,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

မုံးကိုး စစ်ရှောင်များ ရိက္ခာသယ်ယူခွင့်မရသဖြင့် ရက်ပိုင်းအတွင်း အစားအသောက်ပြတ်လပ်တော့မည်

ရှမ်းပြည်နယ်မြောက်ပိုင်း မုံးကိုးမြို့နယ် တရုတ်နယ်စပ်သို့ ထွက်ပြေးတိမ်းရှောင်နေသော စစ်ရှောင်များအတွက် စားနပ်ရိက္ခာပို့ဆောင်ပေးရန် အာဏာသိမ်းစစ်တပ်မှ တားဆီးပိတ်ပင်သောကြောင့် အစားသောက်နှင့် ဆေးဝါးအခက်အခဲ ကြုံတွေ့နေရကြောင်း စစ်ရှောင်ပြည်သူတစ်ဦးထံမှ သိရသည်။

ယခုလဆန်းပိုင်းတွင် အာဏာသိမ်းစစ်တပ်နှင့် MNDAA ကိုးကန့်တပ်တို့ကြား တိုက်ပွဲကြောင့် မန့်ယန် နှင့် ဘန်မွေးကျေးရွာများမှ စစ်ရှောင်များသည် တရုတ်နယ်စပ်သို့ ထွက်ပြေးနေသည်မှာ ၁ ပတ်ကျော်လာပြီဖြစ်ပြီး ၎င်းတို့အတွက် မုံးကိုးဘက်မှ သယ်ဆောင်လာသော ဆန်၊ ဆီ၊ ဆား စသည့် စားနပ်ရိက္ခာမှန်သမျှကို အာဏာသိမ်းစစ်တပ်က လမ်းတွင် ဖြတ်သွားခွင့်မပြုပဲ ပိတ်ပင်ထားကြောင်း စစ်ရှောင်များက ပြောသည်။

“စစ်တပ်က ဘာကြောင့် ရိက္ခာတွေ မသယ်ခိုင်းဘူးဆိုတာကျနော်တို့လည်း သေချာမသိဘူး။ မဖြတ်ခိုင်းဘူး ဆိုတာလောက်ပဲသိတယ်။ ကျတော်တို့မှာ အခုလောလောဆယ်က ၄၊ ၅ ရက်လောက်စားဖို့ပဲ ရှိတော့တယ်။ အဲ့ဒါကုန်ရင်တော့ ဘယ်လိုဖြစ်ဖြစ်ကြိုးစားပြီး နည်းလမ်းရှာပြီး မရှာစားရင်တော့မရတော့ဘူး။ ကလေးတွေ ၊ လူကြီးတွေ ဖျားတာ နာတာတွေရှိလည်းရှိတော့ ကျတော်တို့မှာ ဘာဆေးဝါးမှလည်း မရှိဘူး။ အားလုံးဖျားတာများလာမှာကိုပဲ စိုးရိမ်နေရတယ်။” ဟု တရုတ်နယ်စပ်သို့ ထွက်ပြေးတိမ်းရှောင်နေသူ စစ်ရှောင်ပြည်သူတစ်ဦးက KNG ကိုပြောသည်။

ထိုသို့ ပိတ်ပင်မှုကြောင့် လက်ရှိထွက်ပြေးနေသော မန့်ယန် နှင့် ဘန်မွှေးကျေးရွာများမှာ စစ်ရှောင် ၁၇၀ ခန့်သည် လာမည့်ရက်ပိုင်းအတွင်း စားနပ်ရိက္ခာနှင့် ဆေးဝါးများ ပြတ်လပ်ကာ အသက်အန္တရင်ဆိုင်ရတော့မည်ဟု ဆိုသည်။

သြဂုတ် ၃ ရက်နေ့မှစပြီး မုံးကိုးမြို့နယ်အတွင်း အာဏာသိမ်းစစ်တပ်နှင့် ကိုးကန့် MNDAA ကြား တိုက်ပွဲဖြစ်ပွားမှုကြောင့် ဖောင်းဆိုင်ဒေသ မန်ယန်နှင့်ဘန်မွေး ဒေသခံများသည် တရုတ်နယ်စပ်သို့ ထပ်မံ ထွက်ပြေး ခိုလှုံနေရခြင်း ဖြစ်သည်။

၎င်းတို့ကို တရုတ်နိုင်ငံဘက်မှလည်း လက်ခံခြင်းမရှိသောကြောင့် နယ်စပ်တွင်သာ ဝါးတဲပြုလုပ်ကာ ခိုလှုံနေရကြောင်း သိရသည်။

Read Previous

စစ်ရိက္ခာသယ်သင်္ဘောကို KIA ပစ်ခတ်ပြီးနောက် စစ်ကောင်စီက မြစ်ကြောင်းတစ်လျှောက် လက်နက်ကြီးပစ်ကာ ရွှေကူသို့ ဆန်တက်လာ

Read Next

မိုးသည်းထန်စွာ ရွာသွန်းမူကြောင့် မြေပြိုကျကာ စစ်ရှောင်ပြည်သူတစ်ဦး ‌သေဆုံး

Leave a Reply

Your email address will not be published. Required fields are marked *