဏာသိမ်းစစ်တပ်က လူငယ် ၂၉ ဦးကို မတရားအသင်း ဆက်သွယ်မှု ပုဒ်မ ၁၇(၁)နှင့်ဖြင့် တရားစွဲဆိုရန် ရဲစခန်းသို့ အမှုလွှဲပြောင်းထားသည်ဟု ကြားသိရသော်လည်း လူငယ်များကိုစစ်တပ်အတွင်းမှ ရဲစခန်းသို့ ရွှေ့ပြောင်းထားခြင်း ရှိမရှိကို သေချာမသိရသေးကြောင်း သူက ဆက်ဆိုသည်။

လူမှုကွန်ယက်ပေါ်တွင် ပျံ့နှံ့နေသော ‘ဖမ်းဆီး စစ်ဆေးနေချိန်တွင် ရိုက်နက်ခံရမှုကြောင့် လူငယ် ၂၉အနက် ၈ ဦး သေဆုံးသွားပြီ’ ဟူသော သတင်းမှာ မဟုတ်မမှန်ကြောင်း သူက ပြောဆိုသည်။

အဆိုပါ လူငယ် ၂၉ ဦးမှာ တနိုင်း လီဒိုလမ်းမပေါ်ရှိ နောင်းမီနှင့်ဝါရာဇွပ်ကျေးရွာမှ လူငယ်များဖြစ်ကြပြီး နောင်းမီ ကျေးရွာမှ ၂၅ ဦး နှင့် ဝါရာဇွပ်ကျေးရွာမှ ၄ ဦး ဖြစ်ကာ အများစုမှာ အသက် ၁၈ နှစ်အောက် လူငယ်များ ဖြစ်ကြသည်။

“ကျမတို့ မိခင် ၅ယောက်က သား/မီးတွေနဲ့ တွေ့ချင်လို့ တက်လာတာ ၁ပတ်လောက်ရှိပြီ။ သက်ဆိုင်ရာ လူကြီးတွေနဲ့ အကူအညီတောင်း ပြီးတွေ့ခွင့်တောင်းပေမယ့် မရဘူး။ စခန်းအထဲကိုတောင် မဝင်ခိုင်းဘူး။ ဘယ်လိုနေရာမှာ ဖမ်းဆီးထားမှန်း မသိဘူး။ တစ်ချို့က စစ်သားတွေ ရိုက်နက်ပေးလို့ ဆုံးသွားပြီလို့ပြောကြတယ်။ ကျမတို့အရမ်းစိုးရိမ်နေရတယ်” ဟု ဖမ်းဆီးခံရသော အသက် ၁၇ နှစ်အရွယ် လူငယ်တစ်ဦး၏ မိခင်ဖြစ်သူက KNG ကို ပြောဆိုခဲ့သည်။

ဖမ်းဆီးခံရစဉ်အချိန်ကစပြီး ယနေ့အချိန်ထိ သား၊ သမီးများကို တွေ့ဆုံခွင့်မရသေးကြောင်း မိဘများက ပြောဆိုနေကြသည်။

တနိုင်းဒေသသည် ကချင်လွတ်လပ်ရေးတပ်မတော် KIA တပ်မဟာ ၂ ဒေသဖြစ်ပြီး အာဏာသိမ်းစစ်တပ် ဖြင့် စစ်ရေးတင်းမာနေသော နေရာဖြစ်သည်။

Read Previous

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

Read Next

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

Leave a Reply

Your email address will not be published.