,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေကူတွင် PDF မသင်္ကာသူများကို အိမ်ထောင်စုစာရင်းနှင့်တကွ လိုက်လံဖမ်းဆီးနေ

ရွှေကူမြို့နယ်တွင် ပြည်သူ့ကာကွယ်ရေးတပ် PDF ဟု မသင်္ကာသူများကို အာဏာသိမ်းစစ်ကောင်စီ၏ တပ်ဖွဲ့များက အိမ်ထောင်စု စာရင်းနှင့်တကွ လိုက်လံ ရှာဖွေဖမ်းဆီးနေကြောင်း သိရသည်။

ဇွန်လ ၁၃ရက်နေ့ကလည်း ရွှေကူ PDF နှင့်ဆက်စပ်သည်ဟု ယူဆရသူများ၏ အိမ်ထောင်စု စာရင်းများကိုင်ဆောင်ကာ လိုက်လံဖမ်းဆီးနေသောကြောင့် ပြည်သူ ၁၀ ယောက်ကျော် ဖမ်းဆီးခံထားရကြောင်း ဒေသခံတစ်ဦးက သုံးသပ် ပြောဆိုသည်။

“သူတို့က သတင်းရထားပြီးတော့ အဆက်အစပ်ရှိတဲ့ လူနေအိမ်တွေပဲ လိုက်စစ်နေတယ်။ တစ်ချို့အိမ်တွေဆို အိမ်ထောင်စုစာရင်းတွေ ပြခိုင်းတယ်။ မနေ့ကနဲ့ဒီနေ့ဆို ဖမ်းဆီးခံရတဲ့ သူတွေက ၂၀ ဝန်းကျင်လောက်တော့ရှိသွားပြီ။ ဘာကြောင့်လဲဆိုတော့ တစ်အိမ်မှာ တစ်ယောက်ထဲဖမ်းတာမဟုတ်ဘူး။ သူတို့က ဆက်စပ်တဲ့ မိသားစုအလိုက် အားလုံးကို ခေါ်သွားတာဟုတ်” ဟု ပြောဆိုသည်။

ရွှေကူမြို့မ ရဲစခန်းနှင့် စစ်တပ်၏ ရိက္ခာသယ်သင်္ဘောများ မကြာခဏ ပစ်ခတ်တိုက်ခိုက်ခံရသောကြောင့် ယခုလို မသင်္ကာမှုဖြင့် ဝင်ရောက်စစ်ဆေးမှုများ ပြုလုပ်လာခြင်းဖြစ်ပြီး ဖမ်းဆီးခံထားရသူတစ်ချို့ကို ရဲစခန်းတွင် ထိန်းသိမ်းထားပြီး တစ်ချို့ကို စစ်တပ်ထဲတွင် ဖမ်းဆီးထားကြောင်းသူက ဆက်ဆိုသည်။

ဇွန်လ ၁၃ရက်နေ့ နေအိမ်တစ်ခုကို ဝင်ရောက်စစ်ဆေးရာတွင် ၁၀ဦးထက်မနည်းဖမ်းဆီးခံရပြီး၊ ယနေ့ ဇွန်လ ၁၄ ရက်တွင်လည်း နောက်ထပ် ၁၀ ဦး ဖမ်းဆီးခံလိုက်ရသည်ဟု သိရသည်။

ရွှေကူမြို့မ ရဲစခန်းသည် ပြီးခဲ့သော ဇွန်လ ၄ ရက်နှင့် ၉ရက်နေ့များတွင် တိုက်ခိုက်ခံခဲ့ရပြီး အာဏာသိမ်းစစ်တပ်၏ စစ်ရိက္ခာသယ် သင်္ဘောလည်း ၅ကြိမ်ထက်မနည်း  ပစ်ခတ်ခံခဲ့ရသည်။

ထိုသို့ ဇွန်လ ၄ ရက်နေ့ည မြို့မ ရဲစခန်းကို တိုက်ခိုက်မှုမှာ ရွှေကူ ပြည်သူ့ကာကွယ်ရေးတပ် SPDF နှင့် ကချင်လွတ်လပ်ရေးတပ်မတော် KIA တို့ ပူးပေါင်းတိုက်ခိုက်ခဲ့ကြောင်း SPDF အဖွဲ့က ထုတ်ပြန်ခဲ့သည်။

Read Previous

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

Read Next

ဘွမ်ရာယန်စစ်ရှောင်စခန်းတွင် ကလေးများစာသင်ကြားနိုင်ရန် အကူညီအများအပြားလိုအပ်နေ