,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ဒေါ့ဖုန်းယန်မြို့ပြင်  ၂ မိုင်ပတ်လည်တွင် အာဏာသိမ်းစစ်တပ်က မြေမြုပ်မိုင်း အများအပြားထောင်ထား

ဗန်းမော်-လိုင်ဇာ ကားလမ်းမပေါ်ရှိ ဒေါ့ဖုန်းယန်မြို့၏ ၂ မိုင်ပတ်လည်တွင် အာဏာသိမ်းစစ်တပ်က မြေမြုပ်မိုင်း ထောင်ထားလိုက်သဖြင့် မြို့ပြင်ဘက်တွင် အသက်မွေးဝမ်းကြောင်းလုပ်ငန်း လုပ်ကိုင်နေကြသော ပြည်သူများအတွက် အသက်အန္တရယ် စိုးရိမ်နေရကြောင်း သိရသည်။

ကဂမ်၊ တံတားညီးနောင် စသောနေရာများတွင် မြေမြုပ်မိုင်းအများအပြားထောင်လိုက်သဖြင့် တောင်ယာလုပ်ကိုင်စားသောက်ရန် ခက်ခဲနေကြောင်း အမည်မဖော်လိုသူ ဒေါ့ဖုန်းယန်ဒေသခံတစ်ဦးက KNG သတင်းဌာနကို ယခုလို ပြောဆိုခဲ့သည်။

“ကျနော်ပြောတဲ့ နေရာပတ်ပတ်လည်လည် အကုန်လုံးမှာ စစ်တပ်က မြေမြှုပ်မိုင်းတွေ အများကြီးထောင်ထားတယ်။ အခု အခင်းတောင်ယာ လုပ်ထားတဲ့ ဒေသခံတွေတောင် ဘယ်မှသွားလာလို့မရတော့ဘူး။ သွားပြီဆိုရင် သူတို့ထောင်ထားတဲ့ မိုင်း နင်းမိမှာဘဲ။ အခုတောင် သူတို့ထောင်ထားတဲ့ မိုင်းနင်းမိပြီး ဒဏ်ရာရတဲ့သူတွေရှိနေပြီ” ဟု ပြောဆိုသည်။

ဇွန်လ ၁၅ ရက်နေ့တွင် ဒေါ့ဖုန်းယန်မြို့ ကဂမ် ရပ်ကွက်(၃)တွင် နေထိုင်သော လင်မယား ၂ဦးက သာလီကုန်းဘက်တွင် တောင်ယာလုပ်ငန်းသွားလုပ်ခဲ့ပြီး အပြန်လမ်းတွင် စစ်တပ်၏ မိုင်းနင်းမိသဖြင့် အမျိုးသမီးမှာ ဒဏ်ရာပြင်းထန်စွာ ရရှိထားကြောင်း သူက ဆက်လက်ပြောဆိုသည်။

“မနေ့က ၁၁နာရီလောက်မှာဖြစ်တယ်လို့သိရတယ်။ သူတို့နှစ်ယောက်က တောင်ယာကနေပြန်လာတာ လမ်းမှာ မိုင်း နင်းမိပေါက်ကွဲ သွားတယ်။ သူ့ရဲ့အမျိုးသားက ဘာမှမဖြစ်ဘူး။ အမျိုးသမီးက ခြေထောက် ဒဏ်ရာပြင်းထန်တယ်” ဟု ပြောဆိုသည်။

ကျေးရွာအနီးတဝိုက်တွင် မြေမြုပ်မိုင်းထောင်ထားသည့်ကိစ္စနှင့်ပတ်သက်ပြီး စစ်တပ်က ဒေသခံများကို တရားဝင် သတိပေး ကြေညာခြင်းများမလုပ်ထားကြောင်း ဒေသခံများက ပြောသည်။

ဒေါ့ဖုန်းယန်မြို့တွင် အာဏာသိမ်းစစ်တပ် ခလရ ၁၄၂ အခြေစိုက်ပြီး၊ လက်ရှိတွင်လည်း ဗန်းမော်၊ မြို့သစ်၊ နွမ်းလန့်ဘက်မှ ဒေါ့ဖုန်းယန်ဘက်သို့ စစ်အင်အားတိုးချဲ့မှုများ ရှိနေကြောင်း သိရသည်။

အဆိုပါ တပ်စခန်းများသည် ကချင်လွတ်လပ်ရေးတပ်မတော် KIA ဗဟိုဌာနချုပ်နယ်မြေ အလော့ဘွမ်နှင့် နီးကပ်စွာရှိနေသော စစ်တပ်စခန်းများဖြစ်သည်။

Read Previous

Covid-19 ကာကွယ်တားဆီးရေး စည်းကမ်းချက် KIO ပြန်လည်တင်းကြပ်

Read Next

စစ်တပ်က ၎င်း၏ ဆုံးရှုံးမှုကို လက်တုန့်ပြန်သောအနေဖြင့် အရပ်သားများကို ပစ်ခတ်သတ်ဖြတ်နေကြောင်း KWAT ထောက်ပြ