,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

ဝိုင်းမော် ရပ်ကွက် (၃) စစ်ရှောင်စခန်းတွင် အစားအသောက်နှင့် ဆေးဝါးပစ္စည်းများ ကူညီပေးဖို့ လိုအပ်နေ

ဝိုင်းမော်မြို့ ရပ်ကွက် (၃)ရှိ စစ်ရှောင်စခန်း အမှတ် ၂ တွင် Covid-19 lock down ပြုလုပ်လိုက်သောကြောင့် အစားအသောက်နှင့် ဆေးဝါးပစ္စည်းများ ကူညီထောက်ပံ့ပေးမှု လိုအပ်နေကြောင်း စစ်ရှောင်များထံမှ သိရသည်။

ပြီးခဲ့သော ဇူလိုင် ၁၄ ရက် နောက်ပိုင်း မြစ်ကြီးနားနှင့် ဝိုင်းမော်မြို့ပေါ် ရပ်ကွက်များတွင် Covid-19 ရောဂါကူးစက်မှုနှုန်းများပြားလာသည့်အတွက် ၎င်းတို့ စစ်ရှောင်စခန်းကိုလည်း အသွားအလာကန့်သတ်လိုက်သောကြောင့် အစားအသောက်အလွန်ခက်ခဲသွားကြောင်း စစ်ရှောင်တာဝန်ခံ တစ်ဦးက KNG သတင်းဌာနကို ပြောဆိုခဲ့သည်။

“ကျနော်တို့ စခန်းမှာ ကိုဗစ်ကူးစက်မှာကို စိုးရိမ်တဲ့အတွက် ဇူလိုင်လမှာ Lock down ချလိုက်တယ်။ နောက်ပိုင်း စစ်ရှောင်တွေလည်း အပြင်ထွက်နေ့စားအလုပ်တွေ မလုပ်နိုင်တော့ အရမ်းခက်ခဲနေရတယ်။ တစ်ချို့ဆို စားစရာဆန်မရှိလို့ ဆန်ပြုတ်စားရတဲ့သူတွေ ရှိတယ်။ ဒီကာလ ဘယ်လောက်ထပ်ကြာအုံးမလဲ မသိဘူး။ ဒါကြောင့် မည်သည့်အဖွဲ့အစည်းမဆို ကူညီပေးဖို့တောင်းဆိုချင်ပါတယ်” ဟု ပြောဆိုသည်။

ထို့နောက် စခန်းအတွင်း စစ်ရှောင်တစ်ချို့မှာ ရာသီပေါ် တုတ်ကွေးရောဂါ ဖြစ်ပွားမှုများရှိနေသော်လည်း ကျန်းမာရေးအတွက် လိုအပ်သည့် အထောက်အကူပြု ဆေးဝါးပစ္စည်းများမရှိသောကြောင့် အခက်အခဲကြုံတွေ့နေရကြောင်း သူက ဆက်ဆိုသည်။

အဆိုပါစစ်ရှောင်းများသည် ၂၀၁၈ ခုနှစ်တွင် အင်ဂျန့်ယန် တိုက်ပွဲကြောင့် ထွက်ပြေးတိမ်းရှောင်လာသူများဖြစ်ကာ စစ်ရှောင် အိမ်ထောင်စု ၈၁ ခုနှင့် လူဦးရေ ၄၀၀ နီးပါးရှိကြောင်း သိရသည်။

ဝိုင်းမော်မြို့နယ်နှင့် မြစ်ကြီးနားမြို့တွင်း အခြားသော စစ်ရှောင်စခန်းများတွင်လည်း Covid-19 ကန့်သတ်ပိတ်ပင်မှုကြောင့် အစားအသောက် ခက်ခဲမှု ရှိနေကြောင်း သိရပါသည်။

Read Previous

ဖားကန့် ဌာနေသား အခွင့်အရေးကြိုးပမ်းသူ ဆရာလမောင် လတောင် ကွယ်လွန်

Read Next

ကာမိုင်း မအူပင်ကျေးရွာ စစ်ကောင်စီအောက် ပြည်သူ့စစ်ခေါင်းဆောင် ပစ်သတ်ခံရ

Leave a Reply

Your email address will not be published. Required fields are marked *