,

Breaking News :

ကုန်းလောတွင် စစ်တပ်သတင်းပေးဟု ယူဆရသူတစ်ဦး ပစ်သတ်ခံရ

ကနီနယ်တွင် NUG အစိုးရ လမ်းညွန်မှုဖြင့် မီးသတ်သင်တန်းများပို့ချ

စစ်ကိုင်းတိုင်း ရေဦးမြို့တွင် စစ်ကောင်စီတပ် အရာရှိတစ်ဦးနှင့် စစ်သား ၂ဦးသေဆုံး

ဗန်းမော်-လွယ်ဂျယ် နယ်စပ်ကုန်သွယ်ရေးလမ်းပိုင်းတွင် မော်တော်ယာဉ်များပုံမှန်အတိုင်းသွားလာနိုင်ပြီဟုသိရ

ဖားကန့် လမ်းမပေါ်တွင် စစ်ကောင်စီတပ်သား ၆ ဦးကို KIA ဖမ်းဆီး

စစစ ရုံး‌ရှေ့ ဝင်ရောက်လာသည့် စစ်ကားတစ်စီး မိုင်းခွဲခံရ

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ရွှေကူ၊ မြို့လှ တိုက်ပွဲတွင် စစ်ကောင်စီဘက် ထိခိုက်သေဆုံးမှု များပြား

ယနေ့ ရွှေကူမြို့နယ် မြို့လှရွာ အနီးတွင် ကချင်လွတ်လပ်ရေးတပ်မတော် KIA နှင့် PDF တို့ပူပေါင်းပြီး အာဏာသိမ်းစစ်တပ်ကို တိုက်ခိုက်ခဲ့ရာတွင် နှစ်ဖက်ထိခိုက်သေဆုံးမှုရှိခဲ့ပြီး အာဏာသိမ်းစစ်တပ်ဘက်မှ ၄၀ ဦး ထက်မနည်း ထိခိုက်သေဆုံးကြောင်း ဒေသခံများ ပြောဆိုနေကြသည်။

ထိုသို့ ထိခိုက်သေဆုံးသူများကို သယ်ယူရန် ရွှေကူမြို့အခြေစိုက် လူမှုကူညီရေးအဖွဲ့များကို စစ်ကောင်စီက ယနေ့ညနေ ၆ နာရီတွင် လိုက်လံပြောဆိုနေကြောင်း လုံခြုံရေးအရ အမည်မဖော်လိုသူ ဒေသခံတစ်ဦးက KNG သတင်းဌာနကို ပြောဆိုခဲ့သည်။

“ရွှေကူမှာတပ်ထိုင်ထားတဲ့ စစ်သားတွေက စစ်ကားတွေနဲ့ လာပြီး လူမှုကူညီရေးအသင်းတွေကို မဖြစ်မနေသွားဖို့ လိုက်လံ ပြောဆို နေတယ်လို့သိရတယ်။ ကျနော်နဲ့ သိတဲ့ အဖွဲ့က ကား ၃ စီးအပါလာခေါ်သွားတယ်။ အလောင်းတွေကို သယ်ထုတ်ဖို့ ခေါ်သွားတဲ့ ကားတွေဆို ခန့်မှန်ခြေအရဆို ၁၀စီးလောက်ရှိမယ်။ ဘာကြောင့်လဲဆိုတော့ စစ်တပ်ဘက်က ကျဆုံးထားတာ ၄၀ လောက်ရှိတယ်တဲ့။ တိုက်ပွဲက ဆက်ဖြစ်သေးတာဖြစ်တဲ့အတွက် အတိအကျလည်း မသိရသေးဘူး” ဟု ပြောဆိုသည်။

ယနေ့ မွန်းလွဲပိုင်း ၂ နာရီဝန်းကျင်ခန့် KIA ရှိရာ မြို့လှ ဘက်သို့ ဝင်ရောက်လာသော အာဏာသိမ်းစစ်တပ် အင်အား ၁၆၀ ကျော်ကို KIA မိုင်းဆွဲတိုက်ခိုက်ခဲ့ရာ စစ်ကောင်စီဘက်က အကျအဆုံးများခဲ့သည်။

ထိုသို့ စစ်ကောင်စီဘက်က ထိခိုက်ကျဆုံးမှု များပြားခဲ့သောကြောင့် ယနေ့ ညနေ ပိုင်းတွင် KIA နှင့် PDF ရှိရာ မြို့လှမြို့ တစ်လုံးရွာဘက်သို့ စစ်ကောင်စီက ဂျက်လေယာဉ် ၂ စီး ဖြင့် ၂ ကြိမ် သွားရောက်ပစ်ခတ်ခဲ့သည်။

ယနေ့ တိုက်ပွဲတွင် စစ်ကောင်စီဘက်က အကျအဆုံးများသလို လေကြောင်း တိုက်ခိုက်မှုကြောင့် KIA နှင့် PDF ဘက်ကလည်း ၆ ဦးခန့် ထိခိုက်သေဆုံးထားကြောင်း ဒေသခံများ၏ သတင်းပေးပို့ချက်အရ သိရပါသည်။

တိုက်ပွဲ ဖြစ်ပွားသော နေရာသည် ကချင်လွတ်လပ်ရေးတပ်မတော် KIA တပ်မဟာ ၈ အောက် တပ်ရင်း ၅ နယ်မြေဖြစ်ကြောင်း သိရသည်။

Read Previous

ဝိုင်းမော် ရွှေညောင်ပင် ခမရ ၃၂၁ စစ်တပ် ကို KIA သွားရောက်ပစ်ခတ်

Read Next

Covid-19 တတိယလှိုင်း မပေါ့သင့်၊ မိမိကိုယ်တိုင်ကျန်းမာမှ လိုအပ်နေသူများကို ကူညီနိုင်မည်

Leave a Reply

Your email address will not be published.