,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

မိုးသည်းထန်စွာ ရွာသွန်းမူကြောင့် မြေပြိုကျကာ စစ်ရှောင်ပြည်သူတစ်ဦး ‌သေဆုံး

KIO နယ်မြေ ရေကြီးမှုကြောင့် လူသေဆုံးမှုရှိ (Photo-Simsa Kasa Multimedia)

ကချင်လွတ်လပ်ရေးအဖွဲ့ KIO ထိန်းချုပ်နယ်မြေ မဂါးယန် စစ်ရှောင်စခန်းတွင် ဩဂုတ် ၁၂ ရက်နံနက်အစောပိုင်းက မိုးသည်းထန်စွာ ရွာသွန်းမူကြောင့် ကမ်းဘေးမြေပြိုမူဖြစ်ကာ စစ်ရှောင်ပြည်သူတစ်ဦး မြေပြိုမူတွင် မျှောပါ သေဆုံးသွားကြောင်း စခန်းတာဝန်ခံ ထံမှ သိရသည်။

“တချို့က သတိရပြီး တစ်ခါတည်းထွက်ပြေးသွားတယ်။ တချို့က မပြေးနိုင်တော့ အိမ်တွေပါသွားတယ်။ အမျိုးသမီးတစ်ဦး ဆုံးသွားပါတယ်။ အသက် ၈၀ ကျော်အရွယ်အဘွားတစ်ယောက်ကတော့ နည်းနည်းတော့ ဒဏ်ရာ ရသွားတယ်။ အဓိကတော့ ချောင်းတွေစုပြီး တောင်ပေါ်ကနေ တစ်ခါတည်း စီးကျလာတယ်။ နွေရာသီဆို အဲမှာ ချောင်းရေတောင် မစီးဘူး။” ဟု မဂါးယန် စစ်ရှောင်စခန်း တာဝန်ခံ ကပြောသည်။

မြေပြိုမှုကြောင့် စစ်ရှောင်စခန်းအတွင်း နေအိမ် ၅ ခု ရေထဲမျှောပါသွားသည့်အပြင် နေအိမ်(၁၀)ခုသည်လည်း ပျက်ဆီးဆုံးရှုံးသွားကြောင်း သိရသည်။

လက်ရှိ ရေဘေးကြုံတွေ့နေရသော စစ်ရှောင်ပြည်သူများအတွက် နေအိမ်နှင့် အစားအသောက်များ ထောက်ပံ့ပေးရန် လိုအပ်ကြောင်း ဆက်ပြောသည်။

“အခုထိခိုက်သွားသူတွေရဲ့ အိမ်ချက်ချင်းပြန်ဆောက်ပေးရမယ်။ အစားအသောက် အိုးခွက် ပြန်စီစဉ်ပေးရမယ်။ သူတို့ကို အခု ဘုရားကျောင်းမှာ ထားထားပါတယ်။” ဟု စစ်ရှောင်စခန်းတာဝန်ခံ က ပြောသည်။

ရေကြီးမှုကြောင့် စစ်ရှောင်စခန်းအတွင်း သွားလာသော ရပ်ကွက်လမ်းများ မြေပြိုပိတ်ဆို့သွားသောကြောင့် လူအားဖြင့် မရှင်းလင်းနိုင်သည့်အခြေအနေ ဖြစ်နေကြောင်း သိရသည်။

မဂါးယန်စစ်ရှောင်စခန်းသည် ၂၀၁၆ နှစ်ကုန်ပိုင်းတွင် စစ်ကောင်စီတပ်များ၏ ထိုးစစ်ကြောင့် တရုတ်နယ်စပ်တွင် ထပ်ဆင့် ရွေ့ပြောင်းခဲ့ရသော စခန်းဖြစ်သည်။

ယနေ့ နံနက်ပိုင်း မိုးသည်းထန်စွာ ရွာသွန်းမှုကြောင့် လိုင်ဇာမြို့အနီးရှိ ဖွန်လွမ်ယန် စစ်ရှောင်စခန်းနှင့် ဂျေယာန် စစ်ရှောင်စခန်းတို့တွင်လည်း ချောင်းရေကြီးမှုဖြစ်နေကြောင်း သိရသည်။

ယင်းစစ်ရှောင်စခန်းများသည် နှစ်စဥ် မိုးတွင်းကာလ ရေကြီးရေလျှံမူကြုံ‌တွေ့ရကြောင်း သိရသည်။

Read Previous

မုံးကိုး စစ်ရှောင်များ ရိက္ခာသယ်ယူခွင့်မရသဖြင့် ရက်ပိုင်းအတွင်း အစားအသောက်ပြတ်လပ်တော့မည်

Read Next

ဖားကန့် ဌာနေသား အခွင့်အရေးကြိုးပမ်းသူ ဆရာလမောင် လတောင် ကွယ်လွန်

Leave a Reply

Your email address will not be published. Required fields are marked *