,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ရွှေကူ ဆေးရုံကြီးတွင် အောက်စီဂျင် ထားနိုင်ရေး လူမှုကူညီရေးအဖွဲ့များ ကြိုးပမ်းနေ

Shwe Gu

ရွှေကူမြို့အဝင်ဆိုင်းဘုတ်

ရွှေကူမြို့  ပြည်သူ့ဆေးရုံကြီးတွင် Covid-19 လူနာများအတွက် ကျပ်သိန်း ၈၀၀ တန်ဖိုးရှိ အောက်စီဂျင်စက်ရုံထားရှိရန် လူမှုကူညီရေးအဖွဲ့များက ကြိုးပမ်းလုပ်ဆောင်နေကြောင်း သိရသည်။

ဆေးရုံကြီးတွင် ထားရှိမည့် အောက်စီဂျင်စက်ကို တရုတ်နိုင်ငံမှ ဝယ်ယူမည်ဖြစ်ပြီး တစ်နာရီလျှင် အောက်စီဂျင် ၃၀ လီတာ ၆လုံး ထုတ်နိုင်သောစက်ဖြစ်ကြောင်း အောက်စီဂျင်ရရှိရန် လုပ်ဆောင်နေသည့် လူမှုကူညီရေးအသင်းတစ်ခုမှ တာဝန်ရှိသူတစ်ဦးက KNG သတင်းဌာန ကို ပြောဆိုခဲ့သည်။

“အောက်စီဂျင်စက်ထားဖို့ အစီအစဉ်ဆွဲနေတုန်းဖြစ်တယ်။ တရုတ်ပြည်မှာ တိုက်ရိုက်လှမ်းဝယ်ဖို့ ဒီကနေ့ဘဲ စာချုပ် လုပ်နေတယ်။ အလှူငွေတွေလည်း ဆက်လက်ကောက်ခံနေဆဲဖြစ်တယ်။ အောက်စီဂျင်စက်ကို စက်ရုံကနေ ဒီကိုရောက်လာဖို့အတွက် ၁၅ ရက် စောင့်ရအုံးမယ်။ ကိုဗစ်လူနာတွေကို အောက်စီဂျင် လုံလောက်မှုရရှိအောင် အမြန်ဆုံးလုပ်ဆောင်သွားမှာဖြစ်တယ်” ဟု ပြောဆိုသည်။

ရွှေကူမြို့တွင် အောက်စီဂျင်စက်ရရှိအောင် စစ်ကောင်စီက လုပ်ဆောင်နေခြင်းမဟုတ်ဘဲ ရွှေကူ ရပ်မိရပ်ဖများက အောက်စီဂျင်စက်ရရှိရေး ကော်မတီဖွဲ့ကာ ဒေသခံအလှူရှင်၊ ရန်ကုန်၊ မန္တလေးနှင့် မြို့နယ်အသီးသီးမှ အလှူရှင်များ၏ ပါဝင်မှုဖြင့် လုပ်ဆောင်နေခြင်း ဖြစ်သည်ဟု ဆိုသည်။

ရွှေကူမြို့တွင် ဇူလိုင် ၂၂ရက်နေ့အထိ ကိုဗစ်ရောဂါကူးစက်ခံရသည့် အတည်ပြုလူနာ ၃၇၀ကျော်ရှိလာပြီး အောက်စီဂျင် မလုံလောက်မှုကြောင့် သေဆုံးသွားသည့် ကိုဗစ်လူနာ ၃ဦးအထိရှိကြောင်း ကိုဗစ်ကာကွယ်ရေး တာဝန်ရှိသူတစ်ဦးထံမှ သိရသည်။

“အမှန်တိုင်းပြောရရင် ကျနော်တို့ ရွှေကူက အခြေနေဆိုးတယ်လို့ ပြောလို့ရပါတယ်။ ကူးစက်ထားတဲ့လူနာတွေနဲ့ ပြန်လည်ကူးစက်ခံထားရတဲ့ လူနာတွေလည်းအများကြီးရှိပါတယ်။ လာရောက်ပြသတဲ့ လူဦးရေစာရင်းလောက်ပဲ သိရတယ်။” ဟု ပြောဆိုသည်။

ကချင်ပြည်နယ်တွင်လည်း ရောဂါကူးစက်မှုအများအပြားဖြစ်နေပြီး အများစုမှာ နေအိမ်တွင် မိမိအစီစဉ်ဖြင့်ကုသနေကြောင်း သိရသည်။

Read Previous

ဖားကန့်လမ်း ကာမိုင်း စစ်တပ်ဂိတ် ဖောက်ခွဲ တိုက်ခိုက်ခံရ

Read Next

ပူတာအိုတွင် ကိုဗစ်-၁၉ အတည်ပြုလူနာ ၂ ဦး တိမ်းရှောင်နေ